1 योहान 2:1 - पवित्र पोल्‍ले

¹ नावा पिलाल्‍कुनिटा! मिमेट पापम कियामन्‍नि इंचि नना इव पोल्‍लें मीकु रासेक मंतन. गानि ओक्‍कला बोरन्‍ना पापम कियानय्ते, मनाहेंदाल पेनबाबानतोनि वळ्कालय ओनगा वरोर सहायम कियानोर मंतोर, ओरे नीतिमंतुड येसु किरिस्‍तु आंदुर.

1 योहान 2:1 Iomraidhean Croise

लूकाल 10:22

नावा बाबाल नाकु अन्‍नि अप्पजेपतोर. बाबान तप्‍पा मर्रिन बोरे एरपाट किय्युर, मर्रिन तप्‍पा बाबान बोरे एरपाट किय्युर. मर्रि ओना इस्‍टमाताप बाबाना बारेमते बोर्क अय्ते तेळियानाल वेहांतोर ओरे बाबान एरपाट कींतुर,” इंचि इत्‍तोर.

योहान 13:33

नावा पिलाल्कनिटा! नना इंका गडसेम मीवातोनि मनंतन. पजा मिमेट नाकुन पहककिर. यहुदिल्कुना पेद्‍दाल्कुंक, नना बगा दांतन, अगा मिमेट वाया परिर, इंचि बल्हा नना वेहतनो, अल्हेन मीकुगुडा वेहचंतन.

योहान 14:16

अस्‍के नना बाबांक विनंति कींतन. बाबाल मीवाहाटीं बस्‍केळ्‍क मीवातोनि मनालय इंकावरोर सहायम कियानोन हींतोर.

योहान 14:6

पजा येसु, “हर्रि, सत्‍तेम, आनि पिस्वर ननाने आंदुन. नाकुन होळसि बाबानगा बोरे एव्‍वा परोर.

योहान 21:5

अस्‍के येसु, “मिहगा इच्‍चुंगना जिम्मां मंतंगा, पिलाल्कनिटा?” इंचि पूसकीतोर. अय्ते ओर, “उंदिंका हिल्‍ले,” इंचि इत्‍तुर.

योहान 5:14

इदंता आतंका येसु आ मनकंक गुळिते कलियसि, “हूळा, निमे इंदके बेस आतिन! मर्रा पापि कबाह्‍कुना जोलिक होन्‍मा. होत्‍तिनित्‍ते दीनकन्‍ना एक्‍को बिमार अर्रंतिन,” इंचि वेहतोर.

योहान 5:36

गानि योहानुना गवाइकन्‍ना पेद्‍दा गवाइ नहगा मंता. बारित्‍ते पूरा कियनाहाटीं पेनबाबाल नाकु हीता कबाह्‍क आनि नना कियना कबाह्‍क. इवे पेनबाबाल नाकुन लोहतोर इत्‍तादांकु गवाइ मंतां.

योहान 6:27

हवसोननसोंटा तिंडि पज्जो मिमेट होनमट. दानकु बदुल, बस्‍केळ्‍क पिस्सना पिस्वर हियानद, बस्‍केने हव्वाकोंटा मनना तिंडितुन पह्कट. अदुन हियना अदिकारमता सिक्‍का पेनबाबाल नापोर्रो वाटतोर, अदुनहाटीं असोंटा तिंडि, मनकना रूपमते पुटतोन नना, मीकु हिया परांतन.”

योहान 8:11

अस्‍के अद मुरतळ, “नाकु बोरे सिक्‍साता आदेस हिय्या हिल्‍लुर सामि!” इंचि इत्‍तस्के येसु, “ननागुडा नीकु सिक्‍साता आदेस हिय्योन. होन, इंका बस्‍केने पापम कियमा,” इंचि दान्क वेहतोर.

प्रेरितुल्‍कुना कबाह्‍क 7:52

मीवा पेद्‍दाल्क तकलिप हियाकोंटा पेनदा कबुरतोन वरोनगुडा होळसा हिल्‍लुर. वरोर नीतिमंतुड वायानोर मंतोर, इंचि वेहानोर्कुन मीवा एनकटा पेद्‍दाल्क हव्कतुर. इंदके मिमेट बारे, ओर बा नीतिमंतुना बारेमते वेहचि मत्‍तुरो आ नीतिमंतुन दोकाते पीसि हव्कतिर.

रोम सहरतोरहाटीं पौलुसना सिट्‍टि 5:10

उंदास्के मनम अंटोरम पेनदा पगातोरमे मत्‍तोम. अल्हा मननेंकेगुडा अद दाना मर्रिना जीवातुन हीसि मनाकुन दाना दग्गेर्क कीकुत्‍ता. इंदके अय्ते मनम पेनतोनि कलियसि मंतोम. अदुनहाटीं किरिस्‍तुना पिस्वरताहेंदाल अद मनाकुन आकिर सिक्‍साताल तप्‍पाकोंटा कापाळंता.

रोम सहरतोरहाटीं पौलुसना सिट्‍टि 6:15

इंदके पेनदा कुर्पा मनाकु दोर्कताहाटीं मनम मूसाना नियमता कय्‍दा हिळु हिल्‍लोम, अय्ते इंदके मनम पापम कीकोमा मरि? अल्हा बस्‍केने कियामन्‍नि.

रोम सहरतोरहाटीं पौलुसना सिट्‍टि 8:34

अय्ते मरि मनाकु सिक्‍सा तप्‍पो इंचि बोर इना परांतुर? सिराप पेने इना परंता. गानि येसु किरिस्‍तु मनाहाटीं हातोर अस्‍के पेने ओन मर्रा जीवाते तेहाचि दाना तिना बाजुंक उपिस्ता. इंदके ओर अगा मनाहाटीं पेनतोनि विनंति कीसंतोर.

1 कुरेंति 15:34

अदुनहाटीं नीतिते ताकसि उसारते मंटु, पापम कियमट. मीलोप्‍पो बच्‍चुटुरो पेनदुन एरपाट कियवोरगुडा मंतुर, मीक सिग्गु वायागोम इंचि इद पोल्‍ले वेहसेक मंतन.

2 कुरेंति 5:21

मनम किरिस्‍तुनाहेंदाल पेनदा लोप्पो नीतिमंतुल्क आयागोम इंचि मना बदलाते मना पापाल्कुनाहाटीं पापम कियवा किरिस्‍तु मोक्‍कु आतोर.

गलातिया 4:19

ना पिलाल्कनिटा, मीकु बदवेरादाका किरिस्‍तुनलेसीं गुनम वायोनो अदवेरदाका, एरपूरनेंके बल्हा नोप्‍पिं वांतंगो अल्‍हेने नना मीवाहाटीं मर्रा उंदि मल्का तकलिप अरसेक मंतन.

इपीसि 2:18

बारित्‍ते ओनाहेंदाले मनम इव्वुरमगुडा उंदे पवित्र आत्माते पेनबाबानगा होना परांतोम.

इपीसि 4:26

होंग आम्टु गानि, पापम कियमट. पोळ्‍द अर्राका मुन्‍नेन मीवा होंग सल्‍लारगोम.

1 तिमोति 2:5

बारित्‍ते पेन उंदे आंद. इंका मनकन आनि पेनदुन कल्‍पालय नड्‍डुमगुडा वरोरे मंतोर. ओरगुडा वरोर मनकले. ओरे किरिस्‍तु येसु आंदुर.

1 तिमोति 3:14

नाकु निहगा बिराना वायना आसे मंता. गानि ओक्‍कला नाकु वायालय आल्सेम आते, पेनदा कुटुंबते, इत्‍ते जीवाते मनना पेनदा कलिसियाते वरोर मनकल बल्हा मनगोम इत्‍ता पोल्‍ले नीकु एरपाट आयगोम इंचि इद सिट्‍टि रासेक मंतन. बारित्‍ते कलिसिया निजमता निटड गुंजा आनि पुनादि आंदु.

इब्रि 9:24

बूमिपोर्रो मनकालोर कीता अन्‍निटकन्‍ना पवित्र जेगा इत्‍ते, स्वर्गमते मनना निजम पवित्र जेगातसोंटा उंदि पोटवे आंद. बारित्‍ते, मनकालोर कीता पवित्र जेगाते किरिस्‍तु होळिया हिल्‍लोर, गानि इंदके ओर मना अंटोराहाटीं सीदा स्वर्गमते होळियसि पेनदा मुन्‍ने विनंति कियालय निल्‍सि मंतोर.

याकोब 1:27

बोर अय्ते दिक्‍कु हिल्वोर्कुना, मुंडामोस्तवुना तकलिप लोप्पो सहायम कींतोर, इद दुनियाता कराब कबाह्कुनाल लक्‍कु मनंतोर, असंटोर मना पेनबाबाना मुन्‍ने दोसेम हिल्वोर पवित्र आंदुर.

याकोब 3:9

इदुनतोने मनम मना सामि पेनबाबाना स्‍तुति कींतोम, आनि इदुनतोने मनम पेन दाना रूपमते पुटिस्ता मनकालोर्कुन सापनेम हींतोम.

1 पत्रु 2:22

ओर बतले पापम किया हिल्‍लोर, ओना तोळ्‍दाल बस्‍केने बोंकिच्‍चना पोल्‍ले पेय्‍सा हिल्‍ले.

1 पत्रु 3:18

बारित्‍ते अंटोरा पापाल्कुनाहाटीं किरिस्‍तु उंदे मल्का हातोर. मनाकुन पेनदागा ओयालय वरोर नीतिमंतुड अनीतिमंतुनाहाटीं हातोर. मेंदुलताल ओन हव्कतुर गानि आत्माते ओन जीवाते तेहमळ जर्गता.

1 योहान 3:18

अदुनहाटीं नावा पिलाल्‍कुनिटा! मनम मना पावरम सिराप तोळ्‍दा पोल्‍लेनेन आयो गानि, सत्‍तेमते बेसता कबाह्‍क कीसि पावरम हुप्‍साना.

1 योहान 3:5

गानि पापाल्कुन लक्‍कु कियानाहाटींगे किरिस्‍तु वातोर इंचि मीकु एरपाटे मंता. ओनगा बतले पापम हिल्‍ले.

1 योहान 3:7

पिलाल्‍कुनिटा! मीकुन बोरे पसांचकोंटा जेगर्ता मंटु. बोर अय्ते सत्‍तेम कबाह्‍क कींतोर, ओर किरिस्‍तुनलेसीं नीतिमंतुडे आंदुर.

1 योहान 4:4

पिलाल्‍कुनिटा! मिमेट पेनदा हेंदोर आंदिर. मीलोप्‍पो मनना आत्मा, दुनियाते मनना आत्माकन्‍ना बच्‍चोनो पेद्‍देद आंद. अदुनहाटीं आ आबद्‍दम कबुरतोरा आत्मान मिमेट गेल्‍सतिर.

1 योहान 5:17

अन्‍नि कराब कबाह्‍क पापमे आंदु. गानि अन्‍नि पापाल्क हामुरताहेके ओयों.

1 योहान 5:21

पिलाल्‍कुनिटा! मिमेटु मूर्तिनाल लक्‍कु मंटु.

3 योहान 1:4

नावा पिलाल्क सत्‍तेमते ताकसेक मंतुर, इत्‍ता पोल्‍ले नाकु वेल्‍लेन कुसितुन हींता. दीनकु तप्‍पा इंका बद्‍दे पोल्‍ले केंजसि नाकु इच्‍चोन कुसि आयो.