1 योहान 3:1 - पवित्र पोल्‍ले

¹ हुळट! पेन मनाकुन बच्‍चोन वेल्‍ले पावरम कींता! अदुनहाटीं मनाकु पेनदा पिलाल्क इंचि पोरोल दोर्कता, आनि मनम आंदुमगुडा. गानि दुनियातोर पेनदुन एरपाट किय्युवाहेंका ओर मनाकुन तेल्‍पिचकुन्‍नुर.

1 योहान 3:1 Iomraidhean Croise

लूकाल 20:36

ओर पेनदा दूतनलेसीं मनांतुर, बस्‍केने हायुर. ओर हामुरताल मर्रा जीवाते तेदताहाटीं, ओर पेनदा पिलाल्क आयानुर.

योहान 1:12

गानि बोर अय्ते ओन ओप्‍कुंचि ओना पोरोल पोर्रो विस्वासम कीतुरो, ओर्क अंटोर्क पेनदा मर्क-मियाह्क आयना अदिकारम ओर हीतोर.

योहान 15:21

नाकुन लोहचीतोन ओर एरपाट किय्युर, अदुनहाटीं ओर मीकुन नावा पोरोलहाटीं इव अन्‍नि तकलिप्क कींतुर.”

योहान 16:3

बाबाल आनि नना बोर आंदुम, ओर्क तेळियो, अदुनहाटीं ओर मीकुन अल्हा कींतुर.

योहान 17:25

बाबा! निमेन नीतिमंतुन आंदिन. ई दुनिया नीकुन एरपाट किय्‍यो. गानि नना एरपाट कींतन. अल्हेन नाकुन निमेन लोहतिन इंचि ई सिस्युल्क एरपाट कींतुर.

योहान 3:16

पेन दुनियातोर्कुन इच्‍चोन पावरम कीता गदा, दाना वरोरे मर्रिनगुडा ई दुनियातोराहाटीं हीता. ओन नम्मना हरेक मनकल नासडेम आयामन्‍नि गानि ओन्क बस्‍केळ्‍क पिस्सना पिस्वर दोर्कना इंचि अद अल्हा कीता.

रोम सहरतोरहाटीं पौलुसना सिट्‍टि 5:8

गानि मनम इंका पापमतेन मत्‍तोम, अस्‍केने किरिस्‍तु मनाहाटीं जीवा हीतोर. इदुना हेंदाल पेन मनापोर्रो बच्‍चोन पावरम कींता इंचि दिसंता.

रोम सहरतोरहाटीं पौलुसना सिट्‍टि 8:19

पेन दाना मर्क-मियाह्कुंक हीता कदरतुन बस्के हुप्‍सार इंचि अद पुट्‍टिस्‍तव अन्‍निटवे वेल्‍लेन आसेते एदुर हूळसेक मंतां.

रोम सहरतोरहाटीं पौलुसना सिट्‍टि 8:21

इंचि पेन पुट्‍टिस्‍तव अन्‍निटव नासडेम आयालय मंतां. अदुनहाटीं आ नासडेमताल तप्‍पिसि, पेनदा मर्क-मियाह्कुनतोनि कलियसि पेनदा महिमा आयाना स्वतंत्रमतुन दोर्किच्‍कुनालय पूरा दुनियंता आसेते एदुर हूळसेक मंता.

रोम सहरतोरहाटीं पौलुसना सिट्‍टि 8:32

पेन दानकु मत्‍ता वरोर मर्रिनगुडा मनाहाटीं हीता. वरोरे मर्रि इंचि पज्जो-मुन्‍ने किया हिल्‍ले, अच्‍चोन बेस पेन आंदु. असोंटस्के दाना मर्रिनतोनि कळमातव अन्‍निगुडा मनाकु हिय्योना? तप्‍पाकोंटा हींता.

2 कुरेंति 6:18

नना मीवा बाबान आकन, मिमेट नावा मर्क-मियाह्क आकिट इल्‍हा पेद्‍दा सक्‍तिमंतुड पेन इंता,” इंचिगुडा रासि मंता.

गलातिया 3:26

येसु किरिस्‍तुनपोर्रो विस्वासम कीताहेंका मिमेट अंटोर इंदके पेनदा पिलाल्क आतिर.

गलातिया 3:29

मिमेट किरिस्‍तुना लोकुल्‍क आतिर, इत्‍ते अब्राहामुना वंसमतोर आंदिर. दीनहेंदाल पेन अब्राहामुंक हीता पोल्‍ले परकारम, पेन ओन्क हियना आसिर्वादता वारसदार्कगुडा आंदिर.

1 योहान 3:10

इदुन पीसे, पेनदा पिलाल्क बोर आंदुर, देय्यमता पिलाल्क बोर आंदुर? इत्‍तद तेळियसि दांता. बोर अय्ते सत्‍तेमते ताकुर, ओरा दादन पावरम किय्युर, ओर पेनदा संतानम आयुर.

1 योहान 3:2

नावा पावरमगल्‍लोरिटा! इंदके मनम पेनदा पिलाल्‍कुम आंदुम. गानि वायाना कालमते मनम बल्हा बतल मनंतोम इत्‍तद, इंका तेळिया हिल्‍ले. अय्नागानि, किरिस्‍तु मर्रा मल्सि वायानुर अस्‍के, ओर बल्हा मंतोर अल्हे ओन मनम हूळांतोम. अस्‍के मनमगुडा ओनालेसींगे मनंतोम इंचि माकु एरपाट मंता.

1 योहान 4:17

मनालोप्‍पो पेनदा पावरम पुरागा आंता. अदुनहाटीं पेन न्‍यायम कियाना रोजुने मनम वेरियाकोंटा मना परकोम. बारित्‍ते किरिस्‍तु मत्‍तापे, मनमगुडा इद दुनियाते पिस्सेक मंतोम.

पेन हुपिस्‍ता पोल्‍लें 21:7

गेल्सानोर अंटोर इव अन्‍निटवुना वारसदार्क आंतुर. नना ओरा पेनदुन आंतन, ओर नावा पिलाल्क आंतुर.