1 कुरेंति 5:1 - पवित्र पोल्‍ले

¹ मीवा नड्‍डुम वरोर बोगमतनम कीतोर इंचि नाक केंजावाता. ओर ओना बाबोना मुत्‍तो इत्‍ते सिन्‍ना यावान इरकुत्‍तोर अले! इसोंटा तप्‍पुड कबळ अविस्वासुल्‍कगुडा किय्युर.

1 कुरेंति 5:1 Iomraidhean Croise

प्रेरितुल्‍कुना कबाह्‍क 15:20

गानि बोम्मांक मोळ्‍कतदुन तिनामन्‍नि, व्यबिचारम कियामन्‍नि, गोंदके पिसकिसि हव्‍कता जिवरासिता हव्‍विं, नेत्‍तुरतुन तिनामन्‍नि इंचि ओर्क मनम रासि लोहकोम.

1 कुरेंति 5:11

नना इनना पोल्‍ले बतल इत्‍ते, मीवा लोप्पोटाल बोरन्‍ना ओनद ओर विस्वासिन इंतोर, गानि ओर बोगमतनम कियमळ, आस्‍ति कियमळ, बोम्मान मोळ्कमळ, अपमानम कियमळ, रिम्मा आयमळ, दोंगा कीसि तिनमळ इसोंटा गुनम ओनालोप्‍पो मनानय्ते ओनतोनि कलियसि मनमट, ओनतोनि गाटो तिनमट इंचि रासि मत्‍तन.

1 कुरेंति 6:13

गाटो पीटाहाटीं, पीर गाटोताहाटीं मंता इंचि मिमेट इंतिर, गानि पेन इव रोंडुन इंका नासडेम कींता. मेंदुल बोगमतनम कियालय आयो सामिनाहाटीं मंता, सामि मना मेंदुलताहाटीं मंतोर.

1 कुरेंति 6:18

व्यबिचारमताल लक्‍कु मंटु. मेंदुल्ता पलाताल वायना पापाल्क अच्‍चोर बतल किय्यों, गानि बोर अय्ते व्यबिचारम कींतोर, ओर ओनादे मेंदुल्क अड्‍डम पापम कींतोर.

1 कुरेंति 6:9

अन्‍यायम कियाना लोकुल्‍क पेनदा राज्येमते वारसदार आयुर इंचि मीक तेळियोना? मिमेट दोकाते अरमट. व्यबिचारम कियानोर, बोम्मांक मोळ्‍कानोर, बोगमतनम कियानोर, मांडसा मांड्‍सातोनि बोगमतनम कियानोर, मुरतळ मुरतळतोनि बोगमतनम कियानद, दोंगातनम कियानोर, आस्‍ति कियानोर, कल्‍लु उनानोर, तेराहनोर, इंकावरोन मुळाहनोर पेनदा राज्येमता वारसदार आयोर.

2 कुरेंति 12:21

अल्‍हेने नना मर्रा वाता पजा, इच्‍चुर विस्वासुल्‍क कराब कबाह्‍क, बोगमतनम, लंजेतनम इसोंटा पापाल्कुनाल मनसु मार्सकुनाकुंटे नाक वेल्‍ले दुक्‍कम आयार. अचोने आयाका पेनदा मुन्‍ने नावा सिग्गु होनना वेला वायारो बतल इंचिगुडा वेरियतन.

2 कुरेंति 2:5

बोरन्‍नागिंटा दुक्‍कम हियानय्ते, ओर सिराप नाकुने दुक्‍कम हीतोर इत्‍ताप आयो, तक्‍को-एक्‍को मीक अंटोर्कगुडा हीतोर. इदुना बारेमते नना दीनकन्‍ना एक्‍को बतल वेहोन.

2 कुरेंति 7:12

नना मुन्‍ने लोहता सिट्‍टिते, बोर तप्‍पु कीतोर? बोन्क अन्‍यायम जर्गता? इंचि ईराहाटीं रासा हिल्‍लेन. गानि पेनदा मुन्‍ने मिमेट माकुन बच्‍चोन बेस हूळकुंतिर इद मीक तेळियागोम इंचि रासि मत्‍तन.

गलातिया 5:19

मनकना पापि कबाह्‍क मनाकु एरपाटे मंतां. अव इव आंदुं: बोगमतनम, अपवित्र कबाह्‍क, सिग्गु हिल्वा कबाह्‍क, बोम्मा पूजें, होदें, वरोंक-वरोर हय्साकोंटा मनमळ, जगडाल्‍क, कळ्‍क पोत्‍तमळ, होंग, नाके गावाले इनमळ, लोकुल्‍कुना नड्‍डुम पुटपाट कियमळ, वेरे गेंग तयार कियमळ, कल्‍लु उनमळ, विद्‍दुरतनम इसोंटव इंका वेल्‍लेन पोल्‍लें मंतां. इसोंटा कबाह्‍क कियानोर पेनदा राज्येमते वारसदार आया परुर. इद पोल्‍ले नना मीकु मुन्‍नेने वेहतन, अल्‍हेने इंदकेगुडा वेहासेक मंतन.

इपीसि 5:3

मीवा नड्‍डुम बोगमतनमता बारेमते, अन्‍नि तीरकुना अपवित्र पोल्‍लेना बारेमते इंका आस्तिक संबंदिस्‍ता पोल्‍लेना बारेमते आयि, बस्‍केने उद्‍दुलिं जर्गानायो. बारित्‍ते पवित्र लोकुल्‍क इसोंटवुना बारेमते उद्‍दुलिंगुडा किय्युर.

कुलुसि 3:5

अदुनहाटीं बूमि पोर्रोटव मना कराब गुनाल्‍क इत्‍ते बोगमतनम, कराब विचाराल्क, जोसते मनमळ, इंकावरोनद आसे पडमळ, आस्‍ति कियमळ इद अय्ते बोम्मांक मोळ्कता लेक्‍कातेन वांता. इव अन्‍निन हव्‍किस पोहाट.

1 तेसलोनि 4:7

बारित्‍ते पेन मनाकुन पवित्र मनालय केयता, कराब मनालय आयो.

पेन हुपिस्‍ता पोल्‍लें 2:21

मनसु मार्सकुननाहाटीं नना दानकु मोका हीतन, गानि बोगमतनमताल मनसु मार्सकुनालय दाना इच्‍चा हिल्‍ले.

पेन हुपिस्‍ता पोल्‍लें 21:8

गानि वेरियानोर, विस्वासम हिल्वोर, कराब कबाह्‍क कियानुर, हव्कानुर, बोगमतनम कियानुर, होदें कियानुर, बोम्मान मोळ्‍कानुर आनि आबद्‍दम वळ्कानुर अंटोर, गंदकमते गबा-गबा पोतसेके मनना तळमिता सेरवुने अर्रानुर. इदु रोंडो हामुर आंद,” इंचि वेहतोर.