1 कुरेंति 5:12 - पवित्र पोल्‍ले

¹² विस्वासम कियवोरा न्‍यायम नना बारि कीकन? बोर अय्ते विस्वासमते मंतुर, ओरा न्‍यायम मिमेट किय्‍यिरा?

1 कुरेंति 5:12 Iomraidhean Croise

मरकुस 4:11

येसु ओर्कुन, “मीक अय्ते पेनदा राज्येमता बारेमता मर्ममतुन एरपाट कीकुनालय बुद्‍दि मंता, गानि पलातोर्कुंक बारे इद मर्मम तेळियालय वेसुडिने वेहा पींता.”

लूकाल 12:14

अस्‍के येसु ओन, “अरे दादा! मीवा आस्‍तिं पंचि हियालय नाकुन बोरन्‍ना ‘पेद्‍दा मनकल हिलाकोंटे न्‍यायम कियानोर’ इंचि इरतोरा?” इंचि पूसकीतोर.

योहान 18:36

अस्‍के येसु, “नावा राज्येम ई दुनियाक संबंदिस्तद आयो. ओक्‍कला नावा राज्येम ई दुनियाक संबंदिस्तद आसि मत्‍ते, नाकुन यहुदि पेद्‍दाल्कुंक अप्‍पजेपकोंटा नावा सेवाकुल्क लडाइ कीसि मन्‍नेर. गानि इंदके नावा राज्येम ई दुनियाक संबंदिस्तद आयो,” इंचि जवाब हीतोर.

कुलुसि 4:5

विस्वासम कियवोरतोनि बेस तेल्‍विते ताकट, मोका दोर्कतस्के ओर्क बेसता कबुर वेहाना पायदा तप्‍पाकोंटा एतट.

1 तेसलोनि 4:12

इल्‍हा मत्‍ते मिमेट विस्वासम कियवोरा मुन्‍नेगुडा कदरलायक मनंतिर, बोना पोर्रोने बर्वु आयिर.

1 तिमोति 3:7

इच्‍चोने आयका वेरे लोकुल्‍कुना विचाराल्कगुडा ओना बारेमते बेस मनगोम. अल्हा मनाकोंटे ओर सिग्गु पोळागोट्‍कुंचि देय्यमता कय्‍दुक दोर्का परांतोर.