1 कुरेंति 12:3 - पवित्र पोल्‍ले

³ अदुनहाटीं पेनदा आत्माते वळ्कानोर बोरे आयिर, “येसु सापनेम दल्‍गतोर आंदुर,” इंचि इन्‍नुर. अल्‍हेने पवित्र आत्माते ताकवोर बोरे आयिर, “येसु सामि आंदुर,” इंचि इन्‍नुर.

1 कुरेंति 12:3 Iomraidhean Croise

मत्‍तयाल 22:43

अस्‍के येसु ओर्कुन इल्‍हा इत्‍तोर. “अय्ते, दाविद पवित्र आत्माते निंडसि इल्‍हा इत्‍तोर. सामि नावा सामिन इत्‍तोर, बदवेरदाका अय्ते नीवा पगातोर्कुन नीवा काल्कुनगा तायोन, अदवेरदाका नावा तिना बाजुंक उद्‍दिसि मन.

मरकुस 9:39

अस्‍के येसु ओन इल्‍हा इत्‍तोर. “बोर अय्ते ना पोरोलते अद्‍बूतामाता कबाह्‍क कींतोरो, ओर नावा विरोदमते बिराना कराब वळ्का पर्रोर, अदुनहाटीं ओन आपमट.

योहान 13:13

मिमेट नाकुन गुरु, सामि इंचि केयंतिर. नना गुरु, सामिन आंदुन, अदुनहाटीं मिमेट इनानद बरोबरे. नना गुरुन, सामिन आसिगुडा मीवा काल्क नोरतन. अय्ते मिमेटगुडा वरोना काल्क वरोर नोरसेके सेवा कियना. नना मीकु निजम-निजम वेहासेक, वरोर दासि मनकल ओना मालकुंकन्‍ना पेद्‍दा आयोर. अल्हेन वरोर कबुरतोर ओन लोहतोनकन्‍ना पेद्‍दा आयोर. नना बल्हा अय्ते कीतनो, अल्हेन मिमेटगुडा कियना इंचि, इद उंदि उदाहरन हुपिस्तन.

योहान 15:26

गानि बाबानाहेंदाल नना लोहना सहायम कियानोर, इत्‍ते बाबानगटाल वायना सत्‍तेम आत्मा, बस्के अय्ते मिहगा वायार. अद मीकु नावा बारेमते गवाइ वेहंता.

प्रेरितुल्‍कुना कबाह्‍क 8:37

(निमे गिंटा मनसुनाल पुरागा विस्वासम कियानय्ते बापतिस्मा एता परांतिन, इंचि पिलिपुस वेहतस्के, ओर हां, येसु सामिए पेनदा मर्रि आंदुर इंचि नना विस्वासम कींतन, इंचि जवाब हीतोर.)

रोम सहरतोरहाटीं पौलुसना सिट्‍टि 10:9

अद बल्हा इत्‍ते, नीवा पिस्वरते, येसुए नावा सामि इंचि निमे तोळ्‍दाल ओप्‍कुंचि, ‘ओन पेन हातोरव्टेटाल मर्रा जीवाते तेहता,’ इंचि निमे नीवा मनसुनाल विस्वासम कीते, पेन नीकु मुक्‍ति हींता.

1 कुरेंति 16:22

बोरन्‍नागिंटा सामिन पावरम कियाकोंटा मत्‍ते, ओन्क सापनेम दल्‍गि. “मारानाता” इत्‍ते, मा सामि वा.

2 कुरेंति 11:4

बारित्‍ते बोरन्‍नागिंटा मिहगा वासि, मोमोट वेहवासोंटा वेरे येसुना पोल्‍ले मीक वेहते, हिलाकोंटे बदन्‍ना मुन्‍ने मिहगा हिल्‍वसोंटा आत्मा दोर्कते, हिलाकोंटे इंका बदन्‍ना मुन्‍ने मिमेट ओप्‍कुन्‍वसोंटा बेसता कबुर वाते, अदुन मिमेट कुसिते ओप्‍कुंतिर.

2 कुरेंति 3:5

मावद मोमोटे बदाना पोल्‍लेता विचारम कियानालायक हिल्‍लोम, गानि इवुन कियाना बलम पेने माकु हीसेक मंता.

गलातिया 3:13

“मराकु वेलाड वाटता हरेक मनकल सापनेम दल्‍गतोरे,” इंचि दर्मसास्‍त्रमते रासतद मंता. अदुनहाटीं मूसाना नियमहेंका मनाकु दल्‍गता सापनेमतुन किरिस्‍तु कुद्‍दु येतकुत्‍तोर. इल्‍हा किरिस्‍तु सापनेम दल्‍गतोर आसि मनाकुन आ सापनेमताल कापाळतोर.

पेन हुपिस्‍ता पोल्‍लें 1:10

सामिना रोजुननाड, इत्‍ते अय्तारम, नना पवित्र आत्माते निंडिस मत्‍तन. नावा पज्जो तूताकोमता आवाजनसोंटा पेद्‍दा आवाज केंजावाता.