1 योहान 3:14 - पवित्र पोल्‍ले

¹⁴ मनम मना दंटाता विस्‍वासुल्‍कुन पावरम कींतोम. अदुनहाटीं मनम हामुरताल पेय्सि पिस्वरते वातोम, इंचि मनाकु एरपाट मंता. बोर अय्ते पावरम किय्योर ओर हातोनलेसीं मंतोर.

1 योहान 3:14 Iomraidhean Croise

मत्‍तयाल 25:40

अस्‍के राजाल, “नना मीकु निजम वेहासेक मंतन, इगे मत्‍ता नावा कदर हिलुवा विस्वासुल्‍कुनाल बोन वरोन बेस हूळिना, नाकुन बेस हूळतापे,” इंचि ओर्कुन इनानुर.

लूकाल 15:24

बारित्‍ते, नावा मर्रि नहागटाल वेल्‍लेन लक्‍कु होंचि हासोत्‍ताप मत्‍तोर, इंदके ओर मल्सि वातोर. तप्‍सोंचि मत्‍तोर गानि इंदके दोर्कतोर, इंचि इत्‍तोर. इल्‍हा ओर कूस आयालय दल्‍गुतुर.

लूकाल 15:32

गानि ईर नीवा तम्मुर वेल्‍लेन लक्‍कु होंचि हासोत्‍ताप मत्‍तोर, इंदके पिस्सि मल्सि वातोर. तप्‍सोंचि मत्‍तोर गानि इंदके दोर्कतोर. अदुनहाटीं मनम कूस आयमळ गावाले इत्‍तोर.” इल्‍हा वेहचि येसु वेसुडि वेहमळ महतोर.

योहान 13:35

मीवा वरोनद वरोर पावरम कियमळतुन हूळसि, मिमेट नावा सिस्युल्क आंदिर, इंचि अंटोर लोकुल्‍कुंक तेळियसि दांता,” इंचि येसु वेहतोर.

योहान 15:12

“नना मीकुन बल्हा पावरम कीतनो, अल्हेन मिमेटगुडा वरोंक-वरोर पावरम कीकुंटु, इदे नावा आदेस आंदु.

योहान 15:17

मिमेट वरोंक-वरोर पावरम कीकुंटु, इद मीकु नावा आदेस आंदु.”

योहान 5:24

नना निजम-निजम वेहासेक, बोर अय्ते नना वेहना पोल्‍लेन केंजसि नाकुन लोहतोना पोर्रो विस्वासम इर्रंतोर, ओन्क बस्‍केळ्‍क पिस्सना पिस्वर दोर्कंता. पेन ओन्क सिक्‍साता आदेस हिय्यो, ओर हामुरताल पेय्सि पिस्वरतुन संपादिंच्‍कुंतोर.

2 कुरेंति 5:1

बूमिपोर्रो मंदना लोतालेसीं मावा मेंदुल मंता. अद लोन नासडेम आतस्के माकु मनालय स्वर्गमते लोन मंता, अद बस्‍केळ्‍क मंदना लोन मनकल तयार कीतद आयो, गानि पेने कीता इंचि माकु एरपाटे मंता.

गलातिया 5:22

पेनदा आत्माता कबाह्‍क इल्‍हा मंतां: पावरम कियमळ, कुसिते मनमळ, सांतिते मनमळ, ओप्के पीसि मनमळ, दया कियमळ, मंचितनम, इमानदारते मनमळ, मेत्‍तगा मनमळ, बसोंटा परिक्‍सा वायिनागानि अव्टे अर्राकोंटा सततुन आपकुनमळ.

इपीसि 1:15

अदुनहाटीं बस्केटाल अय्ते नना, सामि येसुना पोर्रोटा मीवा विस्वासम बारेमते आनि पवित्र लोकुल्‍कुन मिमेट बेस पावरमते हूळांतिर इत्‍तदुना बारेमते केंजतन, अस्‍केटाल नना नावा पारतनाते मीकुन मति कीसेके, मीवाहाटीं पेनदुक बस्‍केळ्‍क दन्यवाद वेहासेक मनंतन.

इपीसि 2:1

मुन्‍ने मिमेट तप्‍पु कबाह्‍क कीसि, पापाल्क कीसि आत्माते हासि मत्‍तिर. गानि मीकुनगुडा किरिस्‍तु जीवाते तेहातोर.

इपीसि 2:5

मनम तप्‍पु कबाह्‍क कीसि हासि मत्‍तास्‍के मनाकुन अद किरिस्‍तुनतोनि जीवाते तेहाता. पेन कुर्पा कीताहेंकेन मीकु मुक्‍ति दोर्कता.

कुलुसि 1:4

बारित्‍ते, किरिस्‍तु येसुना पोर्रोटा मीवा विस्वासम आनि अंटोर पेनदा लोकुल्‍कुन मिमेट कियाना मीवा पावरमता बारेमते केंजतोम.

1 तेसलोनि 4:9

इंदके वरोंक-वरोर पावरम कियमळ मिमेट पेनदाहेंदाले करियतिर. अदुनहाटीं दादाल-तम्मुह्कुनालेसीं मिमेट वरोंक-वरोर पावरम कीम्‍टु इंचि रासनद अव्‍सरम हिल्‍ले.

इब्रि 13:1

मिमेट अंटोर उंदि लोतोरलेसीं वरोंक-वरोर पावरम कीसेके मंटु.

1 पत्रु 1:22

मिमेट सत्‍तेमता हर्रि ताकसि मीवा आत्मातुन पवित्र कीकुत्‍तिर. अदुनहाटीं मिमेट वरोंक-वरोर पावरम कीसेके मंतिट. अल्‍हेने इंदके मीलेसीं विस्वासुल्‍क आतोर्कुन मिमेट पूरा मनसुनाल पावरम कीम्‍टु.

1 पत्रु 3:8

आकिरते, मिमेट उंदि मनसुने वरोंक-वरोर पावरम कियमळते, उंदि लोतोरलेसीं जीवा कियमळते, इंकावरोनहाटीं जीवा नोयमळते, सादा-सिंपल मनमळते अंटोर उंदि आसि मंटु.

2 पत्रु 1:7

बक्‍तिते दादल-तम्मुना कूळमळ, दादल-तम्मुना कूळमळते पावरम कल्‍पट.

1 योहान 2:3

मनम ओक्‍कला ओना आदेसकुन पीसि ताकानय्ते, ओन मनम बेस तेल्‍पिचकुत्‍तोम इंचि मनाकु बरोबर तेळियंता.

1 योहान 3:23

दाना आदेस बतल इत्‍ते, मनम दाना मर्रि येसु किरिस्‍तुनपोर्रो विस्वासम इर्राना आनि ओना आदेस परकारम मनम वरोंक-वरोर पावरम कियाना.

1 योहान 4:12

पेनदुन बोर बस्‍केन हूळा हिल्‍लुर. गानि मनम, वरोंक-वरोर पावरम कियानय्ते पेन मनालोप्‍पो मनंता आनि दाना पावरम मनालोप्‍पो पुरागा आंता.

1 योहान 5:13

पेनदापोर्रो विस्वास इर्रानोरिटा! बस्‍केळ्‍क पिस्सना पिस्वर मिहगा मंता. दीन मिमेटु एरपाट कीम्‍टु इंचि नना मीकु इव पोल्‍लें रासा मंतन.

1 योहान 5:2

इल्‍हा मनम बस्के अय्ते पेनदुन पावरम कींतोम आनि दाना आदेसकुना परकारम ताकंतोम अय्ते, अस्‍के एरपाट कींतोम गदा मनम पेनदा मर्कुनतोनिगुडा पावरम कींतोम.