1 कुरेंति 3:1 - पवित्र पोल्‍ले

¹ विस्वासुल्‍कुनिटा! पेनदा आत्मा मत्‍तोर्कुनतोनि वळ्कताप मीवातोनि वळ्का पर्राहिल्‍लेन. पेनदा आत्मा हिल्वा दुनियातोरलेसीं आनि किरिस्‍तुनलोप्‍पो इंदकेगुडा पिलाल्कुनसंटोरे इंचि मीवातोनि वळ्‍कतन.

1 कुरेंति 3:1 Iomraidhean Croise

मत्‍तयाल 16:23

गानि येसु पत्रुनहेके तिरियसि हूळसि, “अरे देय्यम, नावा मुन्‍नेटाल पेय्सि होन. निमे मनकालोरा तेल्‍विते वळ्‍कसंतिन, पेनदा विचारमते वळ्कसेक हिल्‍लिन. निमे नावाहाटीं उंदि आपत आंदिन.” इंचि इत्‍तोर.

रोम सहरतोरहाटीं पौलुसना सिट्‍टि 7:14

बारित्‍ते मूसाना नियम पेनदाग्टद आंद इंचि मनाकु एरपाट मंता. गानि नना पापि आसेने निंडिस मत्‍ताहेंका पापमता सेवा कियनाहाटीं अम्मुळ होत्‍तोन आंदुन.

1 कुरेंति 14:20

विस्वासुल्‍कुनिटा! मिमेट तेल्‍विते सिन्‍ना-पिलाल्कुनालेसीं मनमट, गानि पेद्‍दा मनकालोर्कुनालेसीं मंटु. कराब पोल्‍लेने सिन्‍ना-पिलाल्‍कुनलेसीं तेळियवाप मंटु. विचारम कियमळते पेद्‍दोरालेसीं मंटु.

1 कुरेंति 14:37

बोरन्‍नागिंटा, “नना पेनदा कबुरतोन” हिलाकोंटे, “नना पेनदा आत्मा मत्‍तोन” इंचि इनकुनानय्ते, नना मीक रासता पोल्‍लें सामिना आदेसाल्‍क आंदुं इंचि ओन्क तेळियाना.

1 कुरेंति 2:6

मोमोट इद दुनियाता हिलाकोंटे इद दुनियाते नासडेम आयाना अदिकारिल्कुना तेल्वि वेहोम, गानि विस्वासमते गट्‍टिगा मत्‍तोर्कुंके तेल्वि वेहंतोम.

गलातिया 6:1

गानि विस्वासुल्‍कुनिटा! मीलोप्‍पो बोरन्‍ना पापम कीते, पेनदा आत्माते ताकानोर मिमेट होंगुंक वायाकोंटा ओनगा होंचि ओन बेस समजांचि, सत्‍तेम हर्दे तटु. अल्‍हेने मिमेटगुडा असोंटा परिक्‍साते अर्रामन्‍नि इंचि, उसारते मंटु.

इब्रि 5:13

बारित्‍ते पाल उनना हरेक पेडल, ओर पसि पेडले मनंतोर. ओन्क नीति पोल्‍लेना बारेमते तेळियो.

1 योहान 2:12

नावा पिलाल्‍कुनिटा! किरिस्‍तुना पोरोलतेन मीकु मीवा पापाल्कुना मापि दोर्कुता. अदुनहाटींगे नना मीकु इव पोल्‍लें रासेक मंतन.