1 कुरेंति 15:4 - पवित्र पोल्‍ले

⁴ बोंदा दोस्तुर, दर्मसास्‍त्रमते रासताप मूडो रोजुने जीवातेगुडा तेदतोर.

1 कुरेंति 15:4 Iomraidhean Croise

मत्‍तयाल 12:40

इत्‍ते योनाल बल्हा नर्का-पिय्यल मूड रोजकु पेद्‍दा जिम्माता पीटा लोप्पो मत्‍तोर, अल्‍हेने मनकना रूपमते पुटतोन नना, नर्का-पिय्यल मूड रोजकु बूमिता पीटा लोप्पो मनंतन.

मत्‍तयाल 16:21

अस्‍केटाल येसु ओना सिस्युल्कुंक इल्‍हा वेहालय दल्‍गतोर. “नाकु येरुसलेम होनापींता. अगा यहुदि पेद्‍दाल्क, पेद्‍दा पेर्मालोर आनि दर्मसास्‍त्रम कराहना गुरुल्कुनाहेंदाल वेल्‍ले तिप्‍पल्‍क कीसि नाकुन हव्कानुर. मूडोव रोजुने नना मर्रा जीवाते तेदंतन,” इत्‍तोर.

मत्‍तयाल 20:19

पजा यहुदि आयवोरा कय्‍दे अप्‍पजेपनुर, ओर नाकुन सिडांच्‍नुर, नापोर्रो उस्कानुर, पोट्‍टेते तन्‍नानुर, पजा नाकुन क्रुसुनपोर्रो मोल्‍लां कोह्कानुर. गानि मूडोव रोजुने नना मर्रा जीवाते तेदंतन,” इंचि इत्‍तोर.

लूकाल 24:26

पेन लोहता पिसागोटना किरिस्‍तु स्वर्गमता महिमाते होळियका मुन्‍ने ओर इवन्‍नि तकलिप बोगांचेपींता,” इंचि इत्‍तोर.

लूकाल 24:46

हीसि ओर्कुन इल्‍हा इत्‍तोर. “दर्मसास्‍त्रमते रासि मत्‍ताप, किरिस्‍तुंक वेल्‍लेन तकलिपकु वासि ओर हायानुर, पजा मूड रोजकुने मर्रा जीवाते तेदानुर इद अदे पोल्‍ले आंद.

लूकाल 9:22

पजा ओर्क इल्‍हा वेहालय दल्‍गतोर. “यहुदि पेद्‍दाल्क, पेद्‍दा पेर्मालोर आनि दर्मसास्‍त्रम कराहना गुरुल्कुनाहेंदाल मनकना रूपमते पुटतोन नाकु तिप्‍पल्‍क अर्रापींता. ओर हय्साकोंटा आसि नाकुन हव्कानुर. गानि मूडोव रोजुने नना मर्रा जीवाते तेदंतन,” इत्‍तोर.

योहान 19:38

अवंता आतंका, अरिमताइ नाटेना योसेप इनानोर, पिलातुसनगा होंचि, “येसुना पीनगुन हीम,” इंचि पूसकीतोर. पिलातुस ओम इत्‍तस्के ओर येसुना पीनगुन ओतोर.

प्रेरितुल्‍कुना कबाह्‍क 1:3

येसु हासोंचि तिरियसि तेदतस्‍के, “नना पिस्सि मंतन,” इंचि प्रेरितुल्कुंक गट्‍टिगा रुजुव कीसि हुपिस्तोर. ओर नल्‍पै रोजकुनदाका ओर्क दिस्सेक, पेनदा राज्येम बारेमते वेहासेक मत्‍तोर.

प्रेरितुल्‍कुना कबाह्‍क 17:31

अद पेर्कुत्‍ता मनकनाहेंदाल, इद दुनियाते मनना हरेक मनकना न्‍यायम नीतिते कियानाहाटीं पेन उंदि रोजुन पिक्‍स कीता. अचोने आयका अद पेर्कुत्‍ता मनकन हातोराव्टेटाल मर्रा जीवा अरहचि अंटोर मनकालोर्कुंक अद हीता पोल्‍लेतुन रुजुव कीता.”

रोम सहरतोरहाटीं पौलुसना सिट्‍टि 6:4

बापतिस्माहेंदाल मनम येसु सामिनतोनि हासि बोंदा दोसताप आतोम. बल्हा अय्ते पेनबाबाना महिमाता ताकतते किरिस्‍तु हामुरताल मर्रा जीवाते तेदतोर, अल्‍हेने मनमगुडा बापतिस्मा एतसि पूना पिस्वरते ताका परांतोम.

कुलुसि 2:12

अचोने आयाका, मिमेट बापतिस्मा एतताहेंका किरिस्‍तुनतोनि बोंदा दोस्‍ताप आतिट. हातोरव्टेटाल ओन जीवाते तेहाता पेनदा सक्‍ति पोर्रो मिमेट विस्वासम इरताहाटीं ओनतोनि जीवातेगुडा तेदतिट.

इब्रि 13:20

सांति हिय्यना पेन दाना विचारम परकारम मिमेट कियालय, मीकु अन्‍नि तीरकुना बेसता पोल्‍लें हिय्यि. येसु किरिस्‍तुनाहेंदाल मीवा पिस्वरते दान्क नच्‍चना पोल्‍लें जर्गिं. किरिस्‍तु येसुना नेत्‍तुरहेंदाल पेन मातोनि बस्‍केळ्‍क मननाहाटीं पूना करारतुन निल्‍हाता. इद पूना करार निल्‍लना इंचि पेन येसुन हामुरताल मर्रा जीवाते तेहाता. इल्‍हा येसु किरिस्‍तु मावा बेस मेहानोर आतोर. मनकालोर अंटोर बस्‍केळ्‍ताहाटीं ओन्‍के कदर हिय्यिर. आमीन.

1 पत्रु 1:11

किरिस्‍तु बल्हा तकलिप वासि हायनुर, दाना पजा बल्हा ओनकु स्वर्गमते कदर दोर्कार इंचि ओरा लोप्पो मनना किरिस्‍तुना आत्मा मुन्‍नेन वेहचि मत्‍ता. गानि इव पोल्‍लें बोना बारेमते, बस्के आयनुं इंचि पेनदा कबुरतोर पहकुंदुर.