1 योहान 2:12 - पवित्र पोल्‍ले

¹² नावा पिलाल्‍कुनिटा! किरिस्‍तुना पोरोलतेन मीकु मीवा पापाल्कुना मापि दोर्कुता. अदुनहाटींगे नना मीकु इव पोल्‍लें रासेक मंतन.

1 योहान 2:12 Iomraidhean Croise

लूकाल 24:47

पापाल्क मापि आयनाहाटीं मनसु मार्सकुनुळ अव्‍सरम मंता. इदे कबुरतुन येरुसलेमताल सुरुव कीसि, दुनियाता अन्‍नि देसेल्‍कुना लोकुल्‍कुंक किरिस्‍तुना अदिकारमते वेहमळ जरगार.

लूकाल 5:20

येसु, ओरा विस्वासमतुन हूळसि, “कोको, नीवा पापाल्क मापि आतां,” इंचि लकवा बिमारतोन इत्‍तोर.

प्रेरितुल्‍कुना कबाह्‍क 10:43

येसुनपोर्रो विस्वासम इर्रना हरेक मनकंक येसुना पोरोलते पापाल्क मापि आंतां, इंचि अंटोर पेनदा कबुरतोर्क गवाइ हीसि मत्‍तुर.”

प्रेरितुल्‍कुना कबाह्‍क 13:38

अदुनहाटीं मावा दादालोरिटा! मिमेट दीन तेळियागोटकुंटु. येसुनाहेंदाले मीवा पापाल्कुन पेन मापि कींता इंचि मोमोट वेहासेक मंतोम.

प्रेरितुल्‍कुना कबाह्‍क 4:12

येसुना पोरोल तप्‍पा मब्बुना हिळु मनानोरा बोना पोरोले मनाकुन पापमताल पिसागोट्‍टो, इंका बोरे मनाकुन पिसागोट्‍टोर,” इंचि वेहतोर.

1 कुरेंति 6:11

मुन्‍ने मीवा नड्‍डुम इच्‍चुर इल्हे मत्‍तिर. गानि मिमेट येसु किरिस्‍तुना पोरोलते आनि पेनदा आत्माते नोर्कुंचि, पवित्र आसि नीतिमंतुल्क आतिर.

इपीसि 1:7

किरिस्‍तु ओना सतता नेत्‍तुरतुन पोंगागोटताहेंका मना पापाल्क मापि आसि मनाकु मुक्‍ति दोर्कता. इल्‍हा पेन दाना वेल्‍लेन कुर्पातुन मनापोर्रो कुम्मरिच्‍ता.

इपीसि 4:32

वरोनपोर्रो वरोंक जीवा नोसि बेस दया हुपिच्‍चेक, पेन बल्हा किरिस्‍तुनाहेंदाल मीवा तप्‍पुकुन मापि कीता, अल्हेन मिमेटगुडा वरोना तप्पुक वरोर मापि कीम्‍टु.

कुलुसि 1:14

ओना मर्रिनाहेंदाले मनाकु मुक्‍ति दोर्कंता, इत्‍ते ओनाहेंदाल पापाल्कुनाल मापि दोर्कंता.

1 योहान 1:4

मिमेट मातोनि कलियसि मावा आनंदम पुरागा आयाना इंचि मोमोट इव पोल्‍लें मीकु रासेक मंतोम.

1 योहान 1:7

गानि पेन बल्हा वेलगुने मंता, अल्हा मनमगुडा वेलगुने ताकानय्ते, मनम वरोनतोनि वरोर कलियसि उंदासि मत्‍ताप मनंतोम. अस्‍के पेनदा मर्रि येसुना नेत्‍तुर, मनाकुन मना अन्‍नि पापाल्कुनाल पुरागा बेस साप कींता.

1 योहान 1:9

गानि पेन नीति आनि विस्वासमगल्‍लद आंद. अदुनहाटीं ओक्‍कला मनम मना पापाल्कुन दाना मुन्‍ने ओपकुनानय्ते, अद मना पापाल्कुन मापि कीसि, मनाकुन मना अन्‍नि तप्‍पुड कबाह्कुनाल बेस साप कींता.

1 योहान 2:1

नावा पिलाल्‍कुनिटा! मिमेट पापम कियामन्‍नि इंचि नना इव पोल्‍लें मीकु रासेक मंतन. गानि ओक्‍कला बोरन्‍ना पापम कियानय्ते, मनाहेंदाल पेनबाबानतोनि वळ्कालय ओनगा वरोर सहायम कियानोर मंतोर, ओरे नीतिमंतुड येसु किरिस्‍तु आंदुर.

1 योहान 2:21

मीकु सत्‍तेम तेळियो इंचि नना मीकु रासा हिल्‍लेन. मीकु सत्‍तेम एरपाटे मंता, इंका सत्‍तेमताहेंदाल बद्‍दे आबद्‍दम पोल्‍ले वायो इंचिगुडा मीकु तेळियसे मंता. अदुनहाटीं नना मीकु रासतन.

1 योहान 2:7

नावा पावरमगल्‍लोरिटा! नना इंदके मीकु पूना आदेस रासेक हिल्‍लेन, मोदोटाल मीकु तेळियसि मत्‍ता पडाना आदेसे आंदु.