1 कुरेंति 12:9 - पवित्र पोल्‍ले

⁹ अदे आत्माताहेंदाल वरोर विस्वासमते गट्‍टिगा मनंतोर, अदे आत्माताहेंदाल इंकावरोंक बिमार्क बेस कियाना वरम हियमळ जर्गंता.

1 कुरेंति 12:9 Iomraidhean Croise

मत्‍तयाल 10:8

रोगाल्‍कुन बेस कीम्‍टु, हातोर्कुंक जीवा अरहट, कुस्‍टरोगम आतोर्कुन बेस कीम्‍टु, देय्याल्कुन गेदमिसिम्टु. मीकु ई हक्‍कु पुक्‍कटते दोर्कुता इंचि मिमेट इंका इसोंटा सेवा पुक्‍कटते कीम्‍टु.

मत्‍तयाल 21:21

अस्‍के येसु ओर्कु इल्‍हा जवाब हीतोर. “नना मीकु निजम वेहांतन, ओक्‍कला मीकु बतले अनमानम हिलाकोंटा पेनदापोर्रो विस्वासम मनानय्ते, नना बल्हा अंजिर मरातुन कीतनो अल्हा मिमेटगुडा किया परांतिर. अचोने आयो इद गुट्‍टातुन, ‘इग्‍गेटाल तेदसि समुद्रमते होंचि अर्रा,’ इंचि इनानय्ते, अद होंचि समुद्रमते अर्रंता.

मरकुस 16:18

तरासकुन पियानुर, बदे विसम वस्तु उनिनागानि ओर्क बतल आयो, बिमार्क मत्‍तुरा पोर्रो ओरा कय्‍क इरते, ओर बेस आयानुर,” इंचि वेहतोर.

मरकुस 6:13

देय्याल्क पीतोरगटाल बच्‍चुंगो देय्याल्कुन गेदुमतुर. बिमारते मत्‍तोर्कुन निय होकसि बेस कीतुर.

लूकाल 10:9

अगाटा बिमारतोर्कुन बेस कीसि, ‘पेनदा राज्येम दग्गेर्क एव्ता’ इंचि ओर्क वेहाट.

लूकाल 9:2

पजा येसु ओर्कुन, पेनदा राज्येम बारेमते बेसता कबुर वेहालय, बिमार मत्‍तोर्कुन बेस कियालय लोहतोर.

प्रेरितुल्‍कुना कबाह्‍क 10:38

नासरेत नाटेना येसुन पेन पवित्र आत्मातोनि अबिसेकम कीसि अद्‍बूतामाता ताकत हीता. पेन ओनतोनि मत्‍ताहेंका, ओर अंटोराहाटीं बेसता कबाह्‍क कियुंदुर, देय्याल्कुना मुक्‍याना कय्‍दा हिळु मत्‍तोर्कुन बेस कीसेके तिरियुंदुर, इद मीकु एरके.

प्रेरितुल्‍कुना कबाह्‍क 5:15

प्रेरितुल्कुना कबाह्‍कुन हूळसि लोकुल्‍क बिमार मत्‍तोर्कुन कटुल्‍कुने, केत्‍तिने पत्रु होनना हर्दागा तच्‍चि इर्रुंदुर. पत्रु होननेंके ओना नीडाय्‍ना बिमारतोरा पोर्रो अरते ओर बेस आयनुर इंचि लोकुल्‍कुना आसे मनुंदु.

1 कुरेंति 12:28

कलिसियाता लोप्पो पेन मोदाला प्रेरितुल्कुन, ओरा पज्जो पेनदा कबुरतोर्कुन, ओरा पज्जो पेनदा पोल्‍लें कराहनोर्कुन, ओरा पज्जो अद्‍बूतामाता कबाह्‍क कियानोर्कुन, ओरा पज्जो बिमार्कुन बेस कियानोर्कुन, ओरा पज्जो सहायम कियानोर्कुन, राज्येम ताकसानोर्कुन आनि वेरे-वेरे बासां वळ्कानोर्कुन निलाहता.

1 कुरेंति 12:30

अंटोर्क बिमार्क बेस कियाना वरम दोर्काहिल्‍ले, अंटोर वेरे-वेरे बासां वळ्कानोर आयुर, अंटोर अव पोल्‍लेना अर्तम वेहा पर्रुर,

1 कुरेंति 13:2

नाक गिंटा बविस्यवानि वेहना वरम मनना, अन्‍नि मर्माल्‍कु आनि तेल्‍विता पोल्‍लें तेळियना, गुट्‍टान जर्पनच्‍चो पूरा विस्वासम मनना गानि नावा लोप्पो पावरम हिलाकोंटे नना बतले कबळतोन आयोन.

2 कुरेंति 4:13

दर्मसास्‍त्रमते, “नना विस्वासम कीतन, अदुनहाटीं वळ्‍कतन” इंचि रासि मत्‍ताप मोमोट विस्वासम कीतोम, अदे विस्वासमता आत्मा मावा लोप्पो मंता इंचि मोमोट वळ्‍कतोम. बारित्‍ते अदे विस्वासमता आत्मा मावा लोप्पो मंता.

इपीसि 2:8

पेन कुर्पा कीताहेंकेन मिमेट किरिस्‍तुनपोर्रो विस्वासम कीतिर. मीवा विस्वासमतुन पीसि मीकु मुक्‍ति दोर्कता. इदंता मीवा कय्‍दाल जर्गतद आयो गानि पेन हीता वरम आंदु.

इब्रि 11:33

विस्वासमहेंदाले इरव्टेटाल इच्‍चुर लोकुल्‍क राज्येल्‍क गेल्सतुर, इच्‍चुर लोकुल्‍क सत्‍तेम कबाह्‍क कीतुर, इच्‍चुर लोकुल्‍क, पेन हींतन इंचि पोल्‍ले हीतदुन दोर्किच्‍कुत्‍तुर, इच्‍चुर लोकुल्‍क सिंहाना कतराताल पलाते अरतुर.