1 योहान 1:3 - पवित्र पोल्‍ले

³ मोमोट अय्ते पेनबाबानतोनि ओना मर्रि येसु किरिस्‍तुनतोनि कलियसि उंदासि पिस्सेक मंतोम, अदुनहाटीं मोमोट बतल अय्ते हूळतोम, केंजतोम, अदुना बारेमते मीकुगुडा वेहासेक मंतोम. दीनहेंदाल मिमेटगुडा मातोनि कलियसि मनम उंदासि मंदकोम.

1 योहान 1:3 Iomraidhean Croise

योहान 17:11

इंदकेटाल नना इद दुनियाते मनोन. नना निहगा वासंतन. गानि ईर ई दुनियाते मनंतुर. पवित्र बाबा! इंदके मनम उंदि आसि मत्‍ताप, ईरगुडा उंदि आसि मनालय, निमे नाकु हीता नीवा पोरोलता ताकतते ईरकुन कापाळा.

योहान 17:21

बाबा! बल्हा अय्ते निमे नहगा, नना निहगा उंदि आसि मंतोमो, अल्हेन ओरगुडा उंदि आसि मननाहाटीं पारतना कीसंतन. नाकुन निमेन लोहतिन, इंचि दुनियातोर विस्वासम कियना इत्‍ते, ओरगुडा मनांटे उंदि आयापींता.

योहान 17:25

बाबा! निमेन नीतिमंतुन आंदिन. ई दुनिया नीकुन एरपाट किय्‍यो. गानि नना एरपाट कींतन. अल्हेन नाकुन निमेन लोहतिन इंचि ई सिस्युल्क एरपाट कींतुर.

योहान 19:35

अदंता बोर अय्ते हूळतोर ओर, मिमेटगुडा विस्वासम कियगोम इंचि ओना गवाइ वेहतोर. ओर वेहता गवाइ निजम आंद. ओर सत्‍तेम वेहचंतोर इंचि ओन्क एरपाट.

प्रेरितुल्‍कुना कबाह्‍क 13:32

पेन मना पेद्‍दाल्कुंक मुन्‍नेने पोल्‍ले हीसि मत्‍ता. अदे पोल्‍लेता कबुरतुन मोमोट मीक वेहासेक मंतोम.

प्रेरितुल्‍कुना कबाह्‍क 13:41

“नावा पोल्‍लेतुन पास्कानोरिटा हुळाट, इचंत्रम आसि, हासि दांतिट. बारित्‍ते, मीवा रोजकुने नना इसोंटा कबळ कींतन गदा, अदुना बारेमते बोर वेहिनागानि मिमेट विस्वासम किय्‍यिर,” इंचि पेन वेहता.

प्रेरितुल्‍कुना कबाह्‍क 2:42

ओर अंटोर, प्रेरितुल्कुना कराहमळते, कूळमळते, हारि उरुहमळते आनि पारतना कियमळते उंदि आसि मनुंदुर.

प्रेरितुल्‍कुना कबाह्‍क 20:27

बारित्‍ते नना पेनदा पूरा इच्‍चातुन मीकु वेहालय बस्‍केने पजोळ्क होना हिल्‍लेन.

प्रेरितुल्‍कुना कबाह्‍क 4:20

बदाय्ते मोमोट हूळतोम, केंजतोम अदुन वेहाकोंटा मनमळ मावातोनि आया परो,” इंचि इत्‍तुर.

रोम सहरतोरहाटीं पौलुसना सिट्‍टि 15:27

ओर इल्‍हा कीसि कूस मत्‍तुर, इल्‍हा कियमळे गावाले. बारित्‍ते यहुदि आयवोर्क पेनदा लोप्पो कलियालय आसिर्वाद दोर्कता, ओर यहुदि लोकुल्‍कुंक अव्‍सरम मत्‍तवुना सेवा कियमळ गावाले.

1 कुरेंति 1:30

पेनदाहेंदाले येसु किरिस्‍तुनलोप्‍पो मीवा पिस्वर मंता, किरिस्‍तुनाहेंदाल मनाकु तेल्वि, नीति, पवित्र आतोम आनि पापमता सिक्‍साताल पिसतोम.

1 कुरेंति 1:9

पेन विस्वासम लायकतद आंद. अद दाना मर्रि मना सामि येसु किरिस्‍तुनतोनि कूळसि मनालय मीकुन केयता.

1 कुरेंति 15:1

विस्वासुल्‍कुनिटा! नना मीक वेहता बेसता कबुरतुन मर्रा उंदि मल्का मति कीसि हीसेक मंतन. अद बेसता कबुरतुन ओप्कुत्‍तिर, अवने गट्‍टिगा निल्सिगुडा मंतिर.

2 कुरेंति 13:14

सामि येसु किरिस्‍तुना कुर्पा, पेनदा पावरम आनि पवित्र आत्माता तोळ मी अंटोरतोनि मन्‍निकांटी.

इपीसि 3:6

आ मर्ममता पोल्‍ले बतल इत्‍ते, यहुदि आयवोर लोकुल्‍क बेसता कबुर केंजसि किरिस्‍तु येसुनपोर्रो विस्वासम इरतुर, अदुनहेंदाल ओरगुडा यहुदि विस्वासुल्‍कुनतोनि कलियसि येसुनगा दोर्काना हक्‍कुने वारसदार्क आतुर. इल्‍हा ओर उंदि मेंदुलतोर आनि पेन हीता पोल्‍लेते हिस्‍सादार्क आतुर.

पिलिपिया 1:7

नना मीवा बारेमते इल्‍हा विचारम कियमळ बेसे आंद. बारित्‍ते, नना जेलने मत्‍तस्के आयि, बेसता कबुर वेहचि अव्टे मत्‍ता निजमतुन हुपिच्‍चि कापाळसेके तिरियतस्के आयि, इव अन्‍निटवुने पेनदाहेंदाल कुर्पा दोर्कता, अवुने नावातोनि मिमेटगुडा तोळ मंतिर. अदुनहाटीं मिमेट इत्‍ते नाकु वेल्‍लेन पावरम!

पिलिपिया 2:1

किरिस्‍तुनतोनि कलियसि मीवा दैरनेम बेर्सता, ओना पावरमहेंदाल मीकु समादानम दोर्कता, मिमेट ओना आत्माते उंदि आतिर, इंका ओना दया मीतोनि मंता.

पिलिपिया 3:10

येसु किरिस्‍तुन आनि ओर हासि मर्रा जीवाते तेदता ताकततुन तेलपिचकुनना इंचि नाकु मंता. ओर बोगांच्‍ता तकलिपकु आनि हामुरतुनगुडा बोगांचि, ओनलेह्केन नाकु आयगोम. बल्हा अय्नागानि उंदि रोजु पेन नाकुन हामुरताल जीवाते तेहंता इंचि नावा आसे.

1 तेसलोनि 1:10

पेन येसुन हातोरव्टेटाल तेहता. इंदके स्वर्गमताल दाना मर्रि येसु मल्सि वायानदुन एदुर हूळसेक मंतिर, इंचि इव पोल्‍लें अंटोर्क वेहासेक मंतुर. वायाना पेनदा होंगुनाल ओरे येसु मनाकुन पिसागोटंतोर.

1 तिमोति 6:2

इंका बोर दासुल्कुना मालकुल्क अय्ते विस्वासमते मंतुर, आ दासुल्क ओरा मालकुल्कुन, ‘ईर मना विस्वासि आंदुर’ इंचि ओन सिन्‍नगा हूळानायो. मीवा सेवाता पायदा येतानोरगुडा मीवसोंटा पावरमगल्‍ला विस्वासुल्‍क आंदुर. इंचि ओरद इंका एक्‍को सेवा कियना. इसोंटव पोल्‍लें निमे ओर्क कराहचि गट्‍टि दैरनेम हीम.

इब्रि 2:12

अदुनहाटीं, “नावा तम्मुह्‍कुंक-हेलाहकुंक नीवा पोरोल वेहकन, कलिसियातोरा मुन्‍ने नना नीकुन तल्सकुनकन,” इंचि ओर पेनदुन इत्‍ता पोल्‍ले दर्मसास्‍त्रमते रासतद मंता.

इब्रि 3:1

अदुनहाटीं, पवित्र विस्वासुल्‍कुनिटा! मुक्‍तिता पालिगाह्क आयालय पेन मीकुन केयता. येसुन पेन पेद्‍दा पेर्मल आनि प्रेरित आयालय लोहचीता इंचि मनम ओप्कुत्‍तोम, अय्ते ओना बारेमते मिमेट विचारम कीम्‍टु.

इब्रि 3:14

बारित्‍ते, सुरुवने मनम इर्ता बरोसातुन मना पिस्वरता आकिरदाका गट्‍टिगा पीसि मत्‍तेन, मनम किरिस्‍तुना पालिगाह्क आंतोम.

1 पत्रु 5:1

मीलोप्‍पो बोर अय्ते पेद्‍दाल्क मंतुर, ओरालेसींगे ननागुडा पेद्‍दा मनकन, किरिस्‍तु बोगांचता तकलिपकुना गवाइतोन, ओर मल्सि वायानस्के ओना पेद्‍दातनमते कलियानोन आंदुन इंचि, नना आ पेद्‍दाल्कुंक वेहासेक मंतन.

2 पत्रु 1:16

बारित्‍ते, मना सामि येसु किरिस्‍तुना ताकत आनि ओना मल्सि वायाना बारेमते मोमोट मीकु वेहतस्के, तयार कीसि वेहता कतन कल्‍पिसि वेहा हिल्‍लोम. गानि मोमोट ओना पेद्‍दातनमता वेलगुन कळ्‍कुने हूळसि वेहतोम.

1 योहान 1:1

मोट्‍टा मोदोल्ताल बोर अय्ते मत्‍तोर, ओना बारेमते मोमोट मीकु वेहचंतोम. ओन मोमोट केंजतोम, ओन मावा कळ्‍कुने हूळतोम, मंचिगा हूळसि मावा कय्‍कुने ओन इट्तोम. पिस्वर हिय्यना पोल्‍ले ओरे आंदुर.

1 योहान 1:5

येसुनाहेंदाल मोमोट बद कबुर अय्ते केंजतोमो, अदे कबुर मीकु वेहांतोम. अद बतल इत्‍ते, पेन वेलगु आंद, दानागा गिचचोगुडा हीकट हिल्‍ले.

1 योहान 1:7

गानि पेन बल्हा वेलगुने मंता, अल्हा मनमगुडा वेलगुने ताकानय्ते, मनम वरोनतोनि वरोर कलियसि उंदासि मत्‍ताप मनंतोम. अस्‍के पेनदा मर्रि येसुना नेत्‍तुर, मनाकुन मना अन्‍नि पापाल्कुनाल पुरागा बेस साप कींता.