1 योहान 2:14 - पवित्र पोल्‍ले

¹⁴ बाबोरिटा! मोट्‍टा मोदोल्ताल मत्‍तोन मिमेट तेल्‍पिचकुत्‍तिर, इंचि नना मीकु रासेक मंतन. लेय्युरिटा! मिमेट गट्‍टिपळतिर. पेनदा पोल्‍ले मीलोप्‍पो निल्‍सि मनंता. मिमेट सेड्‍डातनमतुन गेल्‍सतिर, इंचि नना मीकु रासेक मंतन.

1 योहान 2:14 Iomraidhean Croise

योहान 15:7

मिमेट ना लोप्पो आनि नावा पोल्‍लें मीलोप्‍पो मनानय्ते, मीकु गावाले मत्‍तद बतल तल्‍किना, अद मीवाहाटीं कियमळ जर्गंता.

योहान 5:38

अचोने आयका ओर लोहतोना पोर्रो मिमेट विस्वासम इर्रुवाहेंका, ओर कराहता पोल्‍लें मीवा मनसुना लोप्पो मना पर्रों.

योहान 8:31

पजा येसु, ओनपोर्रो विस्वासम कीता यहुदिल्कुनतोनि, “मिमेट नना कराहता पोल्‍लें पीसि ताकानय्ते निजमे नावा सिस्युल्क आंतिर.

योहान 8:37

मिमेट अब्राहामुना वंसमतोर इंचि नाकु एरके. अय्नागानि नावा पोल्‍लेंक मीलोप्‍पो जेगा हिलुवाहेंका मीवा लोप्पोटाल इच्‍चुर नाकुन हव्कालय हूळसंतिर.

इपीसि 6:10

आकिरते नना वेहानद बतल इत्‍ते, सामिनतोनि ओना पेद्‍दा ताकतते उंदासि मंटु.

पिलिपिया 4:13

किरिस्‍तु नाक ताकत हीसेक इंचि, बसोंटा परिस्तिति वायिनागानि नना अन्‍नि किया परांतन.

कुलुसि 1:11

दाना महिमाता अन्‍नि तीरकुना बलमतोनि मीकुन गट्‍टिगा कींता, अदुनहाटीं अन्‍नि तीरकुना ओप्के, ओर्सकुनमळ इद मीक आनंदमतोनि दोर्कंता.

कुलुसि 3:16

किरिस्‍तुना पोल्‍ले मीलोप्‍पो निंडिसि मन्‍निकांटी, मिमेट पूरा तेल्‍विते वरोंक-वरोर करहट, तेळियागोट्‍सि वेहाटु, पेनदुक दन्यवाद कीसेके मना मनसुनाल बजनकु, कीर्तनकु, पाटां पारसेके होंटु.

2 तिमोति 2:1

ना मर्रि तिमोति, किरिस्‍तु येसुनगा मनना कुर्पाते निमे बेस ताकतवर आम.

इब्रि 8:10

गानि अव रोजकु दाटसोत्‍ता पजा, नना इस्राएल लोकुल्‍कुनतोनि कियाना पूना करार इल्‍हा मनंता. नना नावा नियमकुन ओरा मनसुल्कुने रासि, अवुन ओरा बुद्‍दिते इर्रानालायक कींतन. नना ओरा पेनदुन आकन, ओर नावा लोकुल्‍क आयानुर.

1 योहान 1:1

मोट्‍टा मोदोल्ताल बोर अय्ते मत्‍तोर, ओना बारेमते मोमोट मीकु वेहचंतोम. ओन मोमोट केंजतोम, ओन मावा कळ्‍कुने हूळतोम, मंचिगा हूळसि मावा कय्‍कुने ओन इट्तोम. पिस्वर हिय्यना पोल्‍ले ओरे आंदुर.

1 योहान 1:10

ओक्‍कला, “मोमोट पापम किया हिल्‍लोम” इंचि मनम इनानय्ते, मनम पेनदुन आबद्‍दम हिळु अरहंतोम. दाना पोल्‍ले मनालोप्‍पो हिल्‍ले.

1 योहान 2:13

बाबोरिटा! मोट्‍टा मोदोल्ताल मत्‍तोन मिमेट तेल्‍पिचकुत्‍तिर, इंचि नना मीकु रासेक मंतन. लेय्युरिटा! मिमेट सेड्‍डातनमतुन गेल्‍सतिर, इंचि नना मीकु रासेक मंतन. पिलाल्‍कुनिटा! मिमेट पेनबाबान तेल्‍पिचकुत्‍तिर इंचि नना मीकु रासेक मंतन.

3 योहान 1:3

बारित्‍ते, गयुस निजमे सत्‍तेमते ताकसंतोर इंचि इच्‍चुर दादालोर निहागटाल वासि, नीवा बारेमते गवाइ वेहतुर. अदुन केंजसि नाकु वेल्‍लेन कुसि आता.

पेन हुपिस्‍ता पोल्‍लें 2:3

निमे ओप्के पीसि मनांतिन. नावा पोरोलहाटीं तकलिप अरसेक मंतिन गानि तकांचा हिल्‍लिन इंचि नाक एरपाटे.

पेन हुपिस्‍ता पोल्‍लें 2:7

पवित्र आत्मा कलिसियातोर्क बतल वेहांता अदुन, केव्क मत्‍तोर बेस केंजिर. बोर अय्ते गेल्सांतोर नना ओन्क स्वर्गमते पेनदागा मनना पिस्वरता मराता पंडि तिनालय हींतन.