1 कुरेंति 1:1 - पवित्र पोल्‍ले

¹ नना पौलुसुन, किरिस्‍तु येसुना प्रेरित आयालय पेन नाकुन दाना मनसुनाल केयता. नावा आनि सोस्‍तिनेस दादानाहेंदाल जोहर.

1 कुरेंति 1:1 Iomraidhean Croise

लूकाल 6:13

पंगातस्के ओना सिस्युल्कुन अंटोर्कुन दग्गेर्क केय्‍सि ओराव्टेटाल पन्‍नेंड मंदितुन पेरतोर. पेरसि ओर्कु, प्रेरितुल्क इंचि पोरोल दोसतोर. येसु पन्‍नेंड मंदितुन पेरकुत्‍तोर ओरे प्रेरितुल्क इंचि पोरोल दोसतोर.

योहान 15:16

नाकुन मिमेट पेर्रा हिल्‍लिर, गानि मीकुन नना पेरतन. पेरसि, मिमेट बेसता कबाह्‍क कीसेक बेस पलम हियगोम, इंचि नना मीकुन निलाहतन. अल्हा कीते, मिमेट नावा पोरोल्ते बाबान बतल तल्किनागानि, अद मीकु दोर्कंता.

योहान 20:21

येसु मर्रा उंदि मल्का ओर्कुन, “मीकु सांति दोर्कि. बाबाल नाकुन ई दुनियाते लोहताप, ननागुडा मीकुन ई दुनियाते लोहंतन,” इंचि इत्‍तोर.

प्रेरितुल्‍कुना कबाह्‍क 1:15

उंदि रोजु नूटा इरवै (120) विस्वासि दादालोरा नड्‍डुम पत्रु नित्‍तिसि,

प्रेरितुल्‍कुना कबाह्‍क 1:2

अचोने आयका येसु पेर्कुत्‍ता प्रेरितुल्कुंक पवित्र आत्माहेंदाल आदेस हीसि, मर्रा स्वर्गमते तिरियसि होननदाका पूरा पिस्वरता बारेमते नना रासतन.

प्रेरितुल्‍कुना कबाह्‍क 18:17

पजा यहुदिल्क, दर्मसास्‍त्रम कराहना लोतुक अदिकारि मत्‍ता सोस्‍तिनेस पोरोलतोन पीसि, कोरटता मुन्‍नेने तंतुर. अय्नागानि गल्‍लियाल मात्रम जर्गनदाना बारेमते विचारम किया हिल्‍लोर.

प्रेरितुल्‍कुना कबाह्‍क 22:21

अस्‍के सामि नाकुन, निमे होन, नना नीकुन वेल्‍लेन लक्‍कु वेरे जातितोरा लोप्पो लोहंतन,” इंचि इत्‍तोर.

रोम सहरतोरहाटीं पौलुसना सिट्‍टि 1:1

नना पौलुस, येसु किरिस्‍तुना दासुन आंदुन. नना मीकु इद सिट्‍टि रासेक मंतन. येसु किरिस्‍तुना कबाह्‍क कियालय पेन नाकुन प्रेरित इंचि पेरता. पेरसि दाना बेसता कबुर वेहालय लोह्ता.

रोम सहरतोरहाटीं पौलुसना सिट्‍टि 1:10

नना पारतना कियानस्के बस्‍केळ्‍क मीकुन मति कींतन. दीनकु आ पेने गवाइ मंता. पेनदा इच्‍चा मत्‍ते, ई मल्का अयना मिहगा वायना हर्रि दोर्कि इंचि इल्‍हागुडा नना पेनदुक पारतना कीसेक मंतन.

रोम सहरतोरहाटीं पौलुसना सिट्‍टि 1:5

अंटोर लोकुल्‍क ओन विस्वासम कियना, ओर वेहताप ताकना इंचि पेन नावापोर्रो कुर्पा हुपिच्‍चि नाकुन येसुनहेंदाल प्रेरित इंचि निलाहता.

1 कुरेंति 15:9

बारित्‍ते, नना अंटोर प्रेरितुल्‍कुन लोप्‍पो सिन्‍नोन आंदुन, नना पेनदा कलिसियातोर्कुन तिप्‍पल्‍क कीतोन आंदुन. अदुनहाटीं प्रेरित इनना लायकगुडा हिल्‍लेन.

1 कुरेंति 3:9

मोमोट पेनतोनि कलियसि कबळ कियानोर्कुम आंदुम, मिमेट पेनदा नेलितसंटोर, पेनदा लोतसंटोर आंदिर.

2 कुरेंति 1:1

पेनदा इच्‍चाताहेंदाल किरिस्‍तु येसुना प्रेरित आतोन नना पौलुसुन आनि मना तम्मुर तिमोति ओक्‍कला कुरेंति सहरते मंदना कलिसियातोर्क अल्‍हेने अकाया एरियाता अंटोर पवित्र लोकुल्‍कुंक सिट्‍टि रासेक मंतोम.

2 कुरेंति 11:5

नना पेद्‍दा-पेद्‍दा प्रेरितुल्‍कुंकन्‍ना सिन्‍नोन इंचि इनकुंचेक हिल्‍लेन.

2 कुरेंति 12:12

मीवा नड्‍डुम नना ओप्‍केते मत्‍तन, नावाहेंदाल चिन्‍हां, इचंत्रमता कबाह्‍क, पेनदा पेद्‍द-पेद्‍दा कबाह्‍क जर्गताहाटीं ननागुडा निजम प्रेरितुने इंचि दिसंता.

2 कुरेंति 8:5

मोमोट आसे पळसि मत्‍ता दानकन्‍ना एक्‍को ओर कीतुर. ओरा पिस्वरंता पेनदाहाटीं हीतुर, आनि पेनदा इच्‍चा मत्‍ताप मावाहाटींगुडा हीतुर.

गलातिया 1:1

नना येसु किरिस्‍तुना वरोर प्रेरितुन आंदुन, नावा पोरोल पौलुस. नना प्रेरित इंचि मनकालोराहेंदालो हिलाकोंटे बोरो वरोर मनकल नाकुन कीताहेंका आया हिल्‍लेन, गानि कुद्‍दु येसु किरिस्‍तु आनि ओन हामुरताल मर्रा जीवाते तेहता आ पेनबाबाले नाकुन केयतोर.

इपीसि 1:1

नना पौलुसुन, पेनदा इच्‍चा परकारम, किरिस्‍तु येसुना प्रेरितुन आतन. इपीसि सहरते मनना किरिस्‍तु येसुन विस्वासम कियाना पेनदा लोकुल्‍कुंक नना इद सिट्‍टि रासेक मंतन.

इपीसि 4:11

ओर, पेनदा सेवाहाटीं पवित्र लोकुल्‍कुन तयार कियालय आनि किरिस्‍तुना मेंदुललेसीं मनना कलिसियातोर्कुन बेस बक्‍तिते, बरोसाते बेर्सागोटनाहाटीं, इच्‍चुर्कुन प्रेरितुल्क, इच्‍चुर्कुन पेनदा कबुरतोर, इच्‍चुर्कुन बेसता कबुर वेहानोर आनि इंकिच्‍चुर्कुन बारे पास्‍टर आनि कराहनोर इंचि पेर्सि ओर्कु वराल्‍क हीतोर.

कुलुसि 1:1

पेनदा इच्‍चाताल किरिस्‍तु येसुना प्रेरित आतोन नना पौलुसुन आनि तम्मुर तिमोतिनाहेंदाल, कुलुसि सहरते मंदना पवित्र अल्हेन किरिस्‍तुनलोप्‍पो विस्वासमलायक कलिसियाता लोकुल्‍कुंक इद सिट्‍टि रासेक मंतन. मना पेनबाबानाहेंदाल मीक कुर्पा, सांति दोर्किकांटी.

1 तिमोति 1:1

इद सिट्‍टि पौलुसुनद आंद. मनम बोनपोर्रो अय्ते आसे पडसि मंतोम, आ किरिस्‍तु येसु आनि मनाकुन कापाळाना पेनदा आदेसताहेंदाल नना किरिस्‍तु येसुना प्रेरित आतन.

1 तिमोति 2:7

इदे गवाइतुन वेहनाहाटीं, नाकुन प्रचार कियानोर प्रेरित इंचि पेरमळ जर्गता. इंका यहुदि आयवोर्कुंक विस्वासम आनि सत्‍तेमता बारेमते कराहनोर इंचि निलाहमळ जर्गता. नना निजम वेहचंतन, आबद्‍दम वेहासेक हिल्‍लेन.

2 तिमोति 1:1

पेनदा इच्‍चाताहेंदाल किरिस्‍तु येसुना प्रेरित आता पौलुसना इद सिट्‍टि आंद. किरिस्‍तु येसुनपोर्रो विस्वासम इरते, बस्‍केळ्‍क पिस्सना पिस्वर दोर्कंता इंचि पेन पोल्‍ले हीसि मत्‍ता, इदुना बारेमते वेहनाहाटीं नाकुन लोहचियमळ जर्गता.