1 योहान 3:12 - पवित्र पोल्‍ले

¹² मनम काइनुनालेसीं मननायो. ओर देय्यमता बाजुनोर आसि ओना तम्मुन हव्कतोर. ओर ओना तम्मुन बद कारनमते हव्कतोर? बारित्‍ते, ओना तम्मुना कबाह्‍क नीतितव मत्‍तां आनि ओना कबाह्‍क बारे तप्‍पुनव मत्‍तां.

1 योहान 3:12 Iomraidhean Croise

मत्‍तयाल 13:19

स्वर्ग राज्येमता बारेमता कबुरतुन केंजसि बोर दान अर्तम कीकुन्‍नोर, ओना मनसुने बतल अय्ते वीतिस मत्‍तनो अदुन देय्यम वासि इग्‍गिस ओंता. आ लोकुल्‍क इत्‍ते विज्‍जां अरता हर्दा जेगातसंटोर आंदुर.

मत्‍तयाल 13:38

पोलम इत्‍ते ई दुनिया आंदु. आनि बेसता विज्‍जां इत्‍ते पेनदुन ‘मावा राजाल’ इंचि विस्वासम कीतोर, हकोलिं इत्‍ते देय्याल्कुन पोल्‍लें केंजानोर आंदुर.

मत्‍तयाल 23:35

दीनहेंदाल, नीतिमंतुड आता आबेलनगटाल अय्ते गुळि आनि गद्‍दे नड्‍डुम मिमेट हव्‍कता बर्काना मर्रि जकर्याहनगड्‍क, बचटुर नीतिमंतुल्‍कुना नेत्‍तुर अय्ते ई बूमिपोर्रो पोंगागोटमळ जर्गता, आ अंटोरा नेत्‍तुरता दोसेम पूरा मीपोर्रो अर्रार.

मत्‍तयाल 27:23

“बारि, ओर बतल तप्पु कीतोर?” इंचि पिलातुस पूसकीतस्‍के, “ओन क्रुसुनपोर्रो मोल्‍लां कोह्‍किसि हव्का” इंचि ओर जोरसे वरगेयतुर.

मत्‍तयाल 5:37

दानहाटीं नीवा वळ्‍कुमळ हो इत्‍ते हो, हिलाकोंटे हिल्‍ले इत्‍ते हिल्‍ले इंचि मन्‍नि. नीवा पोल्‍लेतुन निजम कियालय ओट्‍टु तिनानय्ते अद देय्यमताहेंदाल वाता.

लूकाल 11:51

इत्‍ते आबेलनगटाल अय्ते, गुळि आनि गद्‍दे नड्‍डुम हव्‍कता जकर्याहनगड्‍क. हां, नना मीकु निजम वेहांतन, ईर अंटोरा नेत्‍तुरता हिसाब ई पीळिता लोकुल्‍कुनहेंदाले एतमळ जर्गंता.

योहान 10:32

अय्ते येसु, “नावा बाबाल नाकु वेहताप नना वेल्‍लेन बेसता कबाह्‍क मीकु कीसि हुपिस्तन. अव्टेटाल बद कबळहाटीं नाकुन बंडाने तनालय हूळसंतिर?” इंचि ओर्कुन पूसकीतोर.

योहान 8:40

गानि नना पेनदागटाल केंजता सत्‍तेम पोल्‍लें मीकु वेहते, मिमेट नाकुने हव्कालय हूळसंतिर. अब्राहाम अय्ते अल्हा किया हिल्‍लोर.

योहान 8:41

मिमेट मीवा बाबाल कीताप कीसंतिर,” इंचि इत्‍तोर. अस्‍के ओर, “मोमोट बोगमतनम कीते पुट्‍टा हिल्‍लोम! माकु वरोरे बाबाल मंतोर, ओर पेनबाबाले,” इंचि येसुन इत्‍तुर.

प्रेरितुल्‍कुना कबाह्‍क 7:52

मीवा पेद्‍दाल्क तकलिप हियाकोंटा पेनदा कबुरतोन वरोनगुडा होळसा हिल्‍लुर. वरोर नीतिमंतुड वायानोर मंतोर, इंचि वेहानोर्कुन मीवा एनकटा पेद्‍दाल्क हव्कतुर. इंदके मिमेट बारे, ओर बा नीतिमंतुना बारेमते वेहचि मत्‍तुरो आ नीतिमंतुन दोकाते पीसि हव्कतिर.

1 तेसलोनि 2:14

अद बल्हा इत्‍ते, विस्वासुल्‍कुनिटा! यहुदिया राज्येमते येसु किरिस्‍तुनलोप्‍पो मत्‍ता पेनदा कलिसियातोरलेसीं मिमेट ताकसेक मंतिट. बारित्‍ते बल्हा मिमेट मीवा देसेमतोराहेंदाल तकलिप बोगांच्‍तिरो, अल्‍हेने ओर ओरा यहुदिल्कुनाहेंदाले तकलिप बोगांच्‍तुर.

इब्रि 11:4

विस्वासमहेंदाले आदामना मर्रि आबेल, ओना दादाल काइनुंकन्‍ना बच्‍चोनो बेसता मोक्‍कु पेनदुक हीतोर. काइन बतल अय्ते हीतोर अदुन पेन मेच्‍कुना हिल्‍ले गानि, आबेलना मोक्‍कुन पेन मेच्‍कुंचि ओन नीतिमंतुड इंचि गवाइ हीता. आबेल अय्ते हातोर, गानि ओना विस्वासमहेंदाल मनम इदवेरदाकागुडा करियसेक मंतोम.

इब्रि 12:24

इंका पूना करारता नड्‍डुमतोर आता येसुनगा मिमेट वातिट. आदामना मर्रि आबेलना नेत्‍तुर इत्‍ते, ओना दादाना बद्‍ला येतालय पेनदुन केयताप मत्‍ता. गानि येसुना नेत्‍तुर अय्ते मीवापोर्रो सल्सि मीवा पापाल्कुन मापि कीम इंचि पेनदुन केयताप मंता.

1 पत्रु 4:4

इंदके मिमेट असोंटा पेद्‍दा बोगमतनाल्कुने ओरतोनि कलियसेके हिल्‍लिर इंचि ओर इचंत्रम आसेक मंतुर. अदुनहाटीं ओर मीकुन बदनाम कीसंतुर.

1 योहान 3:8

पापम कीसेके मनना हरेक मनकल देय्यमता बाजुनोरे आंदुर. बारित्‍ते सुरुवनाले देय्यम पापम कीसेके वासंता. गानि देय्यमता कबाह्‍कुन नासडेम कियानाहाटींगे पेनदा मर्रि इद दुनियाते वातोर.

यहुदा 1:11

अय्यो, बच्‍चोर गोसा आयार! बारित्‍ते ओर काइन ताकता हर्दे ताकतुर, पाय्दाताहाटीं बिलाम इनानोर कीता तप्पु कीतुर आनि कोरह बल्हा विरोद कीसि नासडेम आतोर, अल्हे ईरगुडा नासडेम आंतुर.

पेन हुपिस्‍ता पोल्‍लें 17:6

अद मुरतळ पेनदा लोकुल्‍कुना नेत्‍तुरतुन आनि येसु सामिना गवाइताहाटीं जीवा हीतोरा नेत्‍तुरतुन उंचि रिम्मा आतद हूळसि नाकु वेल्‍ले इचंत्रम आता.