1 कुरेंति 15:2 - पवित्र पोल्‍ले

² नना वेहता बेसता कबुरतुन मिमेट होळसाकोंटा पीसि मत्‍ते पेन मीकुन पिसागोटंता. हिलाकोंटे मीवा विस्वासम कियमळ एर्तम आंता.

1 कुरेंति 15:2 Iomraidhean Croise

लूकाल 8:13

विज्‍जां अरता बंडाना गेर्से जेगातसंटोर बोर इत्‍ते, बोर अय्ते पेनदा पोल्‍लेतुन कुसिते केंजसि दान ओप्‍कुंतुर. गानि ओरा मनसुने पेनदा पोल्‍ले गट्‍टि पळुवाहाटीं, ओर कोन्‍नि रोजके विस्वासमते मनांतुर. पजा पट्‍टु हूळना वेला वातस्के विस्वासमताल ओर लक्‍कु आंतुर.

प्रेरितुल्‍कुना कबाह्‍क 2:47

ओर रोज पेनदा स्‍तुति कियुंदुर, अंटोर ओरतोनि कूस मत्‍तुर. पापमताल मुक्‍ति दोर्कतोर्कुन, सामि विस्‍वासुल्‍कुने कल्‍पुंदुर.

प्रेरितुल्‍कुना कबाह्‍क 8:13

कुद सिमोन इंका नम्मिसि बापतिस्मा एततोर. इल्‍हा ओर पिलिपुस बेके होत्‍ते हेके होंचेके ओनतोने मनालय दल्‍गुतोर. पजा पिलिपुस कियना चिन्‍हां, अद्‍बूताल्‍क हूळसि इचंत्रमते अर्रुंदुर.

रोम सहरतोरहाटीं पौलुसना सिट्‍टि 1:16

विस्वासम कियना अंटोर्कुंक, इत्‍ते मुन्‍ने यहुदिल्कुंक पजा युनानि लोकुल्‍कुंक मुक्‍ति हियालय ई बेसता कबुरते पेनदा ताकत मंता. अदुनहाटीं नना पेनदा बेसता कबुर वेहालय सिग्गु अर्रोन.

रोम सहरतोरहाटीं पौलुसना सिट्‍टि 11:22

नना वेहानद बेस केंजट. मिमेट पेनदा दयातुन, दाना होंगुन बेस एरपाट कीम्‍टु. बोर अय्ते विस्वासमताल पजोळ्क आतुर, ओरापोर्रो पेन होंग हुपिस्‍ता. गानि मिमेट विस्वासमते ताकसेकेन मंतिर इंचि मीवापोर्रो पेनदा दया मंता. हिलाकोंटे मीकुनगुडा कोम्मन नर्किसि पोहताप तेंडसि पोहंता.

1 कुरेंति 1:18

क्रुसता पोल्‍ले वेहमळ इत्‍ते नासडेम आयानोराहाटीं मुर्कतनम आंदु, गानि पेन मनाकुन पिसागोटता, अदुनहाटीं पेनदा पोल्‍ले मनाकु बलम आंदु.

1 कुरेंति 1:21

बारित्‍ते, पेनदा तेल्‍वितुन, दुनियाता लोकुल्‍क ओरा सतता तेल्‍विते पेनदुन एरपाट किया हिल्‍लुर. मोमोट बदाय्ते मुर्कतनमता कबुर वेहंतोमो, अदुना हेंदाल विस्वासम कीतोर्क मुक्‍ति दोर्कना, इदे पेनदुक बेस अनपिच्‍चंता.

1 कुरेंति 11:2

अन्‍नि पोल्‍लेने नाकुन मिमेट मति कीसेक मंतिट, नना मीक कराहचि अप्पजेपता पोल्‍लेने ताकसेके मंतिट, इंचि नना मीकुन तल्‍सकुंचेके मंतन.

1 कुरेंति 15:14

किरिस्‍तु गिंटा जीवाते तेदाकोंटे, मोमोट वेहाना बेसता कबुर एर्तमे, मीवा विस्वासमगुडा एर्तमे आंद.

2 कुरेंति 2:15

बारित्‍ते मुक्‍ति दोर्कानोरा लोप्पो आनि नासडेम आयानोरा लोप्पो मनम पेनदाहाटीं किरिस्‍तुना बेसता गब्‍बु आंदुम.

2 कुरेंति 6:1

मोमोट पेनतोनि कलियसि कबळ कियानोर्कुम आताहाटीं मीक विनंति कीसेक मंतोम, मीक दोर्कता पेनदा कुर्पातुन एर्तम आया हियमटु.

गलातिया 3:4

बेसता कबुरताहेंका मिमेट वेल्‍लेन तिप्‍पल्‍क अरतिर, अदंता एर्तमेना? नना मात्रम ओप्कुन्‍नोन.

इपीसि 2:8

पेन कुर्पा कीताहेंकेन मिमेट किरिस्‍तुनपोर्रो विस्वासम कीतिर. मीवा विस्वासमतुन पीसि मीकु मुक्‍ति दोर्कता. इदंता मीवा कय्‍दाल जर्गतद आयो गानि पेन हीता वरम आंदु.

कुलुसि 1:23

गानि मिमेट विस्वासमते हीके-हेके आयाकुंटा गट्‍टिगा निल्‍सि मंटु, मिमेट केंजता बेसता कबुरता आसेतुन होळ्‍समट. अद बेसता कबुर मब्बुन हिळता अंटोर लोकुल्‍कुंक वेहमळ जर्गसेक मंता. अदे सेवा कियानाहाटीं नना, इत्‍ते पौलुसुन पेनदा सेवक आतन.

2 तेसलोनि 2:15

अदुनहाटीं विस्वासुल्‍कुनिटा! गट्‍टिगा निल्‍सि मंटु, मावा तोळ्‍दाल पेय्सता पोल्‍लेहेंदाल, सिट्‍टिताल बव रीति-रिवाजकु अय्ते मीक कराहतोम अवुन पीसि ताकट.

2 तिमोति 1:9

पेन मनाकुन कापाळसि, दाना पवित्र पोल्‍लेते केयता. इदंता मना कबाह्कुनहेंदाल जर्गाहिल्‍ले गानि सिराप ओना पिलान परकारम आनि ओना कुर्पाहेंकेन जर्गता. ई दया-मायातुन पेनबाबाल मनाकु ई दुनिया पुट्‍टका मुन्‍नेन किरिस्‍तु येसुनाहेंदाल हीतोर.

इब्रि 10:23

मनाकु बद पेन अय्ते पोल्‍ले हीतानो अद विस्वासमगल्‍लद आंद. अदुनहाटीं मनम वेरेतोरा मुन्‍ने ओप्‍कुत्‍ता आसेताल पजोळ्क आयाकोंटा, गट्‍टि दैरनेमते मंदकोम.

इब्रि 2:1

अदुनहाटीं मनम केंजता सत्‍तेम पोल्‍लेनाल लक्‍कु आयामन्‍नि इंचि अवुनहेके मनम बेस लक्‍से हियगोम.

इब्रि 3:14

बारित्‍ते, सुरुवने मनम इर्ता बरोसातुन मना पिस्वरता आकिरदाका गट्‍टिगा पीसि मत्‍तेन, मनम किरिस्‍तुना पालिगाह्क आंतोम.

इब्रि 3:6

गानि पेनदा विस्वासमगल्‍ला मर्रि, किरिस्‍तु, पेनदा पूरा लोतोरा अदिकारि आसि मत्‍तोर. मनमगिंटा मना विस्वासम आनि आसेता बारेमते आकिरदाका इरगा गट्‍टिगा मत्‍ते, मनमगुडा पेनदा लोतोरम आसि मनंतोम.

इब्रि 4:14

अंटोर्कन्‍ना पेद्‍दा पेर्मल, स्वर्गमते होत्‍ता पेनदा मर्रि येसु, मनातोनि मंतोर. अदुनहाटीं अंटोरा मुन्‍ने ओप्‍कुत्‍ता मना विस्वासमतुन मनम गट्‍टिगा पीसि मंदकोम.

याकोब 2:14

नावा विस्वासुल्‍कुनिटा! बोरन्‍नागिंटा नाक विस्वासम मंता इन्कुंचि, विस्वासम परकारम कबळ कियाकोंटे, अद विस्वासम बता पाय्दातद असोंटा विस्वासम ओन पिसागोटा परंतना?

याकोब 2:17

अल्‍हेने विस्वासम मत्‍ताप कबळ हिलाकोंटे, आ विस्वासमगुडा हातापे आंद.

याकोब 2:26

बल्हा अय्ते आत्मा हिल्वा मेंदुल हांतानो, अल्‍हेने कबळ हिल्वा विस्वासमगुडा हातापे.