1 कुरेंति 15:3 - पवित्र पोल्‍ले

³ अदुनहाटीं अन्‍निंकन्‍ना मुन्‍ने नहगा एवता पोल्‍लेतुने मिहगा एविस्तन. अद बतल इत्‍ते, दर्मसास्‍त्रमता पोल्‍ले मत्‍ताप, किरिस्‍तु मना पापाल्कुनाहाटीं हातोर,

1 कुरेंति 15:3 Iomraidhean Croise

मत्‍तयाल 26:24

दर्मसास्‍त्रमते रासि मत्‍ताप, मनकना रूपमते पुटतोन नना अय्ते दांतने. गानि बोनाहेंदाल अय्ते नाकुन पीसि हियमळ जर्गंता, आ मनकल पुट्‍टाकोंटेन बेस आसि मनवळ,” इत्‍तोर.

मत्‍तयाल 26:28

बारित्‍ते इद पूना करारता नेत्‍तुर आंदु. वेल्‍लेटुर लोकुल्‍कुना पापाल्क मापि कियालय पोंगसेक मंता.

लूकाल 24:25

अस्‍के येसु ओर्कुन, “अरे बुद्‍दि तक्‍को लोकुरिटा, पेनदा कबुरतोर मुन्‍ने वेहचि मत्‍ता पोल्‍लेन मिमेट बस्के नम्मंतिर?

योहान 1:29

इंकुंदि रोजु योहान, येसु ओनाहेके वायनद हूळसि, “अद हुळाट, दुनियातुन पापमता सिक्‍साताल तप्‍सानाहाटीं मोक्‍कु आयाना पेनदा गोर्रे पोरिनसंटोर!

प्रेरितुल्‍कुना कबाह्‍क 17:2

पौलुस ओना अलवट परकारम यहुदिल्कुना दर्मसास्‍त्रम कराहना लोतागा होत्‍तोर. होंचि मूड नोमकेमकुन दाका ओरतोनि दर्मसास्‍त्रमता बारेमते चर्चा कीतोर.

प्रेरितुल्‍कुना कबाह्‍क 3:18

येसु किरिस्‍तुंक तकलिप अर्रापींता इंचि पेन दाना कबुरतोर्कुना हेंदाल मुन्‍नेन वेहचि मत्‍ता, अद इंदके पूरा आता.

प्रेरितुल्‍कुना कबाह्‍क 8:32

ओर आ पुस्तकमते बतल अय्ते हदविसेके मत्‍तोरो अद इल्‍हा मंता: “हव्कालय ओयना गोर्रेतालेसीं ओन ओतुर, गोर्रे दाना मेंदुल्ता बूरातुन कतरिचिनेंके बल्हा सपुडदाका मनंता, अल्‍हेने ओरगुडा सपुडदाका मत्‍तोर, ओना तोळ्‍दाल उंदि पोल्‍लेगुडा पेय्‍सा हिल्‍ले.

रोम सहरतोरहाटीं पौलुसना सिट्‍टि 3:25

मना पापाल्कुना सिक्‍सातगा मोक्‍कु आयालय पेन येसुन लोह्ता. येसु किरिस्‍तु मना पापाल्कुनाहाटीं मोक्‍कु आतोर इंचि मनम विस्वासम कीसि ओप्कुनगोम. दीनहेंदाल येसुनपोर्रो विस्वासम कीतोर्कुन पेन नीतिमंतुल्क कींता. इदवेरदाका बोर अय्ते पापम कीतुरो, ओर्क सिक्‍सा हियाकोंटा पेन ओप्के पीसि मत्‍ता. इल्‍हा अद नीतिमंतुड इंचि हुपिस्‍ता.

रोम सहरतोरहाटीं पौलुसना सिट्‍टि 4:25

मना पापाल्कुनाहाटीं हायालय, पेन येसुन वेरेतोरा कय्‍दे अप्पजेपता, आनि मनम पेनदा मुन्‍ने नीतिमंतुल्क आयालय ओन मर्रा हातोरा लोप्पोटाल जीवाते तेहाता.

1 कुरेंति 11:2

अन्‍नि पोल्‍लेने नाकुन मिमेट मति कीसेक मंतिट, नना मीक कराहचि अप्पजेपता पोल्‍लेने ताकसेके मंतिट, इंचि नना मीकुन तल्‍सकुंचेके मंतन.

1 कुरेंति 11:23

बारित्‍ते, सामिनाहेंदाल इव पोल्‍लें नाक दोर्कतां, अवुन नना मीक अप्पजेपतन. येसु सामिन बद रोज अय्ते पीसि हिय्याना मत्‍ता अद नर्का उंदि हारि एततोर,

2 कुरेंति 5:21

मनम किरिस्‍तुनाहेंदाल पेनदा लोप्पो नीतिमंतुल्क आयागोम इंचि मना बदलाते मना पापाल्कुनाहाटीं पापम कियवा किरिस्‍तु मोक्‍कु आतोर.

गलातिया 1:12

इंका इद नाकु बोर मनकालोरहेंदालगुडा दोर्काहिल्‍ले आनि बोर मनकल नाकु कराह हिल्‍लोर. इदु नाकु कुद्‍दु येसु किरिस्‍ते कुल्‍ला कीसि वेहतोर.

गलातिया 1:4

मनम मनना ई पापि दुनियाताल मनाकुन पिसागोटना इंचि मना पेनबाबाना इच्‍चा मत्‍ता. अदुनहाटीं येसु किरिस्‍तु मनाहाटीं ओना जीवा हीसि पेनबाबाना इच्‍चातुन पूरा कीतोर.

गलातिया 3:13

“मराकु वेलाड वाटता हरेक मनकल सापनेम दल्‍गतोरे,” इंचि दर्मसास्‍त्रमते रासतद मंता. अदुनहाटीं मूसाना नियमहेंका मनाकु दल्‍गता सापनेमतुन किरिस्‍तु कुद्‍दु येतकुत्‍तोर. इल्‍हा किरिस्‍तु सापनेम दल्‍गतोर आसि मनाकुन आ सापनेमताल कापाळतोर.

इपीसि 1:7

किरिस्‍तु ओना सतता नेत्‍तुरतुन पोंगागोटताहेंका मना पापाल्क मापि आसि मनाकु मुक्‍ति दोर्कता. इल्‍हा पेन दाना वेल्‍लेन कुर्पातुन मनापोर्रो कुम्मरिच्‍ता.

इपीसि 5:2

किरिस्‍तु मनाकुन पावरम कीसि मनाहाटीं पेनदा मुन्‍ने मोक्‍कु आसि, पेनदुक नच्‍चना गुगलेमलेसीं ओनद ओर बलि आतोर. अदे पावरमते मिमेटगुडा ताकट.

इब्रि 5:1

हरेक पेद्‍दा पेर्मन, लोकुल्‍क ओरा लोप्पोटाल पेर्रांतुर. लोकुल्‍कुना पापाल्क मापि आयानाहाटीं लोकुल्‍कुनाहेंदाल ओर पेनदुक मोक्‍कुल्क हिय्यना, सेसां वाटाना कबळ कियालय ओन निलाहंतुर.

इब्रि 5:3

अदुनहाटीं ओर लोकुल्‍कुना पापाल्क मापि आयालय मोक्‍कु हीताप, ओना सतता पापाल्कुनाहाटींगुडा मोक्‍कु हियापींता.

1 पत्रु 1:11

किरिस्‍तु बल्हा तकलिप वासि हायनुर, दाना पजा बल्हा ओनकु स्वर्गमते कदर दोर्कार इंचि ओरा लोप्पो मनना किरिस्‍तुना आत्मा मुन्‍नेन वेहचि मत्‍ता. गानि इव पोल्‍लें बोना बारेमते, बस्के आयनुं इंचि पेनदा कबुरतोर पहकुंदुर.

1 पत्रु 2:24

मनम पापाल्कुनाहाटीं हासि होंचि सत्‍तेमताहाटीं पिसागोम इंचि येसु ओना मेंदुल्तुन क्रुस पोर्रो हीतोर. ओर तित्‍ता देब्बाना हेंदाल मना बिमार्क बेस आतां.

1 पत्रु 3:18

बारित्‍ते अंटोरा पापाल्कुनाहाटीं किरिस्‍तु उंदे मल्का हातोर. मनाकुन पेनदागा ओयालय वरोर नीतिमंतुड अनीतिमंतुनाहाटीं हातोर. मेंदुलताल ओन हव्कतुर गानि आत्माते ओन जीवाते तेहमळ जर्गता.

1 योहान 2:2

मना पापाल्क मापि आयाना इंचि ओर मनाहाटीं मोक्‍कु आतोर. ओर सिराप मना पापाल्क मापि आयानाहाटींगे आयो, पूरा दुनियातोरा पापाल्क मापि आयानाहाटीं मोक्‍कु आतोर.