Jode 1:16 - Ese Ejja New Testament

¹⁶ Esohuihuohuijji siajjepojjicuana ojjañacuanajo jjaniñebaquiani. Ma dejjacuaaya peacuana niñebacani, peajja acani oyaneitii queaca'a poso jjabaquianiyajjejojo. Ojayanei ejjashahuabaquijji queamimishi epojjijo oya ba'epoquiani, mahuisojotiiya. Pea asahuajjijo ca jjashahuabaquiajjanei. Ma dejjacuaaya peacuana bihuianishocani quijje ohua quiacaje aquiana jjeshejjijo.

Eyacuiñajjija Esohui

¹⁶ Eꞌe, jiquio esohui huohuijji nisho cuaa esohui huohuijji quea pame cuana niñeba cani tii tii. Mimijaji neineiani. Quea mimishi tii tii po sa poani. Onajaya ejjashahuabaquijjijo quea miminaa poani bichoꞌama. Pea dejja cuana nijje mimi nishoani ejjadasiaquijji.

Jode 1:16 Iomraidhean Croise

Noca 15:2

Jamajjeya fariseo dejjacuaa, Moisesja tehuehuohuijji poani dejjacuaa oya Jesosa niñebacapoa jama ba'a: —Jesosaa dejja mimishicuana onijje animeecani, queapameya ja'acajjequiani, onijje ijjiaijjiani pea-ai.—

Noca 19:7

Jesosa cuama poquije bamajje queahuisocuaa oya niñebacapoa jama ba'a: —Oya dejjamimishija equiyasijje poquiani ijjiaijjiaa, cahuiya pea-ai— jamaya acapoa cuaa.

Noca 5:30

Majoya Moisesja tehuehuohuijji poanicuaa, fariseocuaa pea-ai Jesosa shajja-ajjajji poanicuana tecueacapoa jama ba'a: —¿Apiojji acuae quiana ijjiaijjiani, ishi-ishiani ejjapeequijji bejjo chichapoquiajji poani dejjacuananijje, pea dejjacuana queamimishi poaninijje pea-ai ojee?—

Huani 6:41

Ohua jama huohuime acajje: “Eya ca iña quio pahui Eyajje nequioque” judío etii poanicuana queaquenepishana jjaniñebaquiapoa Jesosajo.

Huani 6:61

Jesosaja ma dejjacuanaja ejjashahuabaquijji queaquehua ebatii poa. Jamajjeya Jesosaa huohuiajjacapoa cuana jama ba'a: —¿A'a quiaa ecuea esohui shajja-ajjamajje cajaa aje miquianajaya queacamajanee poanijojoya?

1 Conitio 10:10

A'a Eyacuiñajjijo jjaniñebaquijji peacuananijje. Ma ecua yahuajonei Eyacuiñajjijo jjaniñebaquicapoa cuana jama pea-aiya a'a pojji. Majoya Eyacuiñajjija huoojea angelya eseja etiiquiana queahuisocuana manomeeca'yapoa jama poajoya.

Janata 5:16

Jamajjeya quiana oe jiquio esohui huohuiaña. Edojjoshahuapamejo oe jjashajja-ajjaquipoquicue. Jama pomajje miquianajayanei ejjashahuabaquijji queamimishi epojji a-ajja poaje.

Janata 5:24

Ojjaña joya Jesosa Quitoja epeejji poanicuaa ojayanei ejjashahuabaquijjicuana cajaa acapoqui'yani. Oya jjabaquiani emano'yo jayojja queamimishitii epo poanijje. Jamajjeya ojayanei ejjashahuabaquijji queamimishi epojji peanijje ohuaya cajaa aca'yani.

Pinipese 2:14

Miquianaja echacojjicuana queapame apoquiacue peanijje mimijajijjimaa. A'a miquiananijje ba'ecacuanajo esohui queatai jeacuayajji.

1 Tesanonisese 4:5

Joya ecua dejjacuana Eyacuiñajjima' jayojja poani quea-eponahuisonijje ejaajjijo jjashahuabaquipoquianitii jama pea-aiya oe a'a popea-aijji.

1 Timoteo 6:5

Joya esohui queaquehua shajja-ajjajji poajecuana onijje nequica dejjanijje jjabeiqui'yoajja ba'yani, queaquenetii poani. Oya oja sapadojjojje queaquehuaneetii jjashahuabaquipoquiani. Eyacuiñajjija esohui huohuijo oya queabejjohuiso epoaje poso jjabaquiani pea-ai.

2 Timoteo 4:3

Quijje oe-ejjenei epojja apoa, poechipiajo Eyacuiñajjija esohuinei shajja-ajjatiisapo'yoajja pocaje queahuisocuana. Pea esohuihuohuijjinishocuana queahuiso sa-ajjacaje'yo cuaa ma onaa shajja-ajjasa-acaje esohuihuohuijjinisho poaje dejjacuanaya.

1 Peno 1:14

Miquianaya Eyacuiñajjija bacuacuana poani ojaya'yo jjabaquicue ojaya esohuijo ejjashajja-ajjaquipoquijji. Ma ecua miquiana yahuajo Eyacuiñajjima' jayojja queamimishi posaneipoa, a'a jama jayojjatii ba'epoquijji oja sohuima'tii.

1 Peno 2:11

Ecue dohuecuana jjo'icuana, ecuea quiana queajeanee poani, jamajjeya jiquio esohui huohuiaña. Eseya jiquio meshijotii eba'etiipoquijji pojjeama poaje. Jiquio ecua jaajji pea queahuesha nequi iyehuiso cahuime aniya poeani, jamaya oe jjabaquicue. Cua miquianaja eyamiya saneineicani queamimishi epojji cajaa acue. A'a majoya queamimishi jjapomeequijji. Comaaya miquianaja esapadojjo queaquehua pomeecaje.

1 Peno 4:2

Jamajjeya quiana jjeya jiquio meshijo ba'e so'o Eyacuiñajjija esohui jayojja ba'ecapoquijji. Miquianajayanei ejjashahuabaquijjicuana queamimishi epojji esapajo nequi cajaanei aca'yojji quianaja.

2 Peno 2:10

Jamajjeya joya peanijje queamimishitii popoquianicuana oja yamijo, joya Emeshimesenei eomese epojji sa-ajjanei poanicuana pea-ai Eyacuiñajjiya queaneeneetii pomeecaje'yo. Joya esohui siajje huohuijji poanicuana queamimishica'a poani, shajjama'nei jayojja ba'epoquiani. Oja mimishijo yenoyenoajjanei oya. Eyacuiñajjija angelcuana etii poani Eyajo nequicajo queatainee mimiani ma dejjacuanaya, oja esohuijo jjashajja-ajjaquiajjanei pea-ai.

2 Peno 2:18

Coma dejjacuaaya oyanei queapame jjabaquianiya esohui peajja ojayanei ejjashahuabaquijji huohuicani cuana janobajjimanei. Joya jjeyanei pea jjashahuabaqui'yome epocuana oja mimishijo coma siajjepojjicuaaya esohui huohuitaicani. Ojayanei ejjashahuabaquijji peanijje jaacapoquijji jamatii coma dejjacuaaya huohuitaicani. Ojayanei esohui siajje ehuohuijo jamaya queaquehuanee pomeeca'yani cuana. Majoya Jesosaja epeejjicuana eyacua huacuaya poquimeeca'yani, esohui oja siajjejo oquequimeeca'yani cuana queamimishi epo-o'oyajji peanijje.

2 Peno 3:3

Jiquio jjeya eya huohuije esohui oe quiaa shajja-ajjaneicue. Oe-ejjenei epojja beshahuanei apoa poechipianijo queahuisocuana ojayanei ejjashahuabaquijji queamimishi epojjijo ba'ecaje. Jesosaja epeejjicuanajo jjaniñebaquicaje, peajja jayojja acaje cuaa.

Jode 1:15

Ohuaya ojjañacuana huohuicaje'yo achajja ba'ecapoquianinaje. Ojjaña joya oma' jayojja queamimishitii ba'epoquinajecuana ohuaya huohuicaje'yo queaneenee ona pomee'yojji. Ojjaña ma onaa esohui queatainee Emeshimeseneijo acapoquinaje sosejje queaneenee pomeecaje'yo cuana” jamaya Enocya esohui huohuicapoa cuana yahuajoneitii.

Jode 1:18

Jama huohuime quiana acanaje ba'a: “Quijje oe-ejjenei epojja beshahuanei apoa poechipianijo queahuiso meshicuiñajjicuaa Eyacuiñajjija esohui peajja jayojja acaje, siajje poani poso acaje pea-ai. Oja esohuijo soadojocaje cuaa. Ojayanei ejjashahuabaquijji queamimishitii epojjijo ba'epoquijetii.”