1 कुरेंति 3:16 - पवित्र पोल्‍ले

¹⁶ मिमेट पेनदा गुळि आंदिर, पेनदा आत्मा मीलोप्‍पो मनंता, इद मीक तेळियोना?

1 कुरेंति 3:16 Iomraidhean Croise

योहान 14:17

आ सहायम कियानोर इत्‍ते, पवित्र आत्मा मीकु सत्‍तेमतुन हुप्‍संता. दुनियातोर दानहेके हूळसेक हिल्‍लुर, दान एरपाट कीसेक हिल्‍लुर. अदुनहाटीं अद दुनियातोर्क दोर्को. गानि मिमेट दान एरपाट कींतिर. बारित्‍ते अद मीवातोनि मंता आनि पजा मीवा लोप्पेन मन्‍नार.

रोम सहरतोरहाटीं पौलुसना सिट्‍टि 6:16

सेवा कींतन इंचि मीवद मिमेट ओप्कुत्‍ते मिमेट बा मालकुनगा अय्ते सेवा कीसंतिरो, ओन्क मिमेट निजमे दासुल्क आंतिर. इद पोल्‍ले मीकु तेळियोना? मिमेट पापमता दासुल्क आते अद मीकु हामुरता हर्रि हुप्‍संता. गानि मिमेट पेनदा पोल्‍ले केंजते अद मीकुन नीतिमंतुल्क कींता.

रोम सहरतोरहाटीं पौलुसना सिट्‍टि 6:3

मनम अंटोरम येसु किरिस्‍तुनतोनि कलियतोम इंचि हुप्‍सालय बापतिस्मा एततोम. अस्‍केने मनम ओनतोनि हाताप आतोम. इद संगति मीकु तेळियोना?

रोम सहरतोरहाटीं पौलुसना सिट्‍टि 8:11

येसु किरिस्‍तुन हातोरव्टेटाल मर्रा जीवाते तेहता पेनदा आत्मा ओक्‍कला मीलोप्‍पो मनानय्ते, मीवा नासडेम आसि होनना मेंदुलतुनगुडा, मीलोप्‍पो मनना दाना आत्माहेंदाल जीवाते इर्रंता.

रोम सहरतोरहाटीं पौलुसना सिट्‍टि 8:9

गानि मीवा लोप्‍पोगिंटा पेनदा आत्मा मत्‍ते, मिमेट पापि गुनाल्‍कुने पिस्सेक हिल्‍लिर गानि आत्मा वेहताप पिस्संतिर. बोना पिस्वरते अय्ते किरिस्‍तुना आत्मा हिल्‍ले, ओर किरिस्‍तुना मनकल आयोर.

1 कुरेंति 3:17

बोरन्‍नागिंटा पेनदा गुळितुन नासडेम कियानय्ते, पेन ओन नासडेम किय्‍यार. पेनदा गुळि पवित्र मनंता, अद मिमेटे आंदिर.

1 कुरेंति 3:9

मोमोट पेनतोनि कलियसि कबळ कियानोर्कुम आंदुम, मिमेट पेनदा नेलितसंटोर, पेनदा लोतसंटोर आंदिर.

1 कुरेंति 5:6

मिमेट पेद्‍दिरकेम कियमळ बेस आयो, इच्‍चुर पुल्‍लाटा पिंडि वेल्‍लेन पिंडिते कल्‍पते, पूरा पिंडितुन पुल्‍लगा कींता अद मीक एरपाटे मंता.

1 कुरेंति 6:16

बोर अय्ते बोगमदानतोनि मींडंतोर, ओर दानतोनि उंदि मेंदुल आंतोर. “ओर इव्वुर उंदि मेंदुल आंतुर” इंचि दर्मसास्‍त्रमते रासि मंता.

1 कुरेंति 6:19

मीवा मेंदुल पवित्र आत्माता गुळि आंद, अद पेनदाहेंदाल मीलोप्‍पो वासि मनंता, ई मेंदुल मीवद आयो, इंचि मीक तेळियोना?

1 कुरेंति 6:9

अन्‍यायम कियाना लोकुल्‍क पेनदा राज्येमते वारसदार आयुर इंचि मीक तेळियोना? मिमेट दोकाते अरमट. व्यबिचारम कियानोर, बोम्मांक मोळ्‍कानोर, बोगमतनम कियानोर, मांडसा मांड्‍सातोनि बोगमतनम कियानोर, मुरतळ मुरतळतोनि बोगमतनम कियानद, दोंगातनम कियानोर, आस्‍ति कियानोर, कल्‍लु उनानोर, तेराहनोर, इंकावरोन मुळाहनोर पेनदा राज्येमता वारसदार आयोर.

1 कुरेंति 9:13

मीक अय्ते एरपाटे मंता, गुळितगा सेवा कियानोर्कुंक गुळितगटाले गाटो दोर्कंता. गद्‍देतगा सेवा कियानोर्कुंक अगा अरतवुनाल तूस दोर्कंता.

1 कुरेंति 9:24

पंदेम वाटसि वितनेंके अंटोरे वित्‍तंतुर, गानि इनाम वरोंके दोर्कंता इंचि मीक एरपाटे मंता. मिमेटगुडा वितनेंके इनाम दोर्कनालेसीं वित्‍तट.

2 कुरेंति 6:16

बोम्मांक, पेनदा गुळिकु बाता संबंदम? बारित्‍ते मनम अय्ते जीवाते मनना पेनदा गुळि आंदुम. पेनदा दर्मसास्‍त्रमते, “नना ओरा लोप्पो मनंतन, ओरतोनि तिरियंतन, नना ओरा पेन आसि मनंतन, ओर नावा लोकुल्‍क आयानुर,” इंचि रासि मंता.

2 तिमोति 1:14

मनालोप्‍पो मनना पवित्र आत्माता बलमतोनि, नीकु अप्पजेपता मंचितनमतुन निमे कापाळकुन.

इब्रि 3:6

गानि पेनदा विस्वासमगल्‍ला मर्रि, किरिस्‍तु, पेनदा पूरा लोतोरा अदिकारि आसि मत्‍तोर. मनमगिंटा मना विस्वासम आनि आसेता बारेमते आकिरदाका इरगा गट्‍टिगा मत्‍ते, मनमगुडा पेनदा लोतोरम आसि मनंतोम.

याकोब 4:4

विस्वासम हिल्वोरिटा! दुनियातोनि दंटा कियमळ इत्‍ते पेनदुक पगा आयमळ इद मीक तेळियोना? अदुनहाटीं बोर अय्ते दुनियातोनि दंटा कींतोर, ओर पेनदुक पगातोर आंतोर.

1 पत्रु 2:5

मिमेटगुडा जीवाते मंदना बंडानलेसीं पवित्र आत्माता लोन दोहचेक मंतिट. येसु किरिस्‍तुनाहेंदाल पवित्र आत्माता बक्‍तितुन मोक्‍कु हीताप पेनदुक ओप्‍पनालायक मनालय, मिमेट पवित्र पेर्मालोरलेसीं निलाहतुर आंदिर.

1 योहान 4:12

पेनदुन बोर बस्‍केन हूळा हिल्‍लुर. गानि मनम, वरोंक-वरोर पावरम कियानय्ते पेन मनालोप्‍पो मनंता आनि दाना पावरम मनालोप्‍पो पुरागा आंता.