1 योहान 2:20 - पवित्र पोल्‍ले

²⁰ गानि मीवद अय्ते पवित्र मत्‍तोनहेंदाल अबिसेकम आता, अदुनहाटीं मिमेट अंटोर सत्‍तेमतुन एरपाट कींतिर.

1 योहान 2:20 Iomraidhean Croise

मत्‍तयाल 13:11

येसु अस्‍के ओर्कु इल्‍हा वेहतोर. “मीक अय्ते स्वर्ग राज्येमता बारेमता मर्ममतुन एरपाट कीकुनालय बुद्‍दि मंता, गानि ओर्कु हिल्‍ले.

मरकुस 1:24

ओर येसुन हूळसि, “निमे बोन आंदिनो नाक एरपाटे, निमे नासरेत सहरता येसुन, पेनदा पवित्र मनकन आंदिन. मातोनि नीकु बाता कबळ? माकुन नासडेम कियालय वातिना?” इंचि वरगेयसि इत्‍तोर.

लूकाल 4:18

“पेनदा पवित्र सेवक इल्‍हा वेहचंतोर, पेनदा आत्मा नावापोर्रो वाता. गरिबोर्कुंक बेसता कबुर वेहालय, पेन नाकुन अबिसेकम कीता. दोहचि वाटसि ओतोर्कुन, पेन होळसीता इंचि वेहालय, गुड्‍डोर्कुन, मिमेट हूळंतिर इंचि वेहालय, तकलिपते मनानोर्कुन, तकलिपताल तेंडालय,

लूकाल 4:34

“ए नासरेत नाटेना येसु! मातोनि नीकु बाता कबळ? माकुन नासडेम कियालय वातिना? निमे बोन आंदिनो नाक एरपाटे, निमे नासरेत सहरता येसुन, पेनदा पवित्र मनकन आंदिन,” इत्‍तोर.

योहान 14:26

अय्नागानि, बाबाल नावा पोरोल्ते लोहना सहायम कियानोर, इत्‍ते पवित्र आत्मा, मीकु अन्‍नि पोल्‍लें करहार. अचोने आयका, नना मीकु वेहता अन्‍नि पोल्‍लें अद मीकु मति कीसि हिय्यार.

योहान 16:13

गानि सत्‍तेम आत्मा वातस्के, अद मीकु पूरा सत्‍तेमतुन हुप्‍सार. अद दाना मनसुंक वाताप वळ्को, गानि बतल अय्ते अद बाबानगटाल केंजंता, अदे वेहंता. इंका मुन्‍ने जर्गना बारेमतेगुडा वेहंता.

प्रेरितुल्‍कुना कबाह्‍क 10:38

नासरेत नाटेना येसुन पेन पवित्र आत्मातोनि अबिसेकम कीसि अद्‍बूतामाता ताकत हीता. पेन ओनतोनि मत्‍ताहेंका, ओर अंटोराहाटीं बेसता कबाह्‍क कियुंदुर, देय्याल्कुना मुक्‍याना कय्‍दा हिळु मत्‍तोर्कुन बेस कीसेके तिरियुंदुर, इद मीकु एरके.

प्रेरितुल्‍कुना कबाह्‍क 3:14

पवित्र आनि नीतिमंतुड मत्‍ता येसुन ओप्‍कुन्‍ना हिल्‍लिर, गानि वेरेतोरा जीवां तेंडाना पापि मनकन गावाले इत्‍तिर.

1 कुरेंति 2:15

बोनगा अय्ते पेनदा आत्मा मंता, ओर अन्‍निन अर्तम किया परांतोर, गानि ओना बारेमते वेरे मनकल बोरे अर्तम किया पर्रोर.

इब्रि 1:9

सत्‍तेमतुन निमे पावरम कीतिन, सत्‍तेम हिलुवादान निमे हय्सिन. अदुनहाटींगे नना, नीवा पेनबाबन, नीवा दंटातोरा लोप्पोटाल नीकुन पेरसि, वेल्‍ले आनंदमता निय होक्‍सि नीवा अबिसेकम कीतन,” इंचि पेन इत्‍ता.

इब्रि 8:11

अद वेलाते सिन्‍नाल्क-पेद्‍दाल्क अंटोरे नाकुन एरपाट कीसि मनांतुर, अदुनहाटीं, पेनदुन एरपाट कीम्‍टु, इंचि लोता पक्‍कातोर्क आयि जीवातोर्क आयि, ओर-ओरा नाटेनोर्क वेहना अव्‍सरम हिल्‍ले.

1 योहान 2:27

गानि बदुनतोनि अय्ते मीवा अबिसेकम आता, अद मीलोप्‍पो निल्‍सि मनंता. अदुनहाटीं बोर मीकु कराहना अवसरम हिल्‍ले. मीलोप्‍पो मनना अबिसेकम, मीकु अन्‍निटवुना बारेमते कराहंता. अद सत्‍तेम आंद, दाना कराहमळ आबद्‍दमतद आयो. अद मीकु बल्हा कराहंता, अल्हा मिमेट किरिस्‍तुना लोप्पो निल्‍सि मंटु.

1 योहान 4:13

इल्‍हा पेन मनालोप्‍पो मनंता, मनम पेनदा लोप्पो मनंतोम इंचि मनाकु एरपाट आंता. बारित्‍ते, पेन मनाकु दाना सतता आत्मातुन हीता.

यहुदा 1:5

मीक इवन्‍नि पोल्‍लें मोदाटाले एरपाट मंतां, अय्नागानि इव पोल्‍लें मीक मति कीसि हींतन इंचि इनकुंचेके मंतन. पेन दाना लोकुल्‍कुन इजिप्‍त देसेमताल पेचाह्ता पजा बोर अय्ते दान विस्वासम किया हिल्‍लुर, ओर्कुन नासडेम कीता.

पेन हुपिस्‍ता पोल्‍लें 3:7

पिलाडेलपिया सहरता कलिसियाता दूताक इल्‍हा रासा. बोर अय्ते पवित्र आनि सत्‍तेमतोर मंतोर, ओर दाविदना अदिकारता चाबि इर्रंतोर, ओर तेंडता तल्‍पुन बोरे बंद किया पर्रोर आनि ओर बंद कीता तल्‍पुन बोरे तेंडा पर्रोर, ओर बतल इंतोर इत्‍ते,

पेन हुपिस्‍ता पोल्‍लें 4:8

जीवाते मनना नालुं जिवरासिंक हारुं-हारुं रेक्‍कां मंतां, अवुना मेंदुलता सुट्‍टु, लोप्पो कळ्के-कळ्‍क मंतां. अव पोद्‍दाला नर्का पल्हीं आराम कियाकोंटा उंदेतीर, “निमेने पवित्र, पवित्र, पवित्र, सामि पेनबाबाल, अन्‍निटकन्‍ना सक्‍तिमंतुन आंदिन. निमेने मुन्‍नेटाल मत्‍तिन, इंदके मंतिन, मुन्‍नेगुडा मनांतिन” इंचि इंचेक मत्‍तां.