1 कुरेंति 13:5 - पवित्र पोल्‍ले

⁵ रीति हिल्वा कबाह्‍क किया हिय्यो, नाके पाय्दा गावाले इंचि इना हिय्यो, सिडांचा हिय्यो, बोरन्‍ना तकलिपकु कियाना अदुन मनसुने इर्रा हिय्यो.

1 कुरेंति 13:5 Iomraidhean Croise

मत्‍तयाल 5:22

गानि नना मीकु वेहंतन गदा, बोर अय्ते ओना दंटातोनपोर्रो होंग आंतोर ओर पेनदा कोरटता सिक्‍सालायक आंतोर. अल्‍हेने बोर अय्ते ओना दंटातोना अपमानम कींतोर, ओर पेद्‍दाल्कुना कोरटता सिक्‍सालायक आंतोर. बोरन्‍ना अरे मुर्का इनानय्ते ओन्क देय्याल्क मनना अग्नि गुंडमता सिक्‍सा आयार.

मत्‍तयाल 9:4

ओरा विचाराल्क एरपाट कीसि येसु ओर्कुन इल्‍हा इत्‍तोर, “मी मनसुने मिमेट कराब विचाराल्क बारि कींतिर?

मरकुस 3:5

ओर्क बोर्के जीवा नोय्यो इंचि कन्‍कुंचि येसुंक दुक्‍कम वासि, ओर अंटोरहेके होंगुने हूळतोर. पजा, “नीवा कय मुन्‍नेळ्‍क हहा,” इंचि आ कय वत्‍सोत्‍तोन इत्‍तोर. ओर कय मुन्‍नेळ्‍क हाहतस्‍के ओना कय बेस आता.

लूकाल 7:39

अल्हा कियानद हूळसि, बोर अय्ते येसुन केयतोरो आ परिसि इल्‍हा इन्कुत्‍तोर गदा, “इद अय्ते पापि मुरतळ आंदु! ईर निजमे पेनदा कबुरतोर आसि मत्‍ते, ओन इट्‍टानद बसोंटा मुरतळ आंद इंचि ओन्क तेळियसि मनवळ. पापि मुरतळ इटते मुट्‍टुळ इंचि दान इट्‍टा हियाकोन्‍नेर,” इंचि ओर इनकुत्‍तोर.

1 कुरेंति 10:24

बोरे आयिर ओना पायदातुने हूळा मनि, इंकावरोना पायदातुनगुडा हूळना.

1 कुरेंति 10:33

ननागुडा ओर पिसागोम इंचि, नावा पाय्दा हूळाका, वेल्‍लेटुर लोकुल्‍कुना पाय्दाताहाटीं, अन्‍नि पोल्‍लेने अंटोर्कुन कूस इरंतन. बारित्‍ते ओर्क मुक्‍ति दोर्कगोम.

1 कुरेंति 11:18

बस्के अय्ते मिमेट कलिसियाते जमा आंतिर, अस्‍के मीक वरोनद-वरोंक अर्राका अलग आसेक मंतिट इंचि नना मोदाला केंजतन, इदुन नना नम्मंतनगुडा.

1 कुरेंति 7:36

बोरन्‍नागिंटा, “मना मिय्यटा लेय्यातनम होंचेके मंता, दाना अपमानम आयाका मुन्‍ने मरमिं कियमळ गावाले,” इंचि इनकुनानय्ते मरमिं कीसि हिय्यिरकांटी, अद पापम आयो.

2 कुरेंति 5:19

अद बल्हा इत्‍ते, लोकुल्‍कुना पापाल्क लेक्‍का पिय्याकेन, ओर्कुन किरिस्‍तुना हामुरताहेंदाल दानतोनि कल्‍पता. इल्‍हा कल्‍पना पोल्‍लेतुन लोकुल्‍कुनगा ओयालय माकुन निल्‍हाता.

गलातिया 5:13

गानि विस्वासुल्‍कुनिटा! पेन मीकुन नियमकुना लोप्पोटाल इळबळिस्ता. अदुनहाटीं नना वेहासेक मंतन, मिमेट मीवा पापि विचाराल्कुन पूरा कियालय मीकु विचारम वाताप ताकानायो गानि पावरमते वरोंक-वरोर सहायम कीसेक मंदना.

पिलिपिया 2:21

अंटोर ओर-ओरा कबाह्‍कुने मुळ्‍गिसि मंतुर, येसु किरिस्‍तुना बारेमते विचारम कियानोर बोरे हिल्‍लुर.

पिलिपिया 4:8

विस्वासुल्‍कुनिटा! आकिरते इंकुंदि पोल्‍ले वेहानद मंता. अद बतल इत्‍ते, बव पोल्‍लें अय्ते सत्‍तेम, तल्‍सकुननालायक मंतां, अव पोल्‍लेना बारेमतेन विचारम कीसेक मंटु. इत्‍ते, बरोसालायक पोल्‍लें, कदरलायक पोल्‍लें, नीतिता पोल्‍लें, पवित्र पोल्‍लें, कुसिता पोल्‍लें, सोबांचना पोल्‍लें इवे पोल्‍लेना बारेमते विचारम कीसेके मंटु.

2 तेसलोनि 3:7

मोमोट मीवातोनि मत्‍तस्के लंडु आसि मना हिल्‍लोम, अदुनहाटीं मालेसीं बल्हा ताकाना इंचि मीक कुद एरपाटे मंता.

2 तिमोति 2:10

अदुनहाटींगे नना, किरिस्‍तु येसुना लोप्पो दोर्कना मुक्‍ति पेन पेरतोर्क, बस्‍केळ्‍क मनना दाना महिमातोनि दोर्कना इंचि बच्‍चुं कस्‍टाल्‍क अयना सहन कींतन.

2 तिमोति 4:16

नावा न्‍यायम जर्गनेंके, नना मोट्‍टा मोदाटा जवाब हीतस्के, नावाहेंदाल जवाब हियालय बोरे मना हिल्‍लुर. अंटोर नाकुन होळसि होत्‍तुर. ओर अल्हा कीतदुनहाटीं पेन ओर्कुन लेक्‍का तल्काकोंटेन बेस.

याकोब 1:19

नावा पावरमगल्‍ला विस्वासुल्‍कुनिटा, मिमेट इद पोल्‍ले तेल्‍पिचकुंटु, हरेक मनकल केंजालय बिराना तयार मंदना, वळ्कालय ओप्के मंदना आनि बिराना होंग वायाकोंटा मंदना.