1 योहान 3:10 - पवित्र पोल्‍ले

¹⁰ इदुन पीसे, पेनदा पिलाल्क बोर आंदुर, देय्यमता पिलाल्क बोर आंदुर? इत्‍तद तेळियसि दांता. बोर अय्ते सत्‍तेमते ताकुर, ओरा दादन पावरम किय्युर, ओर पेनदा संतानम आयुर.

1 योहान 3:10 Iomraidhean Croise

मत्‍तयाल 13:38

पोलम इत्‍ते ई दुनिया आंदु. आनि बेसता विज्‍जां इत्‍ते पेनदुन ‘मावा राजाल’ इंचि विस्वासम कीतोर, हकोलिं इत्‍ते देय्याल्कुन पोल्‍लें केंजानोर आंदुर.

लूकाल 6:35

अल्हा कियाकोंटा मिमेट मीवा पगातोर्कुन पावरम कीसि ओर्कुन बेस हुळाट. बाकि वापस दोहंतोर इंचि आसे इर्राकोंटा बाकि हीम्ट. अस्‍के पेन मीकु पेद्‍दा इनाम हियार, मिमेट अन्‍निटकन्‍ना पेद्‍दा पेनदा मर्क-मियाह्क आकिट. बारित्‍ते, बोर अय्ते पेनदुन मति किय्युर आनि कराब मंतुर असोंटा लोकुल्‍कुनपोर्रो इंका पेन दया कींता.

योहान 1:12

गानि बोर अय्ते ओन ओप्‍कुंचि ओना पोरोल पोर्रो विस्वासम कीतुरो, ओर्क अंटोर्क पेनदा मर्क-मियाह्क आयना अदिकारम ओर हीतोर.

योहान 8:44

मिमेट देय्यमता पिलाल्क आंदिर, देय्यमे मीवा बाबाल आंदुर. अदुनहाटीं मीवा बाबाल कियना तप्‍पुड कबाह्‍क कियमळ इत्‍ते मीकु वेल्‍लेन इस्‍टम. देय्यम मुन्‍नेटाले जीवां तिंचेके वाता. अद सत्‍तेमतुन बस्‍केने हय्सो. दानागा सत्‍तेम हिल्‍लेन हिल्‍ले. आबद्‍दम वळ्‍कमळे दाना गुनम आंदु, अदुनहाटीं अद बस्‍केळ्‍क आबद्‍दमे वळ्कंता, आबद्‍दमतुन पुट्‍संता.

योहान 8:47

बोर अय्ते पेनदा मनकल, ओर पेनदा पोल्‍लें केंजंतोर. गानि मिमेट पेनदा मनकालोर आयिर, अदुनहाटीं मिमेट अव पोल्‍लेन केंजसेक हिल्‍लिर,” इंचि येसु इत्‍तोर.

प्रेरितुल्‍कुना कबाह्‍क 13:10

“अरे! दोका हियानोना, अन्‍नि तीरकुना नडेह कियाना बुद्‍दिं निंडिस मत्‍ता देय्यमता मर्रिना! अन्‍नि नीति पोल्‍लेंक अड्‍डम तिरियना पगातोन आंदिन. सामिना निजम पोल्‍लेतुन बदवेरदाका आबद्‍दम वळ्कसेक मनांतिन?

रोम सहरतोरहाटीं पौलुसना सिट्‍टि 13:8

मिमेट इंकावरोन पावरम कीम्‍टु, पावरम कियमळ तप्‍पा बोर्के आयि बदे पोल्‍लेता बाकि मनमट. अल्हा मत्‍तोर मूसाना नियमतुन पालन कीताप आंतोर.

इपीसि 5:1

मिमेट पेनदा पावरमगल्‍ला पिलाल्क आंदिर, अदुनहाटीं पेन कीताप मिमेटगुडा कीम्‍ट.

कुलुसि 3:14

अचोने आयाका मिमेट अंटोर उंदासि पावरमते दोहताप मंटु.

1 तिमोति 1:5

ई आदेसता उद्‍देसम, पवित्र गुंडेताल, मनसुना बेस पोल्‍लेताल आनि निजम विस्वासमताल पुट्‍टना पावरम आंद.

1 योहान 2:29

मिमेट ओक्‍कला किरिस्‍तु नीतिमंतुड इंचि तेल्‍पिचकुत्‍तोर आयानय्ते, सत्‍तेमता कबळ कियाना हरेक मनकल पेनदाहेंदाले पुट्तोर इंचिगुडा मीकु तेळियंता.

1 योहान 3:1

हुळट! पेन मनाकुन बच्‍चोन वेल्‍ले पावरम कींता! अदुनहाटीं मनाकु पेनदा पिलाल्क इंचि पोरोल दोर्कता, आनि मनम आंदुमगुडा. गानि दुनियातोर पेनदुन एरपाट किय्युवाहेंका ओर मनाकुन तेल्‍पिचकुन्‍नुर.

1 योहान 3:2

नावा पावरमगल्‍लोरिटा! इंदके मनम पेनदा पिलाल्‍कुम आंदुम. गानि वायाना कालमते मनम बल्हा बतल मनंतोम इत्‍तद, इंका तेळिया हिल्‍ले. अय्नागानि, किरिस्‍तु मर्रा मल्सि वायानुर अस्‍के, ओर बल्हा मंतोर अल्हे ओन मनम हूळांतोम. अस्‍के मनमगुडा ओनालेसींगे मनंतोम इंचि माकु एरपाट मंता.

1 योहान 4:21

पेनदाहेंदाल मनाकु इदु आदेस दोर्कता. बोर अय्ते पेनदुन पावरम कींतोर, ओर ओना दादानगुडा पावरम कियाना.

1 योहान 4:6

गानि मनम पेनदा लोकुल्‍क आंदुम. पेनदुन एरपाट कियानोर, मना पोल्‍लें केंजंतुर. गानि पेनदुन एरपाट कियवोर, ओर मना पोल्‍लें केंजुर. इल्‍हा मनम, बद सत्‍तेमता आत्मा आनि बद आबद्‍दमता आत्मा इंचि परक एरपाट किया पर्रंतोम.

1 योहान 4:8

पेन पावरम आंद. अदुनहाटीं बोर अय्ते पेनदुन पावरम किय्योर, ओर पेनदुन एरपाट किय्योर.

1 योहान 5:19

मनाकु एरपाट मनम पेनदा हेंदोरम आंदुम. पूरा दुनिया आ देय्यम कय्‍दे मंता.

1 योहान 5:2

इल्‍हा मनम बस्के अय्ते पेनदुन पावरम कींतोम आनि दाना आदेसकुना परकारम ताकंतोम अय्ते, अस्‍के एरपाट कींतोम गदा मनम पेनदा मर्कुनतोनिगुडा पावरम कींतोम.

3 योहान 1:11

पावरमगल्‍ला दंटातोना! निमे ओनालेसीं कराबता जोलिक होन्‍मा, सिराप बेस बतल अदे कीसेके मन. बेसता कबाह्‍क कियानोर पेनदा मनकल आंदुर, सेड्‍डा कबाह्‍क कियानोर पेनदा मनकल आयोर.