1 योहान 2:29 - पवित्र पोल्‍ले

²⁹ मिमेट ओक्‍कला किरिस्‍तु नीतिमंतुड इंचि तेल्‍पिचकुत्‍तोर आयानय्ते, सत्‍तेमता कबळ कियाना हरेक मनकल पेनदाहेंदाले पुट्तोर इंचिगुडा मीकु तेळियंता.

1 योहान 2:29 Iomraidhean Croise

योहान 1:13

पेनदा मर्क-मियाह्क आयमळ इत्‍ते मनकना पीटाल, मनकना इच्‍चा मत्‍ताप पुटमळ, मुय्दोना इच्‍चा मत्‍ताप पुटमळ आयो. गानि पेने ओर्कुन दाना संतानम कीकुंता.

योहान 7:18

बोर अय्ते ओना सतता पोल्‍लें कराहंतोरो, ओर ओना पोरोल्तुने पेद्‍दा कियालय हूळांतोर. गानि बोर अय्ते ओन लोहतोन्कु कदर दोर्कना इंचि इनकुंतोरो, ओर सत्‍तेम मनकल आंदुर, ओनगा बतले आबद्‍दम हिल्‍ले.

प्रेरितुल्‍कुना कबाह्‍क 10:35

दुनियाता अन्‍नि देसेल्‍कुना लोकुल्‍क ओर बोरन्‍ना आयिर, ओर पेनदुक वेरियसि नीति कबाह्‍क कियानय्ते पेन ओनपोर्रो कूस मनंता.

प्रेरितुल्‍कुना कबाह्‍क 22:14

पजा ओर नाकुन, “मना एनकटा पेद्‍दाल्कुना पेन दाना इच्‍चातुन एरपाट कियालय, नीतिमंतुड आता दाना सेवकुन हूळालय, ओना तोळ्‍दा पोल्‍लेन केंजालय नीकुन पेर्कुत्‍ता.

प्रेरितुल्‍कुना कबाह्‍क 3:14

पवित्र आनि नीतिमंतुड मत्‍ता येसुन ओप्‍कुन्‍ना हिल्‍लिर, गानि वेरेतोरा जीवां तेंडाना पापि मनकन गावाले इत्‍तिर.

2 कुरेंति 5:21

मनम किरिस्‍तुनाहेंदाल पेनदा लोप्पो नीतिमंतुल्क आयागोम इंचि मना बदलाते मना पापाल्कुनाहाटीं पापम कियवा किरिस्‍तु मोक्‍कु आतोर.

इब्रि 7:2

अस्‍के अब्राहाम लडाइते गेल्सि तत्‍ता पूरा दनम-संपत्‍तितुन तूस कीसि, पदोव तूस मेल्किसेदेकुंक हीतोर. मेल्किसेदेक इनना पोरोल्कु अर्तम, “नीतिता राजाल” इंका इब्रानि बासाते सालेम इनना पोरोल्कु “सांति” इंचि अर्तम आंद. इत्‍ते ओन सुकमता राजाल इंचिगुडा इनावच्‍चु. मेल्किसेदेकुना तल्‍लुर-बाबो बोर आंदुर, ओना तम्मुह्‍क-तादालोर बोर आंदुर, ओना पुट्‍कु-हामुरता बारेमतेगुडा दर्मसास्‍त्रमते बतले रासि हिल्‍ले. पेनदा मर्रिनलेह्का ओरगुडा बस्‍केळ्‍ताहाटीं पेर्मल आसि मनंतोर.

इब्रि 7:26

येसु पवित्र मत्‍तोर, ओनगा बतले कसूर मनाहिल्‍ले, ओन्क बस्‍केने पापम अंटा हिल्‍ले, पापिल्कुनाल लक्‍कु मत्‍तोर. अदुनहाटीं ओन स्वर्गमकन्‍ना एत्‍तु तेहामळ जर्गता. इसोंटा पेद्‍दा पेर्मले मनाहाटीं बेस कुदरंतोर.

याकोब 1:18

ओर पुटिस्तवुन लोप्पो मोट्‍टा मोदाटा पलम मनमे आयागोम इत्‍ता ओना सतता इच्‍चातुन पीसि, सत्‍तेम पोल्‍लेताल मनाकुन पुटिस्तोर.

1 पत्रु 1:23

इंदके मिमेट पूना पिस्वरते पुटतिर, नासडेम आयाना पेडेहेंदाल आयो, गानि बस्‍केन नासडेम आयवद, बस्‍केळ्‍क जीवाते मनना पेनदा पोल्‍लेताहेंदाल, पूना पिस्वरते पुटतिर.

1 पत्रु 1:3

मना सामि येसु किरिस्‍तुना पेनबाबाना दन्यवाद आयि! ओना वेल्‍ले दयाताहेंदाल मनाकुन पूना रीतुने पुटिचमळ जर्गता. अद बल्हा इत्‍ते, पेनबाबाल येसु सामिन हातोरा लोप्पोटाल मर्रा तेहाचि, मनाकु उंदि पिस्वरता आसे हीतोर.

1 पत्रु 3:18

बारित्‍ते अंटोरा पापाल्कुनाहाटीं किरिस्‍तु उंदे मल्का हातोर. मनाकुन पेनदागा ओयालय वरोर नीतिमंतुड अनीतिमंतुनाहाटीं हातोर. मेंदुलताल ओन हव्कतुर गानि आत्माते ओन जीवाते तेहमळ जर्गता.

2 पत्रु 1:4

दुनियाते मनना कराब आसेनाल पुट्‍टना रोता गुनमताल तपिच्‍कुंचि, मनम पेनदा बेस गुनमता हिस्सेदार्क आयाना इंचि अद मनाकु विलुवाता पोल्‍लें हीता.

1 योहान 2:1

नावा पिलाल्‍कुनिटा! मिमेट पापम कियामन्‍नि इंचि नना इव पोल्‍लें मीकु रासेक मंतन. गानि ओक्‍कला बोरन्‍ना पापम कियानय्ते, मनाहेंदाल पेनबाबानतोनि वळ्कालय ओनगा वरोर सहायम कियानोर मंतोर, ओरे नीतिमंतुड येसु किरिस्‍तु आंदुर.

1 योहान 3:5

गानि पापाल्कुन लक्‍कु कियानाहाटींगे किरिस्‍तु वातोर इंचि मीकु एरपाटे मंता. ओनगा बतले पापम हिल्‍ले.

1 योहान 3:7

पिलाल्‍कुनिटा! मीकुन बोरे पसांचकोंटा जेगर्ता मंटु. बोर अय्ते सत्‍तेम कबाह्‍क कींतोर, ओर किरिस्‍तुनलेसीं नीतिमंतुडे आंदुर.

1 योहान 4:7

पावरमगल्‍लोरिटा! पावरम पेनदाहेंदाल वातद आंद. अदुनहाटीं मनम वरोंक-वरोर पावरम कियागोम. पावरम किय्यना हरेक मनकल पेनदा संतानम आंदुर. ओर पेनदुन एरपाट कींतोर.

1 योहान 5:1

येसु, किरिस्‍तु आंदुर इंचि बोरय्ते विस्वास कींतोर, ओर पेनदा मर्रि आंतोर आनि बोरय्ते पेनतोनि पावरम कींतोर, ओर दाना मर्रिनतोनि इंका पावरम कींतोर.

1 योहान 5:18

मनाकु एरपाट, बोरय्ते पेनदा मर्रि आतोर, ओर पापम किय्योर. पेनदा मर्रि ओना कापाळांतोर. आ देय्यम ओना बतल किया पर्रो.

1 योहान 5:4

बारित्‍ते बोरय्ते पेनदा मर्रि आंतोर, ओर दुनियातुन गेल्संतोर आनि मना विस्वासमहेंदाले दुनियापोर्रो मनाकु गेल्‍पु दोर्कंता.

3 योहान 1:11

पावरमगल्‍ला दंटातोना! निमे ओनालेसीं कराबता जोलिक होन्‍मा, सिराप बेस बतल अदे कीसेके मन. बेसता कबाह्‍क कियानोर पेनदा मनकल आंदुर, सेड्‍डा कबाह्‍क कियानोर पेनदा मनकल आयोर.