1 कुरेंति 16:9 - पवित्र पोल्‍ले

⁹ बारित्‍ते, इगे बेसता कबळ कियालय, नाक उंदि पेद्‍दा मोका दोर्कता, इंका विरोद कियानोरगुडा वेल्‍लेटुरे मंतुर.

1 कुरेंति 16:9 Iomraidhean Croise

प्रेरितुल्‍कुना कबाह्‍क 14:27

अगा होत्‍तरित्‍ते, ओर कलिसियातोर्कुन जमा कीसि, पेन ओरा कय्‍दे बल्हा पेद्‍दा-पेद्‍दा कबाह्‍क कीता, वेहतुर. वेरे जातितोर्कुनगुडा विस्वासम कियालय पेन बल्हा हर्रि कीता, इंचि वेहतुर.

1 कुरेंति 15:32

इपीसि सहरतगा, नना केडा जिवरासिनसोंटा मनकालोर्कुना रीतिते लडांचतन, अय्ते बतल पाय्दा आता? हातोर गिंटा तेदाकोंटे, दर्मसास्‍त्रमते रासि मत्‍ताप, “नाळि अय्ते हायानदे मंता, अदुनहाटीं तिनकोम-उनकोम,” इंचि मन्‍नेम.

2 कुरेंति 1:6

मीक सांति आनि मुक्‍ति दोर्कागोम इंचे मोमोट तकलिप बोगांचेके मंतोम. माक सांति दोर्कता इत्‍ते, अद मीवा सांतिताहाटींगे आंद. इदुनहेंदाल बद तकलिपतुन अय्ते मोमोट ओर्सकुत्‍तोम, मिमेटगुडा अदे तकलिपतुन ओप्‍केते ओर्सकुना परांतिर.

2 कुरेंति 2:12

नना बस्के अय्ते किरिस्‍तुना बारेमता बेसता कबुर वेहालय त्रोआस सहरते होत्‍तनो, अस्‍के सामिनाहेंदाल नाकु हर्रि पुटता.

पिलिपिया 3:18

बारित्‍ते वेल्‍लेटुर लोकुल्‍क किरिस्‍तु क्रुसुनपोर्रो हातोर इत्‍ता पोल्‍लेक विरोदमते ताकसेक मंतुर. ओर किरिस्‍तुना क्रुसता पगातोर आंदुर. ओरा बारेमते नना मीकु बच्‍चुंगो मल्कां वेहतन, इंदकेगुडा अळसेके वेहासेक मंतन.

कुलुसि 4:3

नना किरिस्‍तुना मर्ममता पोल्‍ले वेहताहाटीं जेलते मंतन, इदे पोल्‍लेतुन मोमोट अंटोर्क वेहानाहाटीं पेन माकु मोका हिय्यि इंचि मावाहाटींगुडा पारतना कीम्‍टु.

याकोब 5:16

अदुनहाटीं मिमेट वरोना मुन्‍ने वरोर मीवा पापाल्कुन ओप्‍कुंटु, वरोनाहाटीं वरोर पारतना कीम्‍टु, अस्‍के मिमेट बेस आकिट. नीति मनकना पारतनाते वेल्‍लेने ताकत मनंता.