1 कुरेंति 5:8 - पवित्र पोल्‍ले

⁸ अदुनहाटीं मनम पळाना पुल्‍लाटा पिंडितसोंटा कराब कबाह्‍कुने, दुस्‍ट गुनाल्‍कुने आयो गानि इमानदारता, सत्‍तेमता पुल्‍लगा आयवा हारिनसोंटा पंडुगु कियमळ गावाले.

1 कुरेंति 5:8 Iomraidhean Croise

मत्‍तयाल 16:12

अस्‍के ओर्कु, “हारिना होयता पिंडिता बारेमते उसारते मंटु,” इंचि वेहा हिल्‍लोर गानि परिसिल्क आनि सदुकिर्कुना कराहना बारेमते उसारते मनालय वेहतोर इंचि तेळियता.

मत्‍तयाल 16:6

पजा येसु ओर्कुन इल्‍हा इत्‍तोर, “परिसिल्क आनि सदुकिर्कुना पुल्‍लटा पिंडिता बारेमते जेगर्ता मंटु,” इत्‍तोर.

मरकुस 8:15

अस्‍के येसु ओर्कुन इल्‍हा जेगर्ता कीतोर. “परिसिल्क आनि हेरोदना पुल्‍लटा पिंडिता बारेमते जेगर्ता मंटु,” इत्‍तोर.

लूकाल 12:1

अच्‍चोटेन अगा वेय्‍कुना मंदि जमा आसि, इरगा गर्दि आताहेंका वरोंक वरोर जारसेके मत्‍तुर. अस्‍के येसु मोट्‍टा मोदाला ओना सिस्युल्कुनतोनि इल्‍हा वळकालय दल्‍गतोर. “परिसिल्क डोंगिर्क आंदुर, ओरा पुल्‍लटा पिंडिता बारेमते जेगर्ता मंटु.

योहान 1:47

येसु नतेनलुन ओनहेके वायनद हूळसि ओना बारेमते, “अद हुळाट, निजम इस्राएल मनकल. ओनालोप्‍पो बतले आबद्‍दम पोल्‍ले हिल्‍ले,” इंचि इत्‍तोर.

1 कुरेंति 3:3

बारित्‍ते इंदकेगुडा मिमेट मेंदुल्ता इच्‍चा मत्‍तापे ताकसेक मंतिट. इंकावरोना पोर्रो कळ्‍क पोत्‍तना, जगडाल्‍क कियाना गुनम मंता. अय्ते मिमेट मनकना इच्‍चाते ताकानोर आयिरा? दुनियाता लोकुल्‍कुनालेसीं ताकसेक हिल्‍लिरा?

1 कुरेंति 5:1

मीवा नड्‍डुम वरोर बोगमतनम कीतोर इंचि नाक केंजावाता. ओर ओना बाबोना मुत्‍तो इत्‍ते सिन्‍ना यावान इरकुत्‍तोर अले! इसोंटा तप्‍पुड कबळ अविस्वासुल्‍कगुडा किय्युर.

1 कुरेंति 5:6

मिमेट पेद्‍दिरकेम कियमळ बेस आयो, इच्‍चुर पुल्‍लाटा पिंडि वेल्‍लेन पिंडिते कल्‍पते, पूरा पिंडितुन पुल्‍लगा कींता अद मीक एरपाटे मंता.

2 कुरेंति 1:12

मोमोट दुनियाते मननेंके कास कीसि मीवा नड्‍डुम मननेंके, पेनदुक इस्‍टामाताप पवित्र आनि सत्‍तेमते मत्‍तोम, अद मनकना तेल्‍विते आयो गानि पेनदा कुर्पातोनि मत्‍तोम इंचि मावा मनसु गवाइ वेहासेक मंता. इद मावाहाटीं पेद्‍दिरकेमता पोल्‍ले आंद.

2 कुरेंति 2:17

बोर अय्ते पेनदा पोल्‍लें वेहचि सतता पायदा कीकुंतुर, असंटा वेल्‍लेटोरव्टेटाल मोमोट हिल्‍लोम. गानि मोमोट सत्‍तेम मनसुने, किरिस्‍तुना अदिकारमते पेनदा पोल्‍लें वेहासेक मंतोम. माकुन लोहता पेन माकुन हूळसेक मंता इंचि माक एरपाट मंता.

2 कुरेंति 8:8

नना मीक आदेस हीसेक हिल्‍लेन, गानि कळमता विस्वासुल्‍क इद कबळते उसारते मंतुर, ओराच्‍चोन मिमेटगुडा निजम पावरम कीसेक मंतिरा इंचि परिक्‍सा कीसि हूळसेक मंतन.

इपीसि 6:24

मना सामि येसु किरिस्‍तुन बोर अय्ते आगाकोंटा पावरम कींतुर, ओर अंटोरतोनि पेनदा कुर्पा हमेसा मन्‍निकांटी.

1 पत्रु 4:2

ओर वायाना रोजकुने मेंदुल्ता इच्‍चाना परकारम आयो गानि पेनदा इच्‍चा परकारम पिस्संतोर.