1 कुरेंति 4:6 - पवित्र पोल्‍ले

⁶ विस्वासुल्‍कुनिटा! नना मीवाहाटीं अप्‍पुलोसना आनि नावा उदाहरन हीसि वेहतन. बारित्‍ते “दर्मसास्‍त्रमते रासता पोल्‍लेंक हब्बेर होनमट” इंचि मंता. इदुन पोर्रोटाल मिमेट वरोन बेसतनमते, इंकावरोन विरोदमते पेद्‍दिरकेम कियमट.

1 कुरेंति 4:6 Iomraidhean Croise

प्रेरितुल्‍कुना कबाह्‍क 18:24

अच्‍चोटेन अप्‍पुलोस इनानोर वरोर यहुदि मनकल इपीसि सहरते वातोर. ओर सिकंदरिया इनना सहरते पुटतोर. ओर वेल्‍लेन तेल्वि मत्‍ता मनकल मत्‍तोर. ओन्क दर्मसास्‍त्रम पुरागा तेळियुंदु.

प्रेरितुल्‍कुना कबाह्‍क 19:1

अप्‍पुलोस कुरेंति सहरते मननेंके, पौलुस वेरे-वेरे नाहकु तिरियसेके इपीसि सहरते वातोर. अगा ओन्क इच्‍चुर सिस्युल्क कलियतुर.

रोम सहरतोरहाटीं पौलुसना सिट्‍टि 12:3

पेन दाना कुर्पाते नाकुन सेवक इंचि निलाहता, दानहाटीं नना मीकु वरोर-वरोंक बतल वेहसेक इत्‍ते, पेन मीक तूसि हीता विस्वासमता लेक्‍का परकारमे वळ्कना अचोने, दानकन्‍ना एक्‍को विचारम कियमट.

1 कुरेंति 1:12

नना वेहना पोल्‍ले इदे गदा, मीवव्टेटाल वरोर, “नना पौलुसनोन आंदुन,” इंकावरोर, “नना अप्‍पुलोसनोन आंदुन,” इंकावरोर, “नना केपानोन आंदुन,” इंकावरोर, “नना किरिस्‍तुनोन आंदुन,” इंचि इंतिर.

1 कुरेंति 1:19

इदुना बारेमते, दर्मसास्‍त्रमते इल्‍हा रासि मंता, “तेल्विगल्‍लोर्कुना तेल्‍वितुन नासडेम कींतन, उसारगल्‍लोर्कुना उसारतनमतुन पास्कंतन.”

1 कुरेंति 1:31

अदुनहाटीं, “पेद्‍दिरकेम कियानोर बोरे आयिर, सामि ओनाहाटीं बतलय्ते कीतोरो, अव्टे ओर पेद्‍दिर्केम कियागोम,” इंचि दर्मसास्‍त्रमते रासि मंता.

1 कुरेंति 13:4

पावरमते ओप्के मंता, दया मंता. पावरम इंकावरोन पोर्रो कळ्‍क पोत्‍ता हिय्यो, पावरम पोमाडेंगि किया हिय्यो, पेद्‍दिरकेम किया हिय्यो.

1 कुरेंति 3:19

दुनियाता तेल्वि पेनदा मुन्‍ने मुर्कतनमतद आंद. बारित्‍ते, “पेन तेल्वितोर्कुन ओरा उस्सारतनमता लोप्पो पसांचंता,” इंचि दर्मसास्‍त्रमते रासि मंता.

1 कुरेंति 3:21

अदुनहाटीं नना ईना हेंदोन, नना ओना हेंदोन इंचि मनकालोर्कुना पोर्रो पेद्‍दिरकेम कियामन्‍नि, अन्‍नि मीवंगे आंदुं.

1 कुरेंति 5:2

इदुनाहाटीं मीक दुक्‍कम आया मत्‍ता, गानि मिमेट पेद्‍दिरकेम कीसेक मंतिर. असंटोन मीवा लोप्पोटाल पेचाहचि गेदुमगोम.

1 कुरेंति 5:6

मिमेट पेद्‍दिरकेम कियमळ बेस आयो, इच्‍चुर पुल्‍लाटा पिंडि वेल्‍लेन पिंडिते कल्‍पते, पूरा पिंडितुन पुल्‍लगा कींता अद मीक एरपाटे मंता.

1 कुरेंति 8:1

इंदके, बोम्मनगा मोळ्कता उपारमता बारेमते वेहंतन, मनम अंटोरम तेल्वितोर्कुम इंचि मनाकु एरपाटे मंता. तेल्‍विता हेंदाल गर्रा वांता, गानि पावरम बक्‍तितुन बेर्सागोटंता.

1 कुरेंति 9:23

ओरतोनि बेसता कबुरता आसिर्वादते नाकगुडा तूस दोर्कना इंचि इवन्‍नि कीसेक मंतन.

2 कुरेंति 10:12

बोर-बोर अय्ते ओरद-ओरे पेद्‍दातनम वेह्‍कुंतुर, गानि मोमोट ओरालेसीं वेहकुन्‍नोम, ओरा लोप्पो तुलना किय्‍योम. ओर वरोनद वरोर कहकुंचेके मंतुर, वरोनद-वरोर तुलना कीकुंचेके मंतुर. इद पेद्‍दा मुर्कतनम आंद.

2 कुरेंति 10:15

वेरेतोर कीता कबळतुन मोमोटे कीतोम इंचि पेद्‍दिरकेम किय्‍योम. बल्हा-बल्हा मीवा विस्वासम बेर्स्‍सेके दांता, अल्हा-अल्हा मावा सेवा मना गेट्‍टुना लोप्‍पोने मीवाहाटीं पैलांचेके दांता इंचि आसे मंता.

2 कुरेंति 10:7

मिमेट सिराप मुन्‍ने मत्‍तवुन मीवा कळ्‍कुने हूळसेक मंतिट. मीक गिंटा बोर्कन्‍ना ओनद-ओन्क नना किरिस्‍तुनोन आंदुन इंचि बरोसा मनानय्ते बल्हा ओर किरिस्‍तुनोर आंदुर, अल्‍हेने मोमोटगुडा किरिस्‍तुनोर्कुम आंदुम इंचि ओन्क तेळियगोम

2 कुरेंति 11:4

बारित्‍ते बोरन्‍नागिंटा मिहगा वासि, मोमोट वेहवासोंटा वेरे येसुना पोल्‍ले मीक वेहते, हिलाकोंटे बदन्‍ना मुन्‍ने मिहगा हिल्‍वसोंटा आत्मा दोर्कते, हिलाकोंटे इंका बदन्‍ना मुन्‍ने मिमेट ओप्‍कुन्‍वसोंटा बेसता कबुर वाते, अदुन मिमेट कुसिते ओप्‍कुंतिर.

2 कुरेंति 12:19

महगा तप्‍पु हिल्‍ले इंचि हुप्‍सालय इवन्‍नि मोमोट मीक वेहसेक मंतोम इंचि मिमेट इनकुंचंतिर आयावच्‍चु, गानि आयो. मोमोट अय्ते पेनदा मुन्‍ने किरिस्‍तुना अदिकारमते वळ्‍कंतोम. पावरमगल्‍लोरिटा! इवन्‍नि पोल्‍लें मीवा विस्वासम बेर्सनाहाटींगे वेहसेक मंतोम.

2 कुरेंति 12:20

बारित्‍ते नना मिहगा वातास्‍के, मिमेट इनकुत्‍ताप नना मीक दोर्का पर्रोन आयावच्‍चु इंका नना इनकुत्‍ताप मिमेट मंदक होननिर. बोर्क एरपाट, मीलोप्‍पो जगडाल्‍क, कळ्‍क पोतमळ, होंग, सतता पायदा, अपमानम, पेद्‍दिरकेम, चुगलीं, लोल्‍लिं इसोंटवगुडा दिस अर्रानुं इंचि नना वेरियसेक मंतन.

2 कुरेंति 12:6

नना पेद्‍दिरकेम वेहतेगुडा, निजम वेहताहाटीं नाकुन मूर्कुड इनावायो. गानि नना अल्हा वेहोन. बारित्‍ते नना कीता कबाह्‍कुन हूळता दानकन्‍ना आनि वेहता पोल्‍लेन केंजता दानकन्‍ना एक्‍को मान नाक हिय्यामन्‍नि.

2 कुरेंति 4:15

पेनदा कुर्पा वेल्‍लेटुर लोकुल्‍कुनगा एवसि, दाना महिमा कियालय एक्‍कोते-एक्‍को दन्यवादाल्‍क वेहाना पारतनां बेर्सगोम इंचि इवन्‍नि मीवाहाटीं मंतां.

कुलुसि 2:18

बोरन्‍ना सतागा सिन्‍नातनम हुपिच्‍कुनानोर, दूताना पूजा कियानोर, हूळता पोल्‍लेनपोर्रो, ओना मनसुना पालतु पोल्‍लेनपोर्रो पेद्‍दिरकेम कियानोना हेंदाल मीवा पेनदा इनामतुन तपिच्‍कुना हियमटु.

1 तेसलोनि 1:5

बारित्‍ते, मोमोट वेहता बेसता कबुर सिराप पोल्‍लेनतोने आयो गानि ताकतते, पवित्र आत्माते आनि पूरा गट्‍टि विस्वासमते मिहगा वाता. मोमोट मीवा नड्‍डुम मंचेके बल्हा ताकतोम मीक एरपाटे मंता.

2 तिमोति 2:10

अदुनहाटींगे नना, किरिस्‍तु येसुना लोप्पो दोर्कना मुक्‍ति पेन पेरतोर्क, बस्‍केळ्‍क मनना दाना महिमातोनि दोर्कना इंचि बच्‍चुं कस्‍टाल्‍क अयना सहन कींतन.