1 योहान 2:13 - पवित्र पोल्‍ले

¹³ बाबोरिटा! मोट्‍टा मोदोल्ताल मत्‍तोन मिमेट तेल्‍पिचकुत्‍तिर, इंचि नना मीकु रासेक मंतन. लेय्युरिटा! मिमेट सेड्‍डातनमतुन गेल्‍सतिर, इंचि नना मीकु रासेक मंतन. पिलाल्‍कुनिटा! मिमेट पेनबाबान तेल्‍पिचकुत्‍तिर इंचि नना मीकु रासेक मंतन.

1 योहान 2:13 Iomraidhean Croise

मत्‍तयाल 11:27

मर्रा येसु लोकुल्‍कुनतोनि इल्‍हा वळकुतोर. “नावा बाबाल नाकु अन्‍नि अप्पजेपतोर. बाबान तप्‍पा मर्रिन बोरे एरपाट किय्युर, मर्रिन तप्‍पा बाबान बोरे एरपाट किय्युर. मर्रि ओना इस्‍टमाताप बाबाना बारेमते बोर्क अय्ते तेळियानाल वेहांतोर ओरे बाबान एरपाट कींतुर.”

मत्‍तयाल 13:19

स्वर्ग राज्येमता बारेमता कबुरतुन केंजसि बोर दान अर्तम कीकुन्‍नोर, ओना मनसुने बतल अय्ते वीतिस मत्‍तनो अदुन देय्यम वासि इग्‍गिस ओंता. आ लोकुल्‍क इत्‍ते विज्‍जां अरता हर्दा जेगातसंटोर आंदुर.

मत्‍तयाल 13:38

पोलम इत्‍ते ई दुनिया आंदु. आनि बेसता विज्‍जां इत्‍ते पेनदुन ‘मावा राजाल’ इंचि विस्वासम कीतोर, हकोलिं इत्‍ते देय्याल्कुन पोल्‍लें केंजानोर आंदुर.

मत्‍तयाल 5:37

दानहाटीं नीवा वळ्‍कुमळ हो इत्‍ते हो, हिलाकोंटे हिल्‍ले इत्‍ते हिल्‍ले इंचि मन्‍नि. नीवा पोल्‍लेतुन निजम कियालय ओट्‍टु तिनानय्ते अद देय्यमताहेंदाल वाता.

लूकाल 10:22

नावा बाबाल नाकु अन्‍नि अप्पजेपतोर. बाबान तप्‍पा मर्रिन बोरे एरपाट किय्युर, मर्रिन तप्‍पा बाबान बोरे एरपाट किय्युर. मर्रि ओना इस्‍टमाताप बाबाना बारेमते बोर्क अय्ते तेळियानाल वेहांतोर ओरे बाबान एरपाट कींतुर,” इंचि इत्‍तोर.

योहान 14:7

नना बोन आंदुन, इंचि मिमेट एरपाट कीसि मत्‍ते, नावा बाबान इंका मिमेट एरपाट कीसि मन्‍नेर. इंदकेटाल मिमेट ओन एरपाट कींतिर, ओन हूळतिरगुडा,” इंचि वेहतोर.

योहान 14:9

अस्‍के येसु ओन्क इल्‍हा वेहतोर, “नना इच्‍चुं रोजकुनाल मीवातोने मंतन, अयना निमे नाकुन एरपाट किया हिल्‍लिना पिलिपु? नाकुन हूळतोर, ओर बाबान हूळतोर. अयना, माकु बाबान हुप्‍सा, इंचि निमे बल्हा इंचंतिन?

योहान 16:3

बाबाल आनि नना बोर आंदुम, ओर्क तेळियो, अदुनहाटीं ओर मीकुन अल्हा कींतुर.

योहान 16:33

नाहगटाल मीकु सांति दोर्कि, इंचि इव पोल्‍लें मीकु वेहतन. दुनियाते मीकु तिप्‍पल्‍क-कस्‍टाल्‍क वायनुं, गानि नना दुनियाता ताकततुन गेल्सतन, अदुनहाटीं मिमेट बेस दैरनेमते मंटु,” इंचि येसु वेहतोर.

योहान 17:21

बाबा! बल्हा अय्ते निमे नहगा, नना निहगा उंदि आसि मंतोमो, अल्हेन ओरगुडा उंदि आसि मननाहाटीं पारतना कीसंतन. नाकुन निमेन लोहतिन, इंचि दुनियातोर विस्वासम कियना इत्‍ते, ओरगुडा मनांटे उंदि आयापींता.

योहान 8:19

इद केंजसि ओर, “नीवा बाबाल बगा मंतोर?” इंचि पूसकीतुर. अस्‍के येसु, “असल नना बोन, नावा बाबाल बोर? मीकु एरपाट हिल्‍ले. मिमेट नाकुन एरपाट कियानय्ते, ना बाबान इंका एरपाट कींतिर,” इंचि ओर्क वेहतोर.

2 कुरेंति 4:6

बारित्‍ते, “हीकटताल वेल्‍गु आयि” इंचि पेने इत्‍ता. मनम येसु किरिस्‍तुना मोकमते दिस्‍सना पेनदा महिमाता तेल्‍वितुन एरपाट कियागोम इंचि मनाकुन इदे वेल्‍गुने मना मनसुने मेर्सागोटता.

1 तिमोति 5:1

पेद्‍दा वयम मनकन तेराहताप वळ्कुमा, गानि ओन नीवा बाबाल इन्कुंचि ओन्क तेल्‍पिचि वेहा. सिन्‍नोर्कुन तम्मुर इन्कुंचि ओरतोनि व्यवहार कीम.

तीतु 2:6

अल्‍हेने लेय्युर्कुंक जोर हीसि वेहा गदा, ओर सततुन आपकुंचि पिस्सिरकांटी.

1 योहान 1:1

मोट्‍टा मोदोल्ताल बोर अय्ते मत्‍तोर, ओना बारेमते मोमोट मीकु वेहचंतोम. ओन मोमोट केंजतोम, ओन मावा कळ्‍कुने हूळतोम, मंचिगा हूळसि मावा कय्‍कुने ओन इट्तोम. पिस्वर हिय्यना पोल्‍ले ओरे आंदुर.

1 योहान 2:1

नावा पिलाल्‍कुनिटा! मिमेट पापम कियामन्‍नि इंचि नना इव पोल्‍लें मीकु रासेक मंतन. गानि ओक्‍कला बोरन्‍ना पापम कियानय्ते, मनाहेंदाल पेनबाबानतोनि वळ्कालय ओनगा वरोर सहायम कियानोर मंतोर, ओरे नीतिमंतुड येसु किरिस्‍तु आंदुर.

1 योहान 2:12

नावा पिलाल्‍कुनिटा! किरिस्‍तुना पोरोलतेन मीकु मीवा पापाल्कुना मापि दोर्कुता. अदुनहाटींगे नना मीकु इव पोल्‍लें रासेक मंतन.

1 योहान 2:14

बाबोरिटा! मोट्‍टा मोदोल्ताल मत्‍तोन मिमेट तेल्‍पिचकुत्‍तिर, इंचि नना मीकु रासेक मंतन. लेय्युरिटा! मिमेट गट्‍टिपळतिर. पेनदा पोल्‍ले मीलोप्‍पो निल्‍सि मनंता. मिमेट सेड्‍डातनमतुन गेल्‍सतिर, इंचि नना मीकु रासेक मंतन.

1 योहान 3:12

मनम काइनुनालेसीं मननायो. ओर देय्यमता बाजुनोर आसि ओना तम्मुन हव्कतोर. ओर ओना तम्मुन बद कारनमते हव्कतोर? बारित्‍ते, ओना तम्मुना कबाह्‍क नीतितव मत्‍तां आनि ओना कबाह्‍क बारे तप्‍पुनव मत्‍तां.

1 योहान 4:4

पिलाल्‍कुनिटा! मिमेट पेनदा हेंदोर आंदिर. मीलोप्‍पो मनना आत्मा, दुनियाते मनना आत्माकन्‍ना बच्‍चोनो पेद्‍देद आंद. अदुनहाटीं आ आबद्‍दम कबुरतोरा आत्मान मिमेट गेल्‍सतिर.

1 योहान 5:18

मनाकु एरपाट, बोरय्ते पेनदा मर्रि आतोर, ओर पापम किय्योर. पेनदा मर्रि ओना कापाळांतोर. आ देय्यम ओना बतल किया पर्रो.

1 योहान 5:20

गानि मनाकु एरपाट मंता, पेनदा मर्रि वासि, मनम निजम पेनदुन एरपाट कियागोम इंचि मनाकु तेल्वि हीतोर. बारित्‍ते मनम निजम पेनदुन एरपाट कियागोम इंचि. इत्‍ते, मनम पेनदा मर्रि येसु किरिस्‍तुनलोप्‍पो मंतोम. पेनबाबाले निजम पेन आंदुर आनि बस्‍केळ्‍क पिस्सना पिस्वर ओरे आंदुर.

पेन हुपिस्‍ता पोल्‍लें 12:11

गोर्रे पोरिना नेत्‍तुरताहेंदाल, ओर वेहता गवाइ हेंदाल देय्यमतुन गेल्सतुर. ओर्कु हामुर वायिनागानि ओर ओरा जीवाता पर्वा किया हिल्‍लुर.

पेन हुपिस्‍ता पोल्‍लें 2:7

पवित्र आत्मा कलिसियातोर्क बतल वेहांता अदुन, केव्क मत्‍तोर बेस केंजिर. बोर अय्ते गेल्सांतोर नना ओन्क स्वर्गमते पेनदागा मनना पिस्वरता मराता पंडि तिनालय हींतन.