1 कुरेंति 2:8 - पवित्र पोल्‍ले

⁸ ई तेल्‍विता बारेमते दुनियाता अदिकारिल्कुंक बोर्के तेळिया हिल्‍ले, ओर्क गिंटा तेळियसि मत्‍ते, महिमागल्‍ला सामि येसु किरिस्‍तुन क्रुसुनपोर्रो मोल्‍लां कोह्का कोन्‍नेर.

1 कुरेंति 2:8 Iomraidhean Croise

मत्‍तयाल 11:25

आ वेलाते येसु इल्‍हा इत्‍तोर: “ए नावा बाबा, बूमि आनि स्वर्गमता सामि, तेल्‍विगल्‍लोर्क आनि समजदार लोकुल्‍कुनगटाल इव पोल्‍लें मक्‍किचि इरतिन, सादा-सिंपल लोकुल्‍कुंक बारे इव पोल्‍लें हुपिस्‍तिन, इंचि नना नीवा स्‍तुति कीसेक मंतन.

मत्‍तयाल 13:22

बोर अय्ते पेनदा पोल्‍लेतुन केंजांतोर गानि सम्‍सारमता रंदि, दनमता आस्‍ति, इसोंटा विचाराल्क ओर केंजता पोल्‍लेतुन ओनालोप्‍पो बेर्सा हिय्यों. अस्‍के अद पोल्‍लेताल बतल पायदा आयो. असंटोर इत्‍ते, विज्‍जां अरता हाह्कुना पोदाना जेगातसंटोर आंदुर.

लूकाल 23:34

अस्‍के, “पेनबाबा, ईर बतल कीसंतुरो, अद ईरके तेळियो. अदुनहाटीं ईर्कुन मापि कीम,” इंचि येसु इत्‍तोर. पजा सिपाइल्क सिट्‍टिं वाट्‍सि ओना कपडिन पंचकुत्‍तुर.

योहान 16:3

बाबाल आनि नना बोर आंदुम, ओर्क तेळियो, अदुनहाटीं ओर मीकुन अल्हा कींतुर.

योहान 7:48

यहुदि पेद्‍दाल्कुनाल आयि, परिसिल्‍कुनाल आयि, बोर वरोरन्‍ना ओन नम्मुतोर मंतोरा? बोरे हिल्‍लुर.

योहान 8:19

इद केंजसि ओर, “नीवा बाबाल बगा मंतोर?” इंचि पूसकीतुर. अस्‍के येसु, “असल नना बोन, नावा बाबाल बोर? मीकु एरपाट हिल्‍ले. मिमेट नाकुन एरपाट कियानय्ते, ना बाबान इंका एरपाट कींतिर,” इंचि ओर्क वेहतोर.

प्रेरितुल्‍कुना कबाह्‍क 13:27

येरुसलेमते मनानुर आनि ओरा अदिकारिल्‍क येसुन एरपाट किया हिल्‍लुर. वारा-वारम नोमकेम रोजुने पेनदा कबुरतोरा पोल्‍लें हदवुंदुर, गानि अदुन एरपाट कियवा, येसुन हव्‍किसि आ पेनदा कबुरतोरा पोल्‍लेन पूरा कीतुर.

प्रेरितुल्‍कुना कबाह्‍क 7:2

अस्‍के स्‍टिपन ओर्कु इल्‍हा वेहालय दल्‍गुतोर, “नावा दादालोर आनि बाबानसोंटा पेद्‍दाल्कुनिटा! नना वेहनद केंजट. मना एनकटा पेद्‍दा मनकल अब्राहाम मातरल मेसोपोटामिया देसेमतुन होळसि हारान इनना सहरते हेराका मुन्‍नेन पेन दाना महिमाते ओन्क दिसता.

1 कुरेंति 1:20

अय्ते, बगा मंतोर तेल्विगल्‍लोड? बगा मंतुर दर्मसास्‍त्रम कराहना गुरुल्क? ई दुनियाता वाद-विवाद कियानोर बगा मंतुर? इद दुनियातोरा तेल्वि पेनदा मुन्‍ने मुर्कतनम आंद.

1 कुरेंति 2:6

मोमोट इद दुनियाता हिलाकोंटे इद दुनियाते नासडेम आयाना अदिकारिल्कुना तेल्वि वेहोम, गानि विस्वासमते गट्‍टिगा मत्‍तोर्कुंके तेल्वि वेहंतोम.

2 कुरेंति 3:14

इस्राएल लोकुल्‍कुना मनसुक गट्‍टिगा आसि होत्‍तां. इव रोजकुनेगुडा बस्के अय्ते ओर पळाना नियम हदवंतुर, अस्‍के अदे मुस्‍कु ओरा मनसुन मुच्‍चंता. सिराप किरिस्‍तुनपोर्रो विस्वासम इरते, किरिस्‍तुए ओरा मुस्‍कुन तेंडा परांतोर.

इपीसि 1:17

अचोने आयाका मना सामि येसु किरिस्‍तुना पेन, इत्‍ते महिमाते निंडिस मत्‍ता पेन बाबल, ओना बारेमते मिमेट इंका बेस एरपाट कियानाहाटीं ओना पवित्र आत्माहेंदाल मीकु बुद्‍दि आनि बेस तेल्‍पिचकुननाहाटीं तेल्वि हिय्यिर इंचि पारतना कीसेक मंतन.

इपीसि 4:18

ओरा विचाराल्क बत्‍ताके ओज्‍जाकोंटा आतां. ओर्कु तेल्वि तक्‍को मत्‍ताहाटीं ओरा मनसु बंडालेसीं गट्‍टिपळसोत्‍ता. अदुनहाटीं ओर पेनदुन तेल्‍पिचकुना हिल्‍लुर. इल्‍हा पेन हिय्याना पूना पिस्वरताल ओर्कुन लक्‍कु कियमळ जर्गता.

1 तिमोति 1:13

मुन्‍ने नना बदनाम कियुंदुन, तकलिप हियुंदुन, तेंडसि पोहचि वळ्‍कुंदुन. अयना नाकु सामिना दया दोर्कता, बारित्‍ते नना कियानद बतलो तेळियका, अविस्वासमते अल्हा कीतन.

याकोब 2:1

नावा विस्वासुल्‍कुनिटा! मीवा विस्वासम मना महिमाता सामि येसु किरिस्‍तुनपोर्रो मंता, अदुनहाटीं मीलोप्‍पो बेदबाव मनामन्‍नि.