1 योहान 1:1 - पवित्र पोल्‍ले

¹ मोट्‍टा मोदोल्ताल बोर अय्ते मत्‍तोर, ओना बारेमते मोमोट मीकु वेहचंतोम. ओन मोमोट केंजतोम, ओन मावा कळ्‍कुने हूळतोम, मंचिगा हूळसि मावा कय्‍कुने ओन इट्तोम. पिस्वर हिय्यना पोल्‍ले ओरे आंदुर.

1 योहान 1:1 Iomraidhean Croise

लूकाल 24:39

नावा कय्‍क-काल्‍कुन हुळाट! नाकुन इट्‍टिस हुळाट, ननाने आंदुन! बूतमकु हव्‍विं-बोक्‍कां मन्‍नों गानि नाकु मंतां,” इंचि इत्‍तोर.

योहान 19:35

अदंता बोर अय्ते हूळतोर ओर, मिमेटगुडा विस्वासम कियगोम इंचि ओना गवाइ वेहतोर. ओर वेहता गवाइ निजम आंद. ओर सत्‍तेम वेहचंतोर इंचि ओन्क एरपाट.

योहान 20:27

पजा येसु तोमान, “तोमा, नावा कय्‍दा पुनकुने नीवा वेलु इर्सि हूळा. नीवा कय हाह्‍चि, नावा पक्‍काक मनना गोर्का बर्राते नीवा कय इर्रा. निमे अनमानमते मन्‍मा, विस्वासम कीम,” इंचि वेहतोर.

योहान 5:26

बल्हा अय्ते पेनबाबाल कुद्‍दु पिस्वरता मालक आंदुर, अल्हेन मर्रिनगुडा पिस्वरता मालक कीतोर.

योहान 8:58

अस्‍के येसु, “नना निजम-निजम वेहासेक, अब्राहाम मातरल पुट्‍टका मुन्‍नेटाले नना मत्‍तन,” इंचि इत्‍तोर.

प्रेरितुल्‍कुना कबाह्‍क 1:3

येसु हासोंचि तिरियसि तेदतस्‍के, “नना पिस्सि मंतन,” इंचि प्रेरितुल्कुंक गट्‍टिगा रुजुव कीसि हुपिस्तोर. ओर नल्‍पै रोजकुनदाका ओर्क दिस्सेक, पेनदा राज्येम बारेमते वेहासेक मत्‍तोर.

प्रेरितुल्‍कुना कबाह्‍क 4:20

बदाय्ते मोमोट हूळतोम, केंजतोम अदुन वेहाकोंटा मनमळ मावातोनि आया परो,” इंचि इत्‍तुर.

इब्रि 2:3

अय्ते इच्‍चोर पेद्‍दा मुक्‍तिता कबुरतेके लक्‍से इर्राकोंटे, वायाना सिक्‍साताल मनम बल्हा तपिच्‍कुना पर्रांतोम? इदुना बारेमते मोट्‍टा मोदाला सामिए वेहतोर. अद कबुरतुन सामिनगटाल बोर अय्ते केंजतुरो, ओर अद कबुरतुन मनाकु तेळियागोट्‍सि रुजुव कीतुर.

1 योहान 4:14

दीन मनम हूळतोम आनि मनम दीना साक्‍सि मंतोम, मना पेन बाबल दुनियाता पापाल्क पायिचालय ओना मर्रिन लोहतोर.

1 योहान 5:7

साक्‍सि हिय्यनोर मुव्वुर आंदुर.

पेन हुपिस्‍ता पोल्‍लें 1:11

“निमे बतल अय्ते हूळांतिन अदुन पुस्तकमते रासि, इपीसि, स्मुरना, पेर्गमम, तुयतीरा, सरदिस, पिलाडेलपिया आनि लोदिकिया इव एडुं कलिसियानोर्क लोहचीम” इंचि इत्‍ता.

पेन हुपिस्‍ता पोल्‍लें 1:8

“ननाने अल्‍पा आनि ओमेगा आंदुन. ननाने मोदाटोन, इंदके मनानोन, मर्रा वायानोन आनि अन्‍निटकन्‍ना सक्‍तिमंतुनगुडा ननाने आंदुन” इंचि पेन इंता.

पेन हुपिस्‍ता पोल्‍लें 19:13

ओर नेत्‍तुरते मुळहाता कपडिं केरसि मत्‍तोर. ओना पोरोल “पेनदा पोल्‍ले” आंद.

पेन हुपिस्‍ता पोल्‍लें 2:8

स्मुरना सहरता कलिसियाता दूताक इल्‍हा रासा. बोर अय्ते मोदोल आनि आकिर आंदुर, बोर अय्ते हासि मर्रा जीवाते तेदतोर ओर बतल इंतोर इत्‍ते,