1 योहान 2:19 - पवित्र पोल्‍ले

¹⁹ ओर लोकुल्‍क मना लोप्पोटाले पेय्‍सतुर, गानि ओर मनोर्क आयुर. ओर निजमे मनोर्क आसि मत्‍ते मनातोनि मंचि मन्‍नेर. ओर बोरे मनोर्क आयुर इंचि मनाकु तेळियानाहाटीं ओर अल्हा पेय्सि होत्‍तुर.

1 योहान 2:19 Iomraidhean Croise

मत्‍तयाल 24:24

बारित्‍ते अव रोजकुने आबद्‍दम किरिस्‍तुल्‍क, पेनदा आबद्‍दम कबुरतोर वायानुर. आनि कुदुरते पेन पेर्कुत्‍ता लोकुल्‍कुन पसांचलय पेद्‍दा-पेद्‍दा चिन्‍हां, इचंत्रमता कबाह्‍क कीसि हुप्‍सानुर.

लूकाल 8:13

विज्‍जां अरता बंडाना गेर्से जेगातसंटोर बोर इत्‍ते, बोर अय्ते पेनदा पोल्‍लेतुन कुसिते केंजसि दान ओप्‍कुंतुर. गानि ओरा मनसुने पेनदा पोल्‍ले गट्‍टि पळुवाहाटीं, ओर कोन्‍नि रोजके विस्वासमते मनांतुर. पजा पट्‍टु हूळना वेला वातस्के विस्वासमताल ओर लक्‍कु आंतुर.

योहान 15:2

नावा पंगानाल बव पंगांक अय्ते कायां हादोंगो, अवुन ओर नरकिस पोहांतोर. आनि हादाना पंगान बारे, इंका बेस हादगोम इंचि अवुना कोस्‍सन कत्रिच्‍चंतोर.

योहान 4:14

गानि नना हियना एतुन बोर अय्ते उंटोरो, ओन्क मर्रा बस्‍केने दूपायो. नना हीता एर ओनालोप्‍पो बस्‍केळ्‍क ऊरसेके मनना ऊटालेसीं मारियसि, ओन्क बस्‍केळ्‍क पिस्सना पिस्वरतुन हिय्यार,” इंचि जवाब हीतोर.

प्रेरितुल्‍कुना कबाह्‍क 15:24

मावा पावरमगल्‍ला दादालोरिटा, माकुन पूस कियाकोंटेन महागटाल इच्‍चुर लोकुल्‍क मिहगा वासि ओरा मनसुंक वाताप वळकिसि मी मनसुने अनमानम पुट्‍टिचि मीकु तकलिप हीतुर इत्‍ता संगति मोमोट केंजतोम.

प्रेरितुल्‍कुना कबाह्‍क 20:30

अचोने आयका मीवा लोप्पोटाले इच्‍चुर इसंटा मनकालोर पेय्संतुर गदा, ओर सिस्युल्कुन ओरा पज्जो इग्गुकुनालय आबद्‍दम पोल्‍लें वळकांतुर.

रोम सहरतोरहाटीं पौलुसना सिट्‍टि 9:6

पेन इस्राएलना वंसंमतोर्क हीता पोल्‍ले तपता इंचि नना इंचेक हिल्‍लेन, गानि इस्राएल देसेमते पुटतोर अंटोर इस्राएलना वंसंमतोर आयुर इंचि नना वेहचंतन.

1 कुरेंति 11:19

मीलोप्‍पो अलग आयमळ बेसे. बारित्‍ते बोर निजमते पिस्संतोर, ओर दिस्‍सि अर्रंतोर.

2 तिमोति 2:10

अदुनहाटींगे नना, किरिस्‍तु येसुना लोप्पो दोर्कना मुक्‍ति पेन पेरतोर्क, बस्‍केळ्‍क मनना दाना महिमातोनि दोर्कना इंचि बच्‍चुं कस्‍टाल्‍क अयना सहन कींतन.

2 तिमोति 2:19

गानि पेन दोहता पुनादि बस्‍केळ्‍क नित्‍तिसि मनंता. अद पुनादिपोर्रो, “सामिंक ओना लोकुल्‍क बोर आंदुर, ओन्क एरपाटे,” आनि “सामिना पोरोल एताना हरेक मनकल, तप्‍पुड कबाह्कुनाल लक्‍कु मनगोम,” इंचि सिक्‍का वाटसि मंता.

2 तिमोति 3:9

गानि ईर इंका मुन्‍नेळ्‍क होना परुर. बारित्‍ते मूसांक अड्‍डम तिरियता इव्वुर मनकालोर बल्हा तेल्वि तक्‍कोतोर इंचि अंटोर्क तेळियसि होत्‍ता, अल्हेन ईरा तेल्वि तक्‍कोतनमगुडा अंटोर्क तेळियसि होन्‍नार.

इब्रि 10:39

गानि मनम अय्ते, विस्वासमताल पजोळ्क आसि, नासडेम आयानोर लेसींटोरम आयोम. विस्वासम कीताहाटीं मनम पेनदाहेंदाल पिसांतोम.

2 योहान 1:7

येसु किरिस्‍तु मनकना रूपमते पुट्‍सि वायाहिल्‍लोर इंचि वेह्‍चि पसांचनोर वेल्‍लेन लोकुल्‍क इद दुनियाते पेय्‍सतुर. इसंटोरे हूळा! पसांचनोर आनि किरिस्‍तुना पगातोर्क.

यहुदा 1:1

नना यहुदन, येसु किरिस्‍तुना सेवकुन आनि याकोबुना तम्मुन आंदुन. पेनबाबाल मीकुन केय्‍सि पावरम कीतोर आनि येसु किरिस्‍तुना कय्‍दे कापाळसेक मंतोर, मी अंटोर्क नना जोहर कींतन.

यहुदा 1:19

ई लोकुल्‍क मीलोप्‍पो वरोनद-वरोंक अर्राकोंटा कींतुर, ईरा मनसुंक वाताप ताकंतुर, ईरा लोप्पो पेनदा आत्मा हिल्‍ले.