1 कुरेंति 1:8 - पवित्र पोल्‍ले

⁸ सामि येसु किरिस्‍तु मर्रा वायाना रोजुने मिमेट दोसेम हिलाकोंटा मंदना इंचि पेन मीकुन आकिरदाका गट्‍टिगा इर्रंता.

1 कुरेंति 1:8 Iomraidhean Croise

लूकाल 17:24

बारित्‍ते मब्बुने उंदि बाजुंक मेरस्‍ते इंकुंदि बाजुंक बल्हा वेलगु अर्रंतनो, मनकना रूपमते पुटतोन नना वायानस्‍केगुडा अल्हे आयार.

लूकाल 17:30

अय्ते मनकना रूपमते पुटतोन नना वायाना रोजुनेगुडा अल्हे आयार.

रोम सहरतोरहाटीं पौलुसना सिट्‍टि 14:4

इंकावरोना जीतागान हूळसि, “निमे बेस कबळ कीसंतिना हिल्‍लेना” इंचि वेहानद मीकु अव्‍सरम हिल्‍ले. अद कबटा लेक्‍का ओना मालके हूळांतोर. पेन दाना मनकालोर्कुन गट्‍टिगा निल्‍हा परांता, अदुनहाटीं असोंटा विस्वासुल्‍क गट्‍टिगेन निल्‍लंतुर.

रोम सहरतोरहाटीं पौलुसना सिट्‍टि 16:25

येसु किरिस्‍तुना बारेमते नना वेहता बेसता कबुर परकारम, पेन मीकुन विस्वासमते इंका गट्‍टिगा किया परांता. इद बेसता कबुर एनकटा कालमताल मर्ममते मत्‍ता. गानि इंदके पेनदा कबुरतोर रासता पुस्‍तकाल्‍कुना हेंदाल मर्ममते मत्‍ता बेसता कबुरतुन बय्यारा कियालय माकु वेहता. अंटोर लोकुल्‍क इद कबुरतुन विस्वासम कीसि, पेनदा पोल्‍लेने ताकाना इंचि पेन आदेस हीता. आ बस्‍केळ्‍क मनना उंदे तेल्‍विगल्‍ला पेनदुन, मनम येसु किरिस्‍तुनाहेंदाल बस्‍केळ्‍क महिमा कीकोम. आमीन.

रोम सहरतोरहाटीं पौलुसना सिट्‍टि 8:19

पेन दाना मर्क-मियाह्कुंक हीता कदरतुन बस्के हुप्‍सार इंचि अद पुट्‍टिस्‍तव अन्‍निटवे वेल्‍लेन आसेते एदुर हूळसेक मंतां.

1 कुरेंति 3:13

किरिस्‍तु मर्रा वायाना रोजुने अंटोरा कबळ दिसंता. बारित्‍ते अद रोज ओर तळमितोनि वांतोर, बोर बतल कबळ कीतोर इंचि तळमिते परिक्‍सा कियमळ जर्गंता.

1 कुरेंति 5:5

असोंटा तप्‍पुड कबळ कियानोना मेंदुल्तुन नासडेम कियालय पेद्‍दा देय्यमता कय्‍दे अप्पजेप्पना. बारित्‍ते, ओक्‍कला ओर पस्‍चातापम कियानय्ते, सामि वायाना रोजुने ओना आत्मा पिस्सार.

2 कुरेंति 1:13

मिमेट हदविते मीक, तेळियाना पोल्‍लेंगे मोमोट रासेक मंतोम, अव आयाका वेरे बवे पोल्‍लें मीक रासेक हिल्‍लोम. आनि आकिरदाका मिमेट अवुन कबुल कींतिर इंचि नाक आसे मंता. अचोने आयाका सामि येसु वायाना रोजुने मोमोट मीपोर्रो पेद्‍दिरकेम कीताप, मिमेटगुडा मापोर्रो पेद्‍दिरकेम कीकिट.

2 कुरेंति 1:21

मीवातोनि अबिसेकम कीसि, किरिस्‍तुनलोप्‍पो गट्‍टिगा निलाहनोर पेने आंदु.

इपीसि 5:27

अस्‍के अद पवित्र आनि दोसेम हिलाकोंटा आंता. पजा दान बदे कसुरता डाग हिलुवा, पापमता मच्‍चा हिलुवा इंका बदे तप्‍पु हिलुवा जगाजगा मेर्सना कलिसिया कीसि, ओना दग्‍गेरा निल्‍हाकुंतोर.

पिलिपिया 1:10

दीनहेंदाल मिमेट मंचि-सेड्‍डातुन एरपाट कीसि बेस पिस्वर पिसकिट. अस्‍के किरिस्‍तु वातस्के मिमेट अंटोरगुडा ओना मुन्‍ने नीतिमंतुल्क आनि दोसेम हिलवोर आसि निलकिट.

पिलिपिया 1:6

मीवा नड्‍डुम इच्‍चोन बेसता कबळतुन पेने सुरुव कीता. इद कबळ पुरागा आयनदाका, इत्‍ते येसु किरिस्‍तु मर्रा तिरियसि वायना रोजुनदाका पेने इद कबाटुन ताकिच्‍चेक इर्रंता इंचि नाकु पुरागा बरोसा मंता.

कुलुसि 1:22

इंदके मीकुन पेनदा मुन्‍ने पवित्र, डाग हिलाकोंटा, दोसेम हिलाकोंटा निल्‍हागोम इंचि ओर ओना हामुरहेंदाल मीवा मेंदुल्ता हव्‍वितुन ओना मेंदुल्ते कल्‍पकुत्‍तोर.

कुलुसि 2:7

मराता हिह्‍कुनलेसीं मिमेट किरिस्‍तुनलोप्‍पो होळियसि होंटु, बेर्स्‍सेके होंटु. मीक कराहतालेसीं विस्वासमते गट्‍टिगा आसेके होंटु, बस्‍केळ्‍क पेनदुक दन्यवाद कीसेके मंटु.

1 तेसलोनि 3:13

बस्के अय्ते मना सामि येसु ओना अंटोर पवित्र लोकुल्‍कुनतोनि वांतोरो, अस्‍के मनम पेनबाबाना मुन्‍ने पवित्रते दोसेम हिलाकोंटा मनालय मना मनसुकुन गट्‍टिगा कियिरकांटी, आमीन.

1 तेसलोनि 5:2

बारित्‍ते नर्कटा वेलाते दोंगल बल्हा अचानक वांतोर, अल्‍हेने सामि वायाना रोजुगुडा मनंता इंचि मीकु एरपाटे.

2 तेसलोनि 2:2

अद बतल इत्‍ते, सामि मल्सि वायाना रोजु वाता इंचि मिमेट आत्माताहेंदाल आयि, पोल्‍लेताहेंदाल आयि, मावाहेंदाले सिट्‍टि वाता इत्‍ताप आयि मीक केंजा वाते, मीवा मनसुन हीके-हेके आया हियमटु, वेरियमट.

2 तेसलोनि 3:3

गानि सामि विस्वासमगल्‍लोड आंदुर; ओर मीकुन देय्यमता कयदाल कापाळसि गट्‍टिगा निलाहंतोर.

2 तिमोति 1:12

इदुनाहाटींगे नना इद जेलते तकलिप्क बोगांचेक मंतन. अय्नागानि नना सिग्गु अर्रोन. बारित्‍ते नना बोनपोर्रो विस्वासम इरतन ओर नाकु एर्के. इंका ओर नाकु बतल अय्ते अप्पजेपतोरो अदुन, मल्सि वायाना आ रोजु वायनदाका कापाळा परांतोर इंचि नाकु बरोसा मंता.

2 तिमोति 1:18

नना इपीसि सहरते मननेंके, ओर नाकु वेल्‍लेन रकाल्कुना सहायम कीतोर नीकु अय्ते बेस तेळियसि मंता. सामिना मल्सि वायाना आ रोजुने, ओनपोर्रो दया हुप्‍सालय पेन सहायम किय्यि इंचि नना कोरसेक मंतन.

1 पत्रु 5:10

अन्‍नि तीरकुना कुर्पा कियाना पेन मीकुन किरिस्‍तुना लोप्पो दाना बस्‍केळ्‍क मनना पेद्‍दातनमहाटीं केयता. मिमेट कोन्‍नि रोजकु तकलिपकु बोगांचतंका अदे पेन मीकुन दानलायक कींता, मीकु बलम हीसि निलाहंता.

2 पत्रु 3:10

गानि सामि मल्सि वायाना रोजु दोंगानलेसीं वांता. अस्‍के मब्बु पेद्‍दा आवाजतोनि दिसाकोंटा आंता. मब्बुने मनानव अन्‍नि तळमिते कर्गिस दांतां आनि बूमि, बूमिपोर्रो मत्‍तव अन्‍नि वेसि दांतां.

2 पत्रु 3:14

अदुनहाटीं पावरमगल्‍लोरिटा, मिमेट इवुनाहाटीं एदुर हूळसेक मंतिट, अय्ते पेनदा मुन्‍ने सांतिते, डाग हिलाकोंटा, दोसेम हिलाकोंटा मनालय कोसिस कीम्‍टु.