1 कुरेंति 8:9 - पवित्र पोल्‍ले

⁹ मिमेट बदन्‍ना उपारम तिंतिर आयावच्‍चु गानि उंदि पोल्‍ले मति इर्राट, मीवाहेंदाल विस्वासमते कमजोर मत्‍तोर पापमते अर्रानायो.

1 कुरेंति 8:9 Iomraidhean Croise

मत्‍तयाल 18:10

हुळाट, नावापोर्रो विस्वासम कीता ई सिन्‍नोरकुन बोने तेंडसि पोहमटु. नना वेहनद बतल इत्‍ते, ओरा पेनदा दूतां स्वर्गमते मनना नावा पेनबाबांक बस्केळक कलियसेके मनंतां.

रोम सहरतोरहाटीं पौलुसना सिट्‍टि 15:1

अदुनहाटीं, विस्वासमते गट्‍टिगा मत्‍तोरम मनम सिराप मनाकु सुकम हियना कबाह्के कियाकोंटा विस्वासमते कमजोर मत्‍तोर्कुना कबाह्‍कुन हूळसि ओप्के पीसि मंदगोम.

1 कुरेंति 10:24

बोरे आयिर ओना पायदातुने हूळा मनि, इंकावरोना पायदातुनगुडा हूळना.

1 कुरेंति 10:28

गानि मीकुन बोरन्‍ना, “इद बोम्मनगा मोळ्कतद आंद,” इंचि इनानय्ते, वेहतोनाहाटीं आनि बेस बुद्‍दिताहाटीं तिनमट.

1 कुरेंति 10:29

इत्‍ते, “बेस बुद्‍दि” मीवद आयो गानि मुन्‍नेटोना बेस बुद्‍दिता बारेमते इंचेके मंतन. मीवाहाटीं इंकावरोन बारि वेहा हिय्यना.

1 कुरेंति 10:32

यहुदि लोकुल्‍कुंक, युनानि लोकुल्‍कुंक आनि कलिसियातोर्कुंक अड्‍डम आयाना लायक मनमट.

1 कुरेंति 8:10

बारित्‍ते निमे तेल्‍विता मनकन, निमेने गुळिते बोम्मनगा मोळ्कता उपारमतुन तिनानय्ते, वरोर कमजोर विस्वासि अदुन हूळतस्‍के, गुळिते मोळ्कतवुन तिनालय ओना मनसु आयोना?

1 कुरेंति 8:12

इल्‍हा निमे नीवा दंटाता विस्वासुल्कुना विरोदमते पापम कीसि, कमजोर विस्वासिना मनसुन नोप्पिचि, किरिस्‍तुना विरोदमते तप्पु कींतिन.

1 कुरेंति 9:22

विस्वासमते कमजोर मत्‍तोर्कुन किरिस्‍तुनगा तर्रालय, नना ओरालेसीं आतन. बल्हैना आयि इच्‍चुरन्‍ना पिसागोम इंचि, बोर बल्हा मंतुर, ननागुडा ओरालेसीं आतन.

2 कुरेंति 11:21

नाक सिग्गु वायाना पोल्‍ले बतल इत्‍ते, ओर कीताप मोमोट किया हिल्‍लोम. गानि बोरे आयिर पेद्‍दिरकेम कियालय दैरनेम कीते, ननागुडा मूर्कुनालेसीं दैरनेमते पेद्‍दिरकेम कींतन.

2 कुरेंति 11:29

बोरन्‍ना विस्वासि विस्वासमते कमजोर आते, ननागुडा कमजोर आताप नाक अनपिच्‍चोना? बोरन्‍ना मनकल इंकावरोन विस्वासमताल अरहानय्ते नाक होंग वायोना?

2 कुरेंति 6:3

मावा सेवाते बतले तप्पु जर्गामन्‍नि इंचि, बदे पोल्‍लेते इंकावरोंक अड्‍डम ताकोम.

गलातिया 5:13

गानि विस्वासुल्‍कुनिटा! पेन मीकुन नियमकुना लोप्पोटाल इळबळिस्ता. अदुनहाटीं नना वेहासेक मंतन, मिमेट मीवा पापि विचाराल्कुन पूरा कियालय मीकु विचारम वाताप ताकानायो गानि पावरमते वरोंक-वरोर सहायम कीसेक मंदना.

कुलुसि 2:8

मिमेट जेगर्ताते मंटु! बोरन्‍ना वासि मीकुन दुनियाता तेल्वि पोल्‍लें, एर्तम दोका हिय्यना पोल्‍लें वेह्‍चि पसांचा परांतुर, अव पोल्‍लें मनकालोर्कुना रीतिरिवाजकुनालेसीं, दुनियाते एनकटा कराहता पोल्‍लेनलेसीं मंतां गानि किरिस्‍तुना पोल्‍लेनलेसीं हिल्‍लें.

1 पत्रु 2:16

मिमेट बोना कय्‍दा हिळु हिल्‍वाप मना परांतिट गानि “बोना कय्‍दा हिळु हिल्‍लोम” इंचि मीवा मनसुंक वाताप कराब कबाह्‍कुने ताकमट, पेनदा सेवाकुल्कुनलेसीं ताकट.

2 पत्रु 2:19

ओर कुद्‍दे कराब कबाह्‍कुना दासुल्क आसि, इंकावरोन असोंटा गतिताल तेंडांतोम इंचि पोल्‍ले हींतुर. बारित्‍ते वरोर मनकन बतलय्ते गेल्संतोरो, ओर अदुना दासुड आसि मनंतोर.

पेन हुपिस्‍ता पोल्‍लें 2:14

गानि नीवा विरोदमते नाकु कोन्‍नि पोल्‍लें वेहनद मंता. इस्राएल लोकुल्‍कुन हिड अरहानाहाटीं बिलाम इनना कबुरतोर बालाक इनना राजांक बतल अय्ते कराहतोरो, अवुन पीसि ताकानोर मीवा नड्‍डुम मंतुर. बोम्मांक मोळ्कता वस्‍तुकुन तिनगोम, बोगमतनम कियगोम इंजि बिलाम करहुंदुर.