Jode 1:7 - Ese Ejja New Testament

⁷ Sodoma meshicuiñajjicuana, Gomorra meshicuiñajjicuana, o chipineijo ba'ecapoacuana pea-ai peaja eyamijo queamimishinee ba'ecapoquiapoa. Peacojjojjinei nequicapoquiapoa, onijje dejjanijje jaacapoquiapoa cuana, oja huanase jayojja acapoa macuaaya. Eyacuiñajjija ejjashahuabaquijji cajaa amajje oyaneitii queatainee pocapoa cuana peaja yamijo. Quijje macuana oja mimishijo Cuaqui-aiyasijje huoojeacaje'yo ohuaya, ecuayaqui'yojjitii pojjeama poaje cuana. Jamajjeya aje quiana oe majoya jjashahuabaquicajji Eyacuiñajjiya ojjaña queamimishitii popoquianicuana queaneenee pomeecaje'yo.

Eyacuiñajjija Esohui

⁷ Yahuajo nei Sonoma cuiñajji, Jomona cuiñajji peaꞌai, pea cuiñajji sisi quea chipi nee yaña poa. Jomajo dejja quea huiso cuana quea mimishi nee nee poa. Pea dejja cuana see huejja cojjojji poa, de. Quea mimishi nee nee jjashahuaba tiitiiqui nequia poa. Esohuidojojji quea tai jayojja jama quea mimishi poa. Jamajjeya Eyacuiñajjiya oya cuana, ma dejja quea mimishi cuana peaꞌai quiyo jeyojeyojea mee caꞌya poa cuaquiya. Jamajoya ojjaña cuana jjeya baꞌe ba mee caje Eyacuiñajji mimishijo quea quene nee nee poani; cuaquijo quea nee nee po mee cajeꞌyo mimishi poani cuana.

Jode 1:7 Iomraidhean Croise

Mateo 10:15

E'ejojonei eyaya quiana huohuiaña. Epojja ojjaña meshijo ba'ecacuanaja oja mimishicuana ja'anei huohui'yojji o queaneenee po'yojji poeajo ojjaña joya shajjama'neitii poanajecuana ma miquianaya poquiajjanaje meshijo ba'ecacuana queaneenee poaje'yo. Jiquio ecua Sodomacuiñajjicuana, Gomorracuiñajjicuana pea-ai quijje queaneenee poaje'yo oja mimishijo jama pojjeama poaje'yo cuana. Queaneeneetii poaje'yo ma miquiana shajja-ajjasapo-ajja poanajecuana.

Mateo 11:24

Jamajjeya quijje epojja ojjaña meshijo ba'ecacuanaja mimishi ja'anei Eyacuiñajjiya huohuicaje'yo o queaneenee pomee'yojji poeajo Eyacuiñajjiya quiana queaneenee pomeecaje'yo ma ecua ohuaya Sodomacuiñajjicuana queanee pomeecaje'yo jama pojjeama— jama tecueameya acapoa.

Mateo 25:41

—Majoya eyaya Emeshimesenei poaniya joya ecue shanimijijje nequicacuana jama huohuime aje ba'a: “Quea-ehueshatii nequi'yocue. Miquianaya Cuaqui-ai ma quijjo'yoajjatii jaahuasijje poqui'yocue. Maya ma Cuaqui-aiya Eyacuiñajjiya acapoa edosiquiana, eshahuamasecuana pea-ai quiyonequi'yojjitii epojji.

Noca 17:29

Majoya Lot Sodoma meshijo ba'e o cuayaqui'yonaje epojjajotii Eyacuiñajjiya eyajje queahuisoneenee cuaquijiji meitejjee oquemeecapoa. Ojjaña Sodomacuiñajjicuana dahuajeaca'yapoa.

1 Conitio 6:9

A'a quianaja bajjima poani joya queamimishitii ba'epoquianicuana epoqui'yojji pojjeamatii poaje ma Eyacuiñajjiya ojjaña huoojeacapoquianitii meshi Eyahuasijje. Jamajjeya quiana oe ¡a'a miquianatii jjadasiaquijji! Bacue, joya peacojjojjitii ba'epoquianicuana, joya dejjaja ne bihuiapoquiajjitii poanicuana, joya onijje dejjanijje jaapoquianitiicuana pea-ai Eyacuiñajjiya ojjaña huoojeacapoquianitii meshi Eyahuasijje epoqui'yojji pojjeamatii poaje comacuanaya.

2 Tesanonisese 1:7

Miquianaya dejjamasecuanajo camaja-ama pomeecaje'yo, ecuanaya pea-ai, eseja Emeshimesenei Jesosa Quitohua Eyajo aniya poeo'oyamajje. Oya queaca'aneetii nequioqueje cuaquijiji queaquemo jijiquitejjee oja ángel queaca'acuananijje ojee.

2 Tesanonisese 1:8

Ojjaña ma Eyacuiñajji cajaa ajjitii poanajecuana ohuaya queaneeneetii pomeecaje'yo. Macuanaya esohui queapame eseja Emeshimesenei Jesosajo jjashajja-ajjaquiajjatii ba'epoquinaje, majo jjanahuemeequi'yojjimatii oya poanaje.

2 Peno 2:2

Queahuiso Jesosaja epeejjicuana quijje o jayojja pea-aiya queamimishi peanijje ba'ecaje o'oya oja huohui esohuicuana siajje shajja-ajjamajje. Majoya oja epeejjicuana queamimishi ba'eo'oyani bamajje queatainee mimije cuana Eyacuiñajjija esohui e'ejojoneijo. Peajja jayojja acaje cuaa.

2 Peno 2:6

Oya jayojja Eyacuiñajjiya Sodomacuiñajjicuana, Gomorracuiñajjicuana quiyojeameejeyoca'yapoa oja mimishijo. Oja meshi chama'yotii pojeameeca'yapoa, cuaquipohui ani'yapoa. Jamajjeya ma Eyacuiñajjiya ajeaca'yapoa cuana oja mimishijo bamajje shahuabacapoquijjitii joya jjeya o sapo-ajjanei ba'ecacuana queaneenee pomeepea-aicaje'yo oja mimishijo.

2 Peno 3:7

Jiquio jjeya ani meshi, eyatahuatahua pea-ai Eyacuiñajjiya animeecapoquianitii so'o quijje chama'yotii epomee'yojji oja esohuijo. Ojjaña ma queamimishi ba'ecapoquinajecuana huohui'yojji queaneenee o pomee'yojji epojja apoa poeajo, Eyacuiñajjiya jiquio meshi dahuajeajeyocaje'yo. Ma pojjajotiiya ohuaya dejja mimishicuana eponacuana pea-ai jeajeameecaje'yo quea-ohueshatii enequipoqui'yojji Cuaqui-aiyasijje.