1 कुरेंति 4:5 - पवित्र पोल्‍ले

⁵ अदुनहाटीं न्‍यायम कियाना वेला वायाका मुन्‍ने बोने न्‍यायम कियमट, सामि वायानाल एदुर हुळाट. ओर हीकटते मक्‍किस मत्‍ता पोल्‍लेन वेल्‍गुने तरंतोर, मनसुने मत्‍तवुन पलाते अरहंतोर. अस्‍के पेन अंटोर्कुन मिमेट बेस कीतिट इंचि मेच्‍चुकुंता.

1 कुरेंति 4:5 Iomraidhean Croise

मत्‍तयाल 10:26

गानि ओर्कु मिमेट वेरियमट. मुच्‍चिसि मत्‍तव अन्‍नि पोल्‍लें बय्यर आंता, तेळियाकोंटा मत्‍तव अन्‍नि वस्‍तुक पलातुक वांतां.

मत्‍तयाल 24:30

पजा मनकना रूपमते पुटतोन नना वायना चिन्‍ह स्वर्गमते दिस्‍सार, अस्‍के बूमि पोर्रोटोर अन्‍नि जातिना लोकुल्‍क वेल्‍ले दुक्‍कम कियानुर. पजा मनकना रूपमते पुटतोन नना पेद्‍दा महिमा आनि ताकततोनि मब्बु तेर्पेनपोर्रो उद्‍दिसि वायानेंके लोकुल्‍क हूळानुर.

मत्‍तयाल 25:21

अस्‍के मालक कूस आसि, “वा रे वा, निमे बेस विस्वासमलायक दासुन आंदिन. इच्‍चोटा पोल्‍लेतगा निमे विस्वासमलायक मंतिन, अदुनहाटीं नना नीकु वेल्‍लेटोरपोर्रो अदिकारम हींतन. निमे लोप्पो होंचि मालकुनतोनि कूळसि कुसिते मन,” इत्‍तोर.

मत्‍तयाल 25:23

अस्‍के मालक कूस आसि, “वा रे वा, निमे बेस विस्वासमलायक दासुन आंदिन. इच्‍चोटा पोल्‍लेतगा निमे विस्वासमलायक मंतिन, अदुनहाटीं नना नीकु वेल्‍लेटोरपोर्रो अदिकारम हींतन. निमे लोप्पो होंचि मालकुनतोनि कूळसि कुसिते मन,” इत्‍तोर.

लूकाल 6:37

“मिमेट वेरेतोरपोर्रो दोसेम दोसमट, अस्‍के मीपोर्रोगुडा पेन दोसेम दोस्‍सो. मिमेट वेरेतोर्कुन, ‘दोसिल्‍क,’ इंचि इनमटु, अस्‍के पेन मीकुनगुडा ‘दोसिल्‍क,’ इंचि इन्‍नो. मिमेट वेरेतोर्कुन मापि कीम्‍टु, अस्‍के मीकुनगुडा पेन मापि किय्‍यार.

योहान 21:22

अस्‍के येसु, “नना मल्सि मर्रा वायनदाका ओर पिस्सि मनगोम इंचि नाकु इस्‍टमातस्के, ओना बारेमते नीकु बतल गावाले? निमे नावा पज्जो ताका,” इंचि पत्रुंक वेहतोर.

योहान 21:23

दानहेंदाल, आ सिस्युड हायोर इत्‍ता पोल्‍ले, कळमता विस्वासुल्कुना नड्‍डुम पैलांचि होत्‍ता. गानि आ सिस्युड हायोर इंचि येसु इना हिल्‍लोर. ओर सिराप “नना मल्सि मर्रा वायनदाका ओर पिस्सि मनगोम इंचि नाकु इस्‍टमातस्के, ओना बारेमते नीकु बतल गावाले?” इंचि इत्‍तोर.

योहान 5:44

मीवद मिमेटे कदर कीकुनमळ इत्‍ते मीकु वेल्‍लेन इस्‍टम. गानि पेनदाहेंदाल दोर्कना कदरतुन मात्रम बोरे पहका हूळिर. असोंटस्के मिमेट नापोर्रो बल्हा विस्वासम किया परांतिर?

रोम सहरतोरहाटीं पौलुसना सिट्‍टि 14:4

इंकावरोना जीतागान हूळसि, “निमे बेस कबळ कीसंतिना हिल्‍लेना” इंचि वेहानद मीकु अव्‍सरम हिल्‍ले. अद कबटा लेक्‍का ओना मालके हूळांतोर. पेन दाना मनकालोर्कुन गट्‍टिगा निल्‍हा परांता, अदुनहाटीं असोंटा विस्वासुल्‍क गट्‍टिगेन निल्‍लंतुर.

रोम सहरतोरहाटीं पौलुसना सिट्‍टि 2:1

अरे तप्पु दोसना लोकुरिटा, मिमेट बोरन्‍ना आम्टु! मिमेटगुडा अदे तप्पु कियानोर आंदिर. अदुनहाटीं इंकावरोन पोर्रो मिमेट तप्पु दोसमट. इल्‍हा वेरेतोरपोर्रो तप्पु दोस्‍सि, मीवद मिमेटे “दोसिर्क” इंचि हुपिच्‍कुंतिर. दानहाटीं वेरेतोरपोर्रो तप्पु दोस्‍सि मिमेट तपिच्‍कुना परिर.

रोम सहरतोरहाटीं पौलुसना सिट्‍टि 2:16

नना वेहना बेसता कबुर परकारम, बोर्क तेळियाकोंटा मनकालोर्क कीता कबाह्‍कुन पोर्रोटाल, अद रोजुने पेन येसु किरिस्‍तुनाहेंदाल लोकुल्‍कुना न्‍यायम किय्‍यार.

रोम सहरतोरहाटीं पौलुसना सिट्‍टि 2:29

बोर अय्ते पेनदा इच्‍चा मत्‍ताप ताकंतुर ओरे निजम यहुदिल्क आंदुर. मूसाना नियम परकारम पलाताल आतदे कतना आयो, गानि पेनदा आत्माहेंदाल मनसु मारियता मनकालोरे निजम कतना आता यहुदिल्क आंदुर. इसंटा मनकालोर लोकुल्‍कुना कदरतुन आयो गानि पेनदा कदरतुन पहकंतुर.

रोम सहरतोरहाटीं पौलुसना सिट्‍टि 2:7

बोर अय्ते बस्‍केळ्‍क बेसता कबाह्‍क कीसेके, पेनदाहेंदाल कदर, दोसेम हिल्वा पिस्वरतुन दोर्किच्‍कुनालय हूळांतुरो पेन ओर्क बस्‍केळ्‍क पिस्सना पिस्वर हींता.

1 कुरेंति 1:7

अदुनहाटीं मिमेट पेनदा बद्‍दे आत्माता वरमते तक्‍को हिल्‍लिर, मिमेट मना सामि येसु किरिस्‍तु मर्रा वायानद एदुर हूळसेक मंतिर.

1 कुरेंति 11:16

इदुना बारेमते बोरन्‍ना लोल्‍लि कियानय्ते, ओनकु तेळियाना गदा, मावा इसोंटा रीति आयो, कलिसियातोरदगुडा इसोंटा रीति आयो.

1 कुरेंति 11:26

बारित्‍ते, मिमेट बस्के-बस्के अय्ते इद हारितुन तिंतिर, अंगुर पानकम उंटिर, अस्‍के सामिना हामुरतुन ओर मल्सि वायानादाका वेहंतिर.

1 कुरेंति 15:23

हरेक मनकल वरोन पजा वरोर, मोदाला किरिस्‍तु जीवाते तेदतोर, किरिस्‍तु मर्रा वाता पजा ओना लोकुल्‍क जीवाते तेदांतुर.

1 कुरेंति 3:13

किरिस्‍तु मर्रा वायाना रोजुने अंटोरा कबळ दिसंता. बारित्‍ते अद रोज ओर तळमितोनि वांतोर, बोर बतल कबळ कीतोर इंचि तळमिते परिक्‍सा कियमळ जर्गंता.

1 कुरेंति 3:14

अद पुनादिपोर्रो दोहता कबळ निल्‍सि मनानय्ते, ओनकु इनाम दोर्कंता.

1 कुरेंति 3:8

वरोर वाटतोर, वरोर एर दोस्तोर, इल्‍हा ओरा-ओरा कबळता इसाबते ओर्क बूति दोर्कार.

2 कुरेंति 10:18

बोर अय्ते ओनद-ओरे मेच्‍कुंतोर ओर कबळतोर आयोर, गानि सामि बोनय्ते मेच्‍कुंतोर ओर कबळतोर आंदुर.

2 कुरेंति 10:9

नना बारि वेहसेक इत्‍ते, नावा सिट्‍टिना हेंदाल नना मीकुन वेराहसेक मंतन इंचि मीक अनपिच्‍चमन्‍नि.

2 कुरेंति 4:2

सिग्गु होनानव आनि मक्‍किस कियाना कबाह्‍कुन मोमोट होळसीतोम. इंकावरोन दोका हियमळ आयि, पेनदा पोल्‍लेतुन उल्टा-पल्टा कीसि वेहमळ आयि इसोंटा कबाह्‍क किय्‍योम. गानि पेनदा मुन्‍ने सत्‍तेम पोल्‍लेतुन वेहाना हेंदाल, मोमोट बसंटोरम इंचि हरेक मनकंक ओरा मनसुने तेळियंता.

2 कुरेंति 5:10

बारित्‍ते मनक अंटोर्क किरिस्‍तुना न्‍यायम कियाना राजगद्‍दे मुन्‍ने नित्‍ताना मंता. मनागटाल हरेक मनकंक मनम कीता बेसता कबाह्‍क आयि, कराब कबाह्‍क आयि अवुना हिसाबते इनाम हिलाकोंटे सिक्‍सा दोर्कंता.

1 तेसलोनि 5:2

बारित्‍ते नर्कटा वेलाते दोंगल बल्हा अचानक वांतोर, अल्‍हेने सामि वायाना रोजुगुडा मनंता इंचि मीकु एरपाटे.

इब्रि 4:13

इद दुनियाते मनानव बतांगें पेनदा नदरताल मक्‍किसि हिल्‍लें. मनम मना बारेमते लेक्‍का अप्पजेप्पना पेनदा मुन्‍ने अन्‍निगुडा कुल्‍ला-कुल्‍ला मंतां.

याकोब 4:11

विस्वासुल्‍कुनिटा! वरोना-वरोर अपमानम कीकुनमट, बोर अय्ते ओना दंटातोन अपमानम कींतोर, ओनपोर्रो तप्पु दोसंतोर, असोंटा मनकल दर्मसास्‍त्रमता अपमानम कींतोर, दानपोर्रो तप्पु दोसंतोर. अय्ते निमे गिंटा दर्मसास्‍त्रमपोर्रो तप्पु दोसते, निमे नियम परकारम ताकानोन आयिन गानि न्‍यायम कियानोनालेसीं आंतिन.

याकोब 5:7

अदुनहाटीं विस्वासुल्‍कुनिटा! सामि मर्रा वायानादाका ओप्के पीसि मंटु. बल्हा इत्‍ते, वरोर कास्‍तकरि मनकल ओना नेदा पिस्वरता पंटाहाटीं मोदाटा पिर्रु आनि आकिरता पिर्रु वायानादाका ओप्‍केते एदुर हूळांतोर,

याकोब 5:9

विस्वासुल्‍कुनिटा! वरोनपोर्रो वरोर चुगलीं वेहमट, अल्हा वेहतिर इत्‍ते मी पोर्रोने दोसेम दोसमळ जर्गंता. हुळाट, न्‍यायम कियानोर गलमातगा नित्‍तिसि मंतोर.

1 पत्रु 1:7

नासडेम आयाना बंगारमतुन तळमिते करगागोटसि परिक्‍सा कींतुर. गानि आ बंगारमकन्‍ना बच्‍चोरो विलुवाता मीवा विस्वासमतुनगुडा परिक्‍सा एतमळ जर्गंता. येसु किरिस्‍तु मर्रा वातस्के, मीकुन मेच्‍कुंचि पेद्‍दातनम आनि कदर दोर्काना कारनम आयगोम.

1 पत्रु 5:4

इल्‍हा मत्‍तिर इत्‍ते अंटोर्कुंकन्‍ना पेद्‍दा कोहानोर किरिस्‍तु वायानुर अस्‍के, बस्‍केने कळियसि होनवसोंटा पेद्‍दातनमता किरिटम मीकु दोर्कार.

2 पत्रु 3:12

पेन वायाना रोजुनाहाटीं मिमेट एदुर हूळसेक मंतिर, अद बिराना वायाना इंचि कोरसेके मंटु. अद रोजु मब्बु तळमिते वेसि नासडेम आंता आनि अवुने मत्‍तव अन्‍नि बारे तळमि दगडाकु कर्गिस दांतां.

2 पत्रु 3:4

इंका ओर वासि, “ओर मर्रा वांतोर इंचि हीता पोल्‍ले बतल आता? मावा एनकटा पेद्‍दाल्क अय्ते हासोत्‍तुर, दुनिया पुटतस्केटाल अन्‍नि पोल्‍लें बल्हा मत्‍तव अल्हे मंतां,” इंचि मीकुन पूसकींतुर.

यहुदा 1:14

आदामनगटाल एडुंगो पीळितोर हानोक इनानोर ईरा बारेमते इल्‍हा बविस्यवानि कीतोर, “हूळा, सामि वेय्‍कुना पवित्र लोकुल्‍कुनतोनि अंटोरा न्‍यायम कियालय वांतोर. ओर अंटोर बक्‍ति हिल्वा लोकुल्‍क ओर कीता अन्‍नि तप्‍पुड कबाह्कुनाहाटीं अल्हेन बक्‍ति हिल्वा पापि लोकुल्‍क सामिंक विरोदमते वळ्‍कतव अन्‍नि पोल्‍लेनाहाटीं ओर्क सिक्‍सा हियमळ जर्गंता,” इंचि वेहतोर.

पेन हुपिस्‍ता पोल्‍लें 1:7

हुळाट, येसु किरिस्‍तु मब्बु तेर्पेनतोनि वासेक मंतोर. अंटोर ओन हूळानुर. ओरव्टे ओन कोह्‍कतोरगुडा मंदानुर. दुनियातोर अन्‍नि वंसाल्कुना लोकुल्‍क सातितुन तंचेके दुक्‍कम कियानुर. हो इल्हे आयार आमीन!

पेन हुपिस्‍ता पोल्‍लें 20:12

पजा, हासि मत्‍ता सिन्‍नाल्कुन-पेद्‍दाल्कुन अंटोर्कुन राजगद्‍देता मुन्‍ने नित्‍तिसि मत्‍तद नना हूळतन. पुस्तकाल्क विच्‍चिसि मत्‍तां. पजा इंकुंदि पुस्तकम विच्‍चुमळ जर्गता, अद पुस्तकम इत्‍ते पिस्वरता पुस्तकम आंद. पुस्तकाल्कुने रासि मत्‍ता पोल्‍लेन पोर्रोटाल, हासि मत्‍तोर कीता कबाह्‍कुन पीसि ओरा न्‍यायम कियमळ जर्गता.