1 कुरेंति 13:2 - पवित्र पोल्‍ले

² नाक गिंटा बविस्यवानि वेहना वरम मनना, अन्‍नि मर्माल्‍कु आनि तेल्‍विता पोल्‍लें तेळियना, गुट्‍टान जर्पनच्‍चो पूरा विस्वासम मनना गानि नावा लोप्पो पावरम हिलाकोंटे नना बतले कबळतोन आयोन.

1 कुरेंति 13:2 Iomraidhean Croise

मत्‍तयाल 13:11

येसु अस्‍के ओर्कु इल्‍हा वेहतोर. “मीक अय्ते स्वर्ग राज्येमता बारेमता मर्ममतुन एरपाट कीकुनालय बुद्‍दि मंता, गानि ओर्कु हिल्‍ले.

मत्‍तयाल 17:20

अस्‍के येसु ओर्कु इल्‍हा वेहतोर. “मीवद पेनदापोर्रो गट्‍टिगा विस्वासम हिल्‍ले. नना मीकु निजम वेहांतन, ओक्‍कला मीलोप्‍पो आवाल्‍कुना पेळेतच्‍चो विस्वासम मनिनागानि, ‘ई गुट्‍टातुन इग्‍गेटाल अगा होन’ इंचि मिमेट वेहानय्ते अद होंदार. अस्‍के मिमेट अन्‍नि कबाह्‍क किया परांतिर.

मत्‍तयाल 21:19

अस्‍के हर्दा पक्‍काते उंदि अंजिर मरातुन हूळसि आ मरातगा होत्‍तोर. गानि आ मराकु आकिं तप्‍पा बतांगे मनाहिल्‍लें. अस्‍के, “इंका नीकु बस्‍केने कायां हादा मन्‍नि,” इंचि येसु आ मरातुन इत्‍तोर. अल्हा इत्‍ता इन्‍मळे आ मरा वतसि होत्‍ता.

मत्‍तयाल 21:21

अस्‍के येसु ओर्कु इल्‍हा जवाब हीतोर. “नना मीकु निजम वेहांतन, ओक्‍कला मीकु बतले अनमानम हिलाकोंटा पेनदापोर्रो विस्वासम मनानय्ते, नना बल्हा अंजिर मरातुन कीतनो अल्हा मिमेटगुडा किया परांतिर. अचोने आयो इद गुट्‍टातुन, ‘इग्‍गेटाल तेदसि समुद्रमते होंचि अर्रा,’ इंचि इनानय्ते, अद होंचि समुद्रमते अर्रंता.

प्रेरितुल्‍कुना कबाह्‍क 13:1

अंताकिया सहरता कलिसियातोरव्टे इच्‍चुर पेनदा कबुरतोर आनि कराहनोर मत्‍तुर. ओर बोर इत्‍ते, बरनाबास, सिमोन ईन निगर (इत्‍ते कर्रेटोर) गुडा इनुंदुर, कुरेनि सहरता लुकियुस, साऊल, गालिल एरियाता राजाल हेरोद अंतिपासुनतोनि बेर्सता मनाहेम ईर आंदुर.

रोम सहरतोरहाटीं पौलुसना सिट्‍टि 11:25

विस्वासुल्‍कुनिटा, “मोमोटे तेल्विगल्‍लोरम” इंचि मिमेट पोंगामन्‍नि. अदुनहाटीं इस्राएलतोरा बारेमता उंदि मर्मम मीकु वेहना इनकुत्‍तन. अद बतल इत्‍ते, पेनदा विचारम परकारम, यहुदि आयवोर बचटुर लोकुल्‍क अय्ते विस्वासमते वायनद मंता ओर अंटोर किरिस्‍तुनपोर्रो विस्वासम कियनदाका इस्राएलता इच्‍चुर लोकुल्‍क पेनदा पोल्‍ले केंजाकोंटा गळसु आसि मनानुर.

रोम सहरतोरहाटीं पौलुसना सिट्‍टि 15:14

विस्वासुल्‍कुनिटा! मीलोप्‍पो वेल्‍ले बेसतनम आनि तेल्वि मंता. अदुनहाटीं मिमेट वरोंक-वरोर बुद्‍दि वेहकुना परांतिर इंचि नाक पुरागा बरोसा मंता.

रोम सहरतोरहाटीं पौलुसना सिट्‍टि 16:25

येसु किरिस्‍तुना बारेमते नना वेहता बेसता कबुर परकारम, पेन मीकुन विस्वासमते इंका गट्‍टिगा किया परांता. इद बेसता कबुर एनकटा कालमताल मर्ममते मत्‍ता. गानि इंदके पेनदा कबुरतोर रासता पुस्‍तकाल्‍कुना हेंदाल मर्ममते मत्‍ता बेसता कबुरतुन बय्यारा कियालय माकु वेहता. अंटोर लोकुल्‍क इद कबुरतुन विस्वासम कीसि, पेनदा पोल्‍लेने ताकाना इंचि पेन आदेस हीता. आ बस्‍केळ्‍क मनना उंदे तेल्‍विगल्‍ला पेनदुन, मनम येसु किरिस्‍तुनाहेंदाल बस्‍केळ्‍क महिमा कीकोम. आमीन.

1 कुरेंति 11:4

बोरन्‍ना मांडसा पारतना कियानेंके, हिलाकोंटे बविस्यवानि कियानेंके तल्‍लातुन मुच्‍कुनानय्‍ते ओर तल्‍लातुन अपमानम कींतोर.

1 कुरेंति 12:28

कलिसियाता लोप्पो पेन मोदाला प्रेरितुल्कुन, ओरा पज्जो पेनदा कबुरतोर्कुन, ओरा पज्जो पेनदा पोल्‍लें कराहनोर्कुन, ओरा पज्जो अद्‍बूतामाता कबाह्‍क कियानोर्कुन, ओरा पज्जो बिमार्कुन बेस कियानोर्कुन, ओरा पज्जो सहायम कियानोर्कुन, राज्येम ताकसानोर्कुन आनि वेरे-वेरे बासां वळ्कानोर्कुन निलाहता.

1 कुरेंति 13:1

नना मनकालोर्क आनि पेनदा दूतां वळ्कना बासां वळ्कतेगुडा, नावा लोप्पो पावरम हिलाकोंटे, नना टंग-टंग इनना इत्‍तोळतसंटोन हिलाकोंटे गल-गल इनना गज्जेनसंटोन आंदुन.

1 कुरेंति 13:3

नावा पूरा दनमतुन गिंटा गरिबोर्कुंक तूसि हिय्‍यिना, बेसता कबुर वेहनाहाटीं नावा मेंदुल बोळ्‍सालय हिय्‍यिना, नावा लोप्पो पावरम हिलाकोंटे बतल पाय्दा मन्‍नो.

1 कुरेंति 13:8

पावरम बस्‍केने मारो. गानि बविस्यवानि वेहना वरम मारंता, वेरे-वेरे बासां वळ्कना वरम आगसि दांता, मर्मम तेल्‍पिचकुनना तेल्वि मत्‍ते अदगुडा कबळ किय्‍यो.

1 कुरेंति 14:29

पेनदा कबुरतोर इव्वुर हिलाकोंटे मुव्वुरे वेहिर, कळमतोर वेहता पोल्‍लेन परिक्‍सा कीसि हूळिर.

1 कुरेंति 14:39

अदुनहाटीं विस्वासुल्‍कुनिटा! बविस्यवानि वेहालय तयार मंटु, वेरे बासाते वेहते ओन आपमटु.

1 कुरेंति 14:4

वेरे-वेरे बासाते वळ्कानोर, ओनदे बक्‍तितुन बेर्सागोटंतोर. गानि बविस्यवानि वेहानोर, कलिसियातोरा बक्‍तितुन बेर्सागोटंतोर.

1 कुरेंति 15:51

केंजाट, नना मीक मर्ममता पोल्‍ले वेहसेक मंतन. अद बतल इत्‍ते, मनम अंटोरम हायोम, गानि मना रूपम मारियंता.

1 कुरेंति 16:22

बोरन्‍नागिंटा सामिन पावरम कियाकोंटा मत्‍ते, ओन्क सापनेम दल्‍गि. “मारानाता” इत्‍ते, मा सामि वा.

1 कुरेंति 4:1

अदुनहाटीं मोमोट किरिस्‍तुना सेवाकुल्‍कुम आनि पेनदा मर्ममता देकरेक कियानोरम आंदुम इंचि मीक तेळियमळ गावाले.

1 कुरेंति 7:19

कतना कियाना, कियाकुन्‍ना बतल आयो, गानि पेनदा आदेसते ताकमळे पेद्‍दा पोल्‍ले आंद.

1 कुरेंति 8:4

अदुनहाटीं बोम्मनगा मोळ्कता उपारमतुन तिनना बारेमते नना मीक वेहंतन, दुनियाते मनना बोम्माने पेन हिल्‍ले. पेन उंदे मंता, अद आयाका इंका वेरे पेन हिल्‍ले.

2 कुरेंति 12:11

मीवा बल्‍मितेन नना मुर्कनलेसीं पेद्‍दिरकेम कीसेक मंतन. नना कदरलायक हिल्‍लेन आयावच्‍चु, गानि पेद्‍दा-पेद्‍दा प्रेरितुल्‍कुंकन्‍ना बदे पोल्‍लेते तक्‍को हिल्‍लेन, अदुनहाटीं मिमेट नावा पेद्‍दिरकेम किया मत्‍तिर.

गलातिया 5:16

नना वेहानद बतल इत्‍ते, पेनदा आत्मा मीकुन ताकिस्ताप ताकट, अल्हा ताकते मीवा मनसुना पापि विचाराल्कुनाल लक्‍कु मनांतिर.

गलातिया 5:22

पेनदा आत्माता कबाह्‍क इल्‍हा मंतां: पावरम कियमळ, कुसिते मनमळ, सांतिते मनमळ, ओप्के पीसि मनमळ, दया कियमळ, मंचितनम, इमानदारते मनमळ, मेत्‍तगा मनमळ, बसोंटा परिक्‍सा वायिनागानि अव्टे अर्राकोंटा सततुन आपकुनमळ.

गलातिया 6:3

बारित्‍ते, बोरे आयिर पेद्‍दातनम हिलाकुना गानि पेद्‍दातनम हुप्‍संतुर, असंटोर ओरद-ओरे पसांचकुंचेके मंतुर.

इपीसि 3:4

अदुन मिमेट हदुवकिर अस्‍के किरिस्‍तुना बारेमता आ मर्ममता पोल्‍लें नाक बल्हा तेळियतां इंचि मिमेट एरपाट कीकिट.

इपीसि 6:19

इंका नना बस्के-बस्के अय्ते पेनदा पोल्‍लें कराहलय तोड्‍डि तेहांतन, अस्‍के-अस्‍के नाकुंदि बेसता कबुर दोर्कालय नावाहाटींगुडा पारतना कीम्‍टु. दीनहेंदाल नना पेनदा बेसता कबुरते मत्‍ता मर्ममतुन वेरियाकोंटा वेरेतोर्क वेहा परकन.

1 तिमोति 3:16

मना बक्‍तिता सत्‍तेमता मर्मम वेल्‍लेन पेद्‍देद, इव्टे बतले अनमानम हिल्‍ले: किरिस्‍तु मनकना रूपमते पुटतोर, ओनगा बतले दोसेम हिल्‍ले इंचि पवित्र आत्मा वेहता, पेनदा दूतांक ओर दिसतोर, ओना बारेमते दुनियाता अन्‍नि देसेल्‍कुना लोकुल्‍कुंक प्रचार कियमळ जर्गता, दुनियातोर ओनपोर्रो विस्वासम इरतुर आनि पेनदा कदरते ओन मर्रा स्वर्गमते तेहामळ जर्गता.

1 योहान 4:8

पेन पावरम आंद. अदुनहाटीं बोर अय्ते पेनदुन पावरम किय्योर, ओर पेनदुन एरपाट किय्योर.