1 कुरेंति 6:9 - पवित्र पोल्‍ले

^9-10 अन्‍यायम कियाना लोकुल्‍क पेनदा राज्येमते वारसदार आयुर इंचि मीक तेळियोना? मिमेट दोकाते अरमट. व्यबिचारम कियानोर, बोम्मांक मोळ्‍कानोर, बोगमतनम कियानोर, मांडसा मांड्‍सातोनि बोगमतनम कियानोर, मुरतळ मुरतळतोनि बोगमतनम कियानद, दोंगातनम कियानोर, आस्‍ति कियानोर, कल्‍लु उनानोर, तेराहनोर, इंकावरोन मुळाहनोर पेनदा राज्येमता वारसदार आयोर.

1 कुरेंति 6:9 Iomraidhean Croise

मत्‍तयाल 19:29

अचोने आयका नावाहाटीं बोर अय्ते लोन-दारातुन, दादल-तम्मुह्‍कुन, अक्‍कल-हेलाह्कुन, तल्‍लुर-बाबोन, पिलाल्कुन, इंका बूमिं-जेगान होळसीतुरो ओर्कु आ होळसीतवुंकन्‍ना नूर अंताल्‍क एक्‍को दोर्कार. इंका ओर बस्‍केळ्‍क पिस्सना पिस्वरता वारसदार आयानुर.

मत्‍तयाल 25:34

अस्‍के राजाल तिना बाजुनोर्कुन इनानुर, “वटु, ना बाबाना आसिर्वाद मीकु दोर्कुता, मीवाहाटीं दुनिया पुटतस्केटाले राज्येम तयार कीसि मंता, दान एतट.

लूकाल 21:8

अस्‍के येसु इल्‍हा इत्‍तोर. “मीकुन बोरन्‍ना पसांचनुर, उसारते मंटु. नावा पोरोल एतसेके बचुटूरो लोकुल्‍क वासि, ‘ओन ननाने आंदुन, इंतुर. इंका अद वेला दग्‍गेरा एव्ता,’ इंचि इनानुर. असंटोरा पज्जो होनमट.

प्रेरितुल्‍कुना कबाह्‍क 20:32

इंदके नना मीकुन पेनदा कय्‍दे आनि दाना कुर्पाता कबुरता कय्‍दे अप्‍पजेपंतन. मीकुन बेस बेरसागोटना ताकत अद कबुरते मंता. पेन पवित्र कीता अंटोर लोकुल्‍कुना लोप्पो मीकुनगुडा वारसदार किया पर्रंता.

प्रेरितुल्‍कुना कबाह्‍क 24:25

गानि बस्के अय्ते, सत्‍तेमते बल्हा ताकाना, बल्हा ओप्‍केते मनना, पेन दुनियातोरा न्‍यायम आकिरते बल्हा किय्‍यार इव पोल्‍लेना बारेमते पौलुस पिलिक्‍सुनतोनि चर्चा कीतोर, अस्‍के पिलिक्‍स वेरियसि, “इंदके निमे होन, वेला दोर्कतस्के नना नीकुन मर्रा केयंतन,” इंचि पौलुसुन इत्‍तोर.

रोम सहरतोरहाटीं पौलुसना सिट्‍टि 1:18

बेसता कबुर अंटोर लोकुल्‍कुंक एविच्‍चना अव्‍सरम बारि मंता इत्‍ते, सत्‍तेम हर्दे ताकवा लोकुल्‍क कराब कबाह्‍क कीसि सत्‍तेमतुन दबांचि इरतुर. निजम पेन हिल्‍ले इत्‍ताप ताकसि, तप्‍पुड कबाह्‍क कीतुर. अदुनहाटीं पेन ओरपोर्रो स्वर्गमताल दाना होंगुन हुप्‍संता.

1 कुरेंति 15:33

गानि हातोर मर्रा जीवाते अर्रुर इंचि इनानोरा हेंदाल दोकाते अरमट. “कराब लोकुल्‍कुना दंटा, बेस ताकानोर्कुन हेडहंता.”

1 कुरेंति 15:50

विस्वासुल्‍कुनिटा! नना वेहानद बतल इत्‍ते, हव्वि, नेत्‍तुरता मेंदुल्क पेनदा राज्येम दोर्का पर्रो, आनि कळियना मेंदुल्क, कळियवा मेंदुल्तगा अदिकार दोर्का पर्रो.

1 कुरेंति 3:16

मिमेट पेनदा गुळि आंदिर, पेनदा आत्मा मीलोप्‍पो मनंता, इद मीक तेळियोना?

1 कुरेंति 5:1

मीवा नड्‍डुम वरोर बोगमतनम कीतोर इंचि नाक केंजावाता. ओर ओना बाबोना मुत्‍तो इत्‍ते सिन्‍ना यावान इरकुत्‍तोर अले! इसोंटा तप्‍पुड कबळ अविस्वासुल्‍कगुडा किय्युर.

1 कुरेंति 5:10

इदुना अर्तम बोगमतनम कियानोरतोनि, आस्‍ति कियानोरतोनि, दोंगा कीसि तिनानोर्कुनतोनि, बोम्मांक मोळ्‍कानोर्कुनतोनि कलियसि मनामन्‍नि इत्‍ताप आयो. इल्‍हा इनानय्ते मरि दुनियातुने होळ्‍सा पींता.

1 कुरेंति 5:11

नना इनना पोल्‍ले बतल इत्‍ते, मीवा लोप्पोटाल बोरन्‍ना ओनद ओर विस्वासिन इंतोर, गानि ओर बोगमतनम कियमळ, आस्‍ति कियमळ, बोम्मान मोळ्कमळ, अपमानम कियमळ, रिम्मा आयमळ, दोंगा कीसि तिनमळ इसोंटा गुनम ओनालोप्‍पो मनानय्ते ओनतोनि कलियसि मनमट, ओनतोनि गाटो तिनमट इंचि रासि मत्‍तन.

1 कुरेंति 6:18

व्यबिचारमताल लक्‍कु मंटु. मेंदुल्ता पलाताल वायना पापाल्क अच्‍चोर बतल किय्यों, गानि बोर अय्ते व्यबिचारम कींतोर, ओर ओनादे मेंदुल्क अड्‍डम पापम कींतोर.

1 कुरेंति 6:19

मीवा मेंदुल पवित्र आत्माता गुळि आंद, अद पेनदाहेंदाल मीलोप्‍पो वासि मनंता, ई मेंदुल मीवद आयो, इंचि मीक तेळियोना?

1 कुरेंति 9:24

पंदेम वाटसि वितनेंके अंटोरे वित्‍तंतुर, गानि इनाम वरोंके दोर्कंता इंचि मीक एरपाटे मंता. मिमेटगुडा वितनेंके इनाम दोर्कनालेसीं वित्‍तट.

2 कुरेंति 12:21

अल्‍हेने नना मर्रा वाता पजा, इच्‍चुर विस्वासुल्‍क कराब कबाह्‍क, बोगमतनम, लंजेतनम इसोंटा पापाल्कुनाल मनसु मार्सकुनाकुंटे नाक वेल्‍ले दुक्‍कम आयार. अचोने आयाका पेनदा मुन्‍ने नावा सिग्गु होनना वेला वायारो बतल इंचिगुडा वेरियतन.

गलातिया 6:7

पेनदुक बतल तेळियो इंचि नाळेम कीसि पसांचमटु, मिमेट बवय्ते वीतकिर, अवने कोयकिर.

कुलुसि 3:5

अदुनहाटीं बूमि पोर्रोटव मना कराब गुनाल्‍क इत्‍ते बोगमतनम, कराब विचाराल्क, जोसते मनमळ, इंकावरोनद आसे पडमळ, आस्‍ति कियमळ इद अय्ते बोम्मांक मोळ्कता लेक्‍कातेन वांता. इव अन्‍निन हव्‍किस पोहाट.

इब्रि 12:14

अंटोर मनकालोरतोनि सांतिते कलियसि पवित्र मनना कोसिस कीम्‍टु, अल्हा मनाकोंटे बोरे मनकल सामिनगा होना पर्रोर.

इब्रि 12:16

मीवा नड्‍डुम बोरे व्यबिचारम कियानोर हिलाकोंटे, एसावुनलेसीं नीति हिलुवा मनकल मनामन्‍नि. उंदि पूटाता गाटोहाटीं ओर ओना जेस्‍टम पालुंक विलुवा हिय्याकोंटा तम्मुंक अम्मुकुत्‍तोर.

इब्रि 13:4

मरमिन आनि मुत्‍तो-मुय्दोना संबंदमतुन कदर कियाना, ओर वरोनपोर्रो विस्वासम कीसि बदनाम आयाकोंटा मंदना. व्यबिचारम कियानोर्कुन आनि बोगमतनम कियानोर्कुन पेन न्‍यायम कींता, इदुन मतिते इर्राट. अदुनहाटीं मुत्‍तो-मुय्दो वरोनपोर्रो वरोर विस्वासम कीसि बदनाम आयाकोंटा मंदना.

याकोब 1:16

नावा पावरमगल्‍ला विस्वासुल्‍कुनिटा! मिमेट पसांचकुनमट.

1 योहान 3:7

पिलाल्‍कुनिटा! मीकुन बोरे पसांचकोंटा जेगर्ता मंटु. बोर अय्ते सत्‍तेम कबाह्‍क कींतोर, ओर किरिस्‍तुनलेसीं नीतिमंतुडे आंदुर.

पेन हुपिस्‍ता पोल्‍लें 21:8

गानि वेरियानोर, विस्वासम हिल्वोर, कराब कबाह्‍क कियानुर, हव्कानुर, बोगमतनम कियानुर, होदें कियानुर, बोम्मान मोळ्‍कानुर आनि आबद्‍दम वळ्कानुर अंटोर, गंदकमते गबा-गबा पोतसेके मनना तळमिता सेरवुने अर्रानुर. इदु रोंडो हामुर आंद,” इंचि वेहतोर.

पेन हुपिस्‍ता पोल्‍लें 22:15

गानि नयकस्‍केल लोकुल्‍क, होदेगाह्‍कु, बोगमतनम कियानुर, हव्कानुर, बोम्मांक मोळ्‍कानुर, आबद्‍दमतुन पावरम कियानुर, आबद्‍दम वळ्कानुर अंटोरगुडा सहरता पलातेन मनांतुर.