1 कुरेंति 13:3 - पवित्र पोल्‍ले

³ नावा पूरा दनमतुन गिंटा गरिबोर्कुंक तूसि हिय्‍यिना, बेसता कबुर वेहनाहाटीं नावा मेंदुल बोळ्‍सालय हिय्‍यिना, नावा लोप्पो पावरम हिलाकोंटे बतल पाय्दा मन्‍नो.

1 कुरेंति 13:3 Iomraidhean Croise

मत्‍तयाल 23:5

ओर ओरा कबाह्‍क लोकुल्‍क हूळना इंचि कींतुर. पेनदा पोल्‍लेन रासि, तायित्‍कुने निहचि पेद्‍दा-पेद्‍दा दुम्में ओरा दंडा कयकुंक, कप्पर्क दोहकुंतुर. ओरा कपडिना कोंगुल्कु जिल्‍लर-जल्‍लर होळसींतुर. लोकुल्‍क ओर्कुन “सादु” इनागोम इंचि इल्‍हा कींतुर.

लूकाल 18:22

ओर इत्‍तद केंजसि येसु ओन इल्‍हा इत्‍तोर. “इंदकेगुडा निहगा उंदि पोल्‍ले तक्‍को मंता. निहगा बतल अय्ते मंता, अदुनंता पूरा अम्मिसि, गरिबोर्कुंक तूसि हीम. अस्‍के नीकु स्वर्गमते दनम दोर्कार, पजा नहगा वासि ना पज्जो ताका,” इत्‍तोर.

लूकाल 18:28

अस्‍के पत्रु, “हूळा, मोमोट अय्ते लोन-दारा होळसिसि नीवा पज्जो वातोम,” इंचि इत्‍तोर.

लूकाल 19:8

पजा जकय्याल नित्‍तिसि सामिन, “सामि, नावा सम्‍सारमताल सगम गरिबोर्कुंक हींतन, नना बोनना मुळाहचि येततद मत्‍ते, येततादानकन्‍ना नालुं अंताल्‍क एक्‍को मलाहचि हींतन,” इंचि इत्‍तोर.

योहान 12:43

बारित्‍ते, ओराहाटीं पेनदाहेंदाल दोर्कना कदरकन्‍ना, लोकुल्‍कुनहेंदाल दोर्कना कदरे ओर्क एक्‍को पावरम.

योहान 13:37

गानि पत्रु, “इंदके नना नीतोनि बारि वाया पर्रोन सामि? नीवाहाटीं नना नावा जीवा हियालयगुडा तयार मंतन,” इंचि इत्‍तोर.

योहान 15:13

वरोर मनकल ओना दंटागानाहाटीं ओना जीवा हियमळकन्‍ना पेद्‍दा पावरम बद्‍दे आयो.

योहान 6:63

मेंदुल पिस्वर हिया परो, दानकु बतल विलुवा हिल्‍ले. सिराप पेनदा आत्मे पिस्वर हींता. नना वेहना पोल्‍लेंगें आत्मा आनि पिस्वर आंद.

प्रेरितुल्‍कुना कबाह्‍क 21:13

अस्‍के, “इल्‍हा अळसि-अळसि नावा मनसुन कमजोर बारि कीसंतिर? नना येरुसलेम सहरते सिराप दोहांतुर इंचि आयो गानि, येसु सामिना पोरोलहाटीं हायालयगुडा तयार मंतन,” इंचि पौलुस इत्‍तोर.

गलातिया 5:26

इंकावरोर होंगुंक वायाकोंटा, गर्रा कियाकोंटा, कळ्‍क पोत्‍तकोंटा मनम मंदकोम.

पिलिपिया 2:3

सतता पाय्दाताहाटीं आयि, पेद्‍दातनम हुप्‍सालय आयि बदे कबळ कियमट. गानि वेरेतोरा कदर कीसेके मनम कुद्‍दु ओरा मुन्‍ने सिन्‍नोड आसि मनना.

1 तिमोति 4:8

बारित्‍ते मेंदुलताहाटीं कियना टेरनिंगते गोडच्‍चेन पायदा मंता. गानि पेनदा बक्‍ति कीते, अव्टे अन्‍नि तीरकुना पायदा मंता. इंदकेटा पिस्वर आनि मुन्‍नेटा पिस्वरहाटीं पेन हीता पोल्‍ले अव्टे कलियसि मंता.

इब्रि 13:9

अदुनहाटीं, वेरेतोर वासि कराहना रका-रकाल्कुना बोदां केंजसि मिमेट गयबेत आयमट. बोनके बतल पायदा वायवा, तिंदाना नियमकुन पीसि तनलाळसेक मत्‍ते मना मनसुंकु ताकत दोर्को, गानि पेनदा कुर्पातेन मनसुंकु ताकत वांता.