1 कुरेंति 5:5 - पवित्र पोल्‍ले

⁵ असोंटा तप्‍पुड कबळ कियानोना मेंदुल्तुन नासडेम कियालय पेद्‍दा देय्यमता कय्‍दे अप्पजेप्पना. बारित्‍ते, ओक्‍कला ओर पस्‍चातापम कियानय्ते, सामि वायाना रोजुने ओना आत्मा पिस्सार.

1 कुरेंति 5:5 Iomraidhean Croise

मत्‍तयाल 4:10

अस्‍के, “ए देय्यमतुना हब्बेर होन, बारित्‍ते निमे नीवा पेनदुने मोळ्‍कना, सिराप दानादे सेवा कियना, इल्‍हा दर्मसास्‍त्रमते रासि मंता.” इंचि येसु दान इत्‍तोर.

लूकाल 22:31

येसु मर्रा सिमोन पत्रुन, “सिमोनु, ए सिमोनु हिके केंजा! मीकुन अंटोर्कुन वंजिन हेचाहताप हेचाहचि मी अंटोरा विस्वासमता पट्‍टु हूळानाहाटीं पेद्‍दा देय्यम पेनदुन अदिकारम तल्कता.

प्रेरितुल्‍कुना कबाह्‍क 26:18

ओर्कुन हीकटताल वेल्‍गुनहेके, देय्यमता अदिकारमताल पेनदाहेके तिरियना हर्रि हुप्‍सालय नीकुन लोहसेक मंतन. ओर अल्हा तिरियते, ओरा पापाल्क मापि आंतां, अल्‍हेने नापोर्रो बोर अय्ते विस्वासम कीसि पवित्र आतुरो, ओरतोनि ओर्कु वारसाहक्‍क दोर्कार,” इंचि येसु नाकु वेहतोर.

1 कुरेंति 1:8

सामि येसु किरिस्‍तु मर्रा वायाना रोजुने मिमेट दोसेम हिलाकोंटा मंदना इंचि पेन मीकुन आकिरदाका गट्‍टिगा इर्रंता.

1 कुरेंति 11:32

गानि मनाकु दुनियातोरतोनि सिक्‍सा आयामन्‍नि इंचि सामि मनाकुन बेस पोल्‍ले वेहचि सुदरांचतोर.

1 कुरेंति 5:13

विस्वासम कियवोरा न्‍यायम पेने कींता. अदुनहाटीं आ बोगमतनमतोन पेचाहचि गेदमट.

2 कुरेंति 10:6

मिमेट किरिस्‍तुना पोल्‍लेते पुरागा ताकालय आतस्के, किरिस्‍तुना पोल्‍ले केंजवोर अंटोर्कुन मोमोट सिक्‍सा हियालय तयार मंतोम.

2 कुरेंति 12:7

नाक हुपिस्‍ता मर्ममता पोल्‍लें वेल्‍लेने मत्‍ताहाटीं नावा लोप्पो पेद्‍दिरकेम वायामन्‍नि इंचि पेन नावा मेंदुलते उंदि हापु इरता. अद नाकुन दबांचि इर्रालय देय्यमता दूतालेसीं कोह्‍कसेके मनंता.

2 कुरेंति 13:10

अदुनहाटीं सामि मीकुन नासडेम कियालय आयो गानि, गट्‍टिगा निलाहलय नाक अदिकारम हीतोर. नना मिहगा वातस्के नावा अदिकारमते मीतोनि कडक वळ्कना वेला वायामन्‍नि इंचि, मिहागटाल लक्‍कु मनेंकेने इव पोल्‍लें रासेक मंतन.

पिलिपिया 1:6

मीवा नड्‍डुम इच्‍चोन बेसता कबळतुन पेने सुरुव कीता. इद कबळ पुरागा आयनदाका, इत्‍ते येसु किरिस्‍तु मर्रा तिरियसि वायना रोजुनदाका पेने इद कबाटुन ताकिच्‍चेक इर्रंता इंचि नाकु पुरागा बरोसा मंता.

1 तिमोति 1:20

विस्वासमतुन नासडेम कीकुत्‍तोरव्टेटाल हुमिनयुस आनि सिकंदर ईर इव्वुर मंतुर. पेनदुन बदनाम कियाकोंटा बल्हा मनना इत्‍ता पोल्‍ले करियना इंचि नना ईर्कुन देय्यम्‍क अप्पजेपतन.

2 तिमोति 1:18

नना इपीसि सहरते मननेंके, ओर नाकु वेल्‍लेन रकाल्कुना सहायम कीतोर नीकु अय्ते बेस तेळियसि मंता. सामिना मल्सि वायाना आ रोजुने, ओनपोर्रो दया हुप्‍सालय पेन सहायम किय्यि इंचि नना कोरसेक मंतन.

2 पत्रु 3:12

पेन वायाना रोजुनाहाटीं मिमेट एदुर हूळसेक मंतिर, अद बिराना वायाना इंचि कोरसेके मंटु. अद रोजु मब्बु तळमिते वेसि नासडेम आंता आनि अवुने मत्‍तव अन्‍नि बारे तळमि दगडाकु कर्गिस दांतां.

1 योहान 5:16

ओक्‍कला मना दंटा विस्वासि हामुर हिल्वा पापम कियनेंके हूळानय्ते ओनाहाटीं पारतना कियागोम. पेन ओना पापमताल पायिचंता. इत्‍ते बोरय्ते हामुरते होनानसोंटा पापम कींतोर ओनाहाटीं आयो. इसोंटा पापमगुडा मनंता दाना परिनाम हामुरे. नना मीकुन इसोंटा पापमताहाटीं पेनदुन तल्कागोम इंचेके हिल्‍ले.