1 कुरेंति 6:2 - पवित्र पोल्‍ले

² पेनदा लोकुल्‍क आकिर वेलाते दुनियाता न्‍यायम कींतुर, इद मीक एरपाट हिल्‍लेना? मिमेट पूरा दुनियाता न्‍यायम कींतिर अय्ते, इव सिन्‍ना-सिन्‍ना पोल्‍लेना न्‍यायम कियानालायक हिल्‍लिरा?

1 कुरेंति 6:2 Iomraidhean Croise

मत्‍तयाल 19:28

“नना मीकु निजम वेहांतन, पूना दुनियाते, मनकना रूपमते पुटतोन नना नावा महिमाता राजगद्‍देपोर्रो उद्‍दंतन, अस्‍के नावा पज्जो मनानोर मिमेटगुडा पन्‍नेंड राजगद्‍देन पोर्रो उद्‍दिसि, इस्राएलना पन्‍नेंड गोत्राल्कुनोरा न्‍यायम कीकिर.

लूकाल 22:30

अद अदिकारम बद इत्‍ते, मिमेटगुडा नावा राज्येमते नावातोनि उद्‍दिसि तिनकिर, उनकिर. इंका राजगद्‍देन पोर्रो उद्‍दिसि इस्राएलना पन्‍नेंड गोत्राल्कुनोरा न्‍यायम कीकिर,” इंचि इत्‍तोर.

रोम सहरतोरहाटीं पौलुसना सिट्‍टि 6:16

सेवा कींतन इंचि मीवद मिमेट ओप्कुत्‍ते मिमेट बा मालकुनगा अय्ते सेवा कीसंतिरो, ओन्क मिमेट निजमे दासुल्क आंतिर. इद पोल्‍ले मीकु तेळियोना? मिमेट पापमता दासुल्क आते अद मीकु हामुरता हर्रि हुप्‍संता. गानि मिमेट पेनदा पोल्‍ले केंजते अद मीकुन नीतिमंतुल्क कींता.

1 कुरेंति 1:20

अय्ते, बगा मंतोर तेल्विगल्‍लोड? बगा मंतुर दर्मसास्‍त्रम कराहना गुरुल्क? ई दुनियाता वाद-विवाद कियानोर बगा मंतुर? इद दुनियातोरा तेल्वि पेनदा मुन्‍ने मुर्कतनम आंद.

1 कुरेंति 1:21

बारित्‍ते, पेनदा तेल्‍वितुन, दुनियाता लोकुल्‍क ओरा सतता तेल्‍विते पेनदुन एरपाट किया हिल्‍लुर. मोमोट बदाय्ते मुर्कतनमता कबुर वेहंतोमो, अदुना हेंदाल विस्वासम कीतोर्क मुक्‍ति दोर्कना, इदे पेनदुक बेस अनपिच्‍चंता.

1 कुरेंति 6:4

मीवा लोप्‍पोगिंटा इल्‍हा जगडाल्‍क मनानय्ते, बोर अय्ते कलिसियाता पोल्‍लें बतले तेळियवोर मंतुर, असंटोरगा न्‍यायम किया वेहालय बारि दांतिर?

2 कुरेंति 4:18

अय्ते इंदके मोमोट दिस्‍साना वस्‍तुकुन पोर्रो आयो, गानि दिस्‍सुवा वस्‍तुकुन पोर्रो नदर वाटंतोम. दिस्‍सना वस्‍तुक गळसेम मनंतां, दिस्‍सुवा वस्‍तुक बारे बस्‍केळ्‍क मनंतां.

1 तेसलोनि 3:13

बस्के अय्ते मना सामि येसु ओना अंटोर पवित्र लोकुल्‍कुनतोनि वांतोरो, अस्‍के मनम पेनबाबाना मुन्‍ने पवित्रते दोसेम हिलाकोंटा मनालय मना मनसुकुन गट्‍टिगा कियिरकांटी, आमीन.

पेन हुपिस्‍ता पोल्‍लें 20:4

मर्रा राजगद्‍दें हूळतन. अवुनपोर्रो उद्‍दिस मत्‍तोर्कुंक न्‍यायम कियाना अदिकारम हीसि मत्‍ता. इंका येसुना बारेमते गवाइ वेहताहाटीं आनि पेनदा पोल्‍ले वेहताहाटीं बोरा तल्‍लां अय्ते कोयमळ जर्गता, बोर अय्ते जिवरासितुन हिलाकोंटे दाना बोम्मातुन मोळ्‍का हिल्‍लुर आनि कपालमपोर्रो हिलाकोंटे कय्दापोर्रो दाना चिन्‍ह वाटकुना हिल्‍लुर असंटोरा आत्मान नना अगा हूळतन. ओर मर्रा जीवाते तेदसि किरिस्‍तुनतोनि कलियसि वेय वर्सनदाका राज्येम कीतुर.

पेन हुपिस्‍ता पोल्‍लें 3:21

बल्हा अय्ते नना गेल्सि नावा पेनबाबानतोनि ओना राजगद्‍देपोर्रो होंचि उदतन. अल्हे बोर अय्ते गेल्सांतोर ओन नना नातोनि नावा राजगद्‍देपोर्रो उपसंतन.