1 कुरेंति 9:8 - पवित्र पोल्‍ले

⁸ नना मनकना रीतिते इल्‍हा इंचेके मंताना? हिल्‍ले.

1 कुरेंति 9:8 Iomraidhean Croise

रोम सहरतोरहाटीं पौलुसना सिट्‍टि 3:31

“अल्हा अय्ते, विस्वासम कीताहेंका मनाकु मूसाना नियमता अक्‍केर हिल्‍ले, इनकुंचंतिरा?” अल्हा आयो. विस्वासमहेंदाले मूसाना नियमते मनम बेस ताका परंतोम.

रोम सहरतोरहाटीं पौलुसना सिट्‍टि 3:5

मना तप्‍पुड कबाह्‍कुन हूळसि पेन बच्‍चोरो नीतिमंतुड इंचि एर्का आंता. इल्‍हा आतास्के पेन मनाकु सिक्‍सा हीसि अन्‍यायम कीसंता इंचि मनम इनकुना परंतोम. (इद नना मनकना विचारम मत्‍ताप वळ्‍कसंतन.)

रोम सहरतोरहाटीं पौलुसना सिट्‍टि 6:19

इव पोल्‍लेन अर्तम कीकुनना ताकत मीकु हिल्‍ले इंचि नना उंदि उदाहरन हीसि मीकु वेहासेके. दीनकन्‍ना मुन्‍ने मिमेट मीवा मेंदुलतुन रोता कबाह्‍क, तप्‍पुड कबाह्‍क कियालय अप्‍पजेपसि मत्‍तिर. दानहेंदाल वेल्‍लेन पापम आता. अल्‍हेने इंदके मिमेट मीवा मेंदुलतुन सत्‍तेमता कबाह्‍क कियालय अप्‍पजेप्‍पट, अस्‍के मिमेट पेनदा पवित्र लोकुल्‍क आकिट.

1 कुरेंति 14:34

कलिसियातोर जमा आतस्के मुर्ताह्क चुपचाप मंदना, बारित्‍ते अवुंक वळ्कना अदिकार हिल्‍ले. गानि कय हिळु मंदना आदेस मंता. इल्‍हा दर्मसास्‍त्रमतेगुडा रासि मंता.

1 कुरेंति 7:40

गानि अद इंकावरोनतोनि मरमिं आयाकोंटा मत्‍तेने बेस इंचि नना इनकुंचेके मंतन, अल्‍हेने नावा लोप्पो मनना पेनदा आत्माता हेंदाले नना मीक वेहासेक इंचि इनकुंचेके मंतन.

गलातिया 1:11

विस्वासुल्‍कुनिटा, नावा पोल्‍ले बेस केंजट! नना वेहता बेसता कबुर मनकनहेंदाल आयो, इद मिमेट मतिते तासकुंटु.

1 तेसलोनि 2:13

बस्के अय्ते पेनदा पोल्‍ले मावाहेंदाल मिहगा एव्ता, अस्‍के अद मनकालोराहेंदाल वातद आयो, गानि पेनदाहेंदाल वाता निजम पोल्‍ले आंद इंचि मिमेट केंजसि ओप्कुत्‍तिर. अदुनहाटीं मोमोट पेनदुक बस्‍केळ्‍क दन्यवाद कींतोम. मीवा विस्वासुल्कुना नड्‍डुम पेनदा पोल्‍लेगुडा कबळ कीसेके मंता.

1 तेसलोनि 4:8

अदुनहाटीं बोर अय्ते इद पोल्‍लेतुन पास्कंतोर, ओर मनकन पास्‍कोर गानि मीक पवित्र आत्मा हियना पेनदुन पास्कंतोर.