1 कुरेंति 2:1 - पवित्र पोल्‍ले

¹ विस्वासुल्‍कुनिटा! नना मिहगा वातस्के, नावा पेद्‍दा पोल्‍लेने हिलाकोंटे पेद्‍दा तेल्‍विते पेनदा बारेमते गवाइ वेहा हिल्‍लेन.

1 कुरेंति 2:1 Iomraidhean Croise

प्रेरितुल्‍कुना कबाह्‍क 20:21

पापाल्कुनाल मनसु मार्सकुंचि पेनदाहाटीं पिस्‍सट, अल्‍हेने मना येसु सामिना पोर्रो विस्वासम कीम्‍टु इंचि नना यहुदिल्कुंक, युनानि लोकुल्‍कुंक गवाइ हीसि वेहुंदुन.

प्रेरितुल्‍कुना कबाह्‍क 22:18

दर्सनमते मननेंकेन नना सामिन हूळतन, अस्‍के, “बिराना तेदसि येरुसलेम सहरताल पेय्सि होन, नावा बारेमते निमे वेहाना गवाइतुन ओर ओप्‍कुन्‍नुर,” इंचि सामि नाकु वेहतोर.

रोम सहरतोरहाटीं पौलुसना सिट्‍टि 16:18

असंटोर मना सामि किरिस्‍तुना सेवा किय्युर, गानि ओरा पीटाहाटीं सेवा कींतुर. ओरा तिय्यटा पोल्‍लेनाहेंदाल सीदा-सादा लोकुल्‍कुन मुळहंतुर.

रोम सहरतोरहाटीं पौलुसना सिट्‍टि 16:25

येसु किरिस्‍तुना बारेमते नना वेहता बेसता कबुर परकारम, पेन मीकुन विस्वासमते इंका गट्‍टिगा किया परांता. इद बेसता कबुर एनकटा कालमताल मर्ममते मत्‍ता. गानि इंदके पेनदा कबुरतोर रासता पुस्‍तकाल्‍कुना हेंदाल मर्ममते मत्‍ता बेसता कबुरतुन बय्यारा कियालय माकु वेहता. अंटोर लोकुल्‍क इद कबुरतुन विस्वासम कीसि, पेनदा पोल्‍लेने ताकाना इंचि पेन आदेस हीता. आ बस्‍केळ्‍क मनना उंदे तेल्‍विगल्‍ला पेनदुन, मनम येसु किरिस्‍तुनाहेंदाल बस्‍केळ्‍क महिमा कीकोम. आमीन.

1 कुरेंति 1:17

बारित्‍ते किरिस्‍तु नाकुन बापतिस्मा हियालय लोहा हिल्‍लोर, गानि बेसता कबुरतुन वेहालय लोहतोर. अदगुडा मनकना बुद्‍दि मत्‍ताप आयो, अल्हा वेहानय्ते किरिस्‍तु क्रुसुनपोर्रो हाता ताकततद अर्तम मन्‍नो.

1 कुरेंति 2:13

माक इव पोल्‍लें मनकना तेल्‍विते कराहतव आयों गानि पेनदा आत्माते कराहतव आंदुं. अवे पोल्‍लेन मीक तेळियागोट्‍सि वेहंतोम.

1 कुरेंति 2:4

नावा वळ्‍कमळ आनि नना वेहता कबुर, नावा तेल्‍विता पोल्‍लेने मनाहिल्‍ले, गानि पेनदा आत्मा आनि ताकतते निंडसि मत्‍ता.

1 कुरेंति 2:7

मोमोट मर्ममते मक्‍किचि मत्‍ता पेनदा तेल्‍वितुन वेहंतोम, अद बूमि पुट्‍टका मुन्‍नेने मावा पेद्‍दातनमहाटीं पेन तयार कीसि इरता.

2 कुरेंति 10:10

बारित्‍ते, “ओर सिट्‍टिने अय्ते मजबुत आनि कडक पोल्‍लें रासंतोर, गानि मेंदुल्ते कमजोर मंतोर, पोल्‍लेंगुडा बेस पेय्‍सों,” इंचि इच्‍चुर इंतुर.

2 कुरेंति 11:6

नना वळ्‍कमळते कमजोर मनिनागानि तेल्‍विते हिल्‍लेन. इदुन मोमोट अन्‍नि पोल्‍लेने, अन्‍नि तीरुकुने मीक हुपिस्‍तोम.

2 तेसलोनि 1:10

बस्के अय्ते येसु सामि मर्रा वायानुर अस्‍के ओना पवित्र लोकुल्‍कुनाहेंदाल महिमा एतंतोर आनि विस्वासम कीतुर अंटोराहेंदाल ओर पेद्‍दातनम दोर्किच्‍कुंतोर. बारित्‍ते मोमोट वेहता गवाइतुन मिमेट विस्वासम कीतिट.

1 तिमोति 1:11

तल्‍सकुननालायक पेनदाहेंदाल वाता महिमामय बेसता कबुरतुन नना कराहना इंचि नाकु अप्पजेपमळ जर्गता.

2 तिमोति 1:8

अदुनहाटीं मना सामिना बारेमते आयि, ओनाहाटीं जेलने मनना नावा बारेमते आयि वेरेतोर्क गवाइ वेहालय बस्‍केने सिग्गु अरमा. दानकु बदुल, बेसता कबुरतुन वेहनाहाटीं पेन हीता बलमते निमे नातोनि तकलिप्क सहन कियालय तयार मन्‍नु.

1 योहान 4:14

दीन मनम हूळतोम आनि मनम दीना साक्‍सि मंतोम, मना पेन बाबल दुनियाता पापाल्क पायिचालय ओना मर्रिन लोहतोर.

पेन हुपिस्‍ता पोल्‍लें 1:2

अस्‍के ओर पेनदा पोल्‍लेता बारेमते, येसु किरिस्‍तुना गवाइता बारेमते आनि ओर हूळता अन्‍नि पोल्‍लेना बारेमते गवाइ वेहतोर.

पेन हुपिस्‍ता पोल्‍लें 1:9

नना योहानुन मीवा दादान आंदुन. येसु बोगांसता तिप्पल्कुने, राज्येमते आनि ओप्के पियमळते मीवातोनि दंटाते मंतन. नना पेनदा पोल्‍ले आनि येसुना बारेमते गवाइ वेहताहाटीं पतमोस इनना दीबेतगा बंद कीसि मंतन.

पेन हुपिस्‍ता पोल्‍लें 19:10

पजा नना आ दूताता काल्क मोळ्‍कालय दाना काल्कुनपोर्रो अरतन अय्ते अद नाकुन, “निमे नाकुन मोळ्‍कमा. ननागुडा नीलेसीं, नीवा दंटाता विस्वासुल्‍कुनलेसीं येसुना बारेमता गवाइ वेहासेके सेवा कियानोने आंदुन. निमे सिराप पेनदुने मोळ्‍का. बारित्‍ते येसुना बारेमता गवाइ इत्‍तेने बविस्यवानिता आत्मा आंदु.”