Jode 1:11 - Ese Ejja New Testament

¹¹ Esohuihuohuijji siajjepojjicuana Eyacuiñajjiya queaneenee pomeecaje'yo oja mimishijo. Ma ecua Caín yahuajonei queaquehuanee jjashahuabaquiapoa jama pea-aiya ma dejjacuana nequipoquiani. Ma ecua yahuajonei Balaamya queabejjohuiso epojjijo esohui queatai eajji nisho a-ajjacapoa, cuana jama pea-aiya ma dejjacuaaya queabejjohuiso epojjijo sohuihuohuicuajinishocani cuana. Ma ecua yahuajonei Coreya Eyacuiñajjija babaca cajaa acapoajo Eyacuiñajjiya manomeeca'yapoa cuana, jama pea-ai joya esohuihuohuijji siajjepojjicuana pomeepea-aicaje'yo Eyacuiñajjiya.

Eyacuiñajjija Esohui

¹¹ Eyacuiñajjiya oya cuana quea yeno capo mee tiitii cahua jjashajjaꞌajjaqui ajja jojoya. Esohui huohuijji nisho cuana dejja bajjani Cainija ejjashahuabaquiꞌyojji jayojja jama poani, quea mase nee, quea bejjo nahue jjejojo. Eꞌe, esohui huohuijji quea pame cuana niñeba cani tii tii. Mimijaji neineiani. Quea mimishi tii tii poani, dejja Banaami bajjani jayojja jama poani, ma yahuajo nei quea bejjo nahue poaninaje. Jamajjeya ohuaya esohui huohui tai caninaje. Onaya cuana shajjamaꞌ poani, dejja Cone bajjani jayojja jama, ma yahuajo Eyacuiñajjija esohui shajjaꞌajja sa po ajja poa. Jamajjeya Eyacuiñajjiya ma ecua dejja tai cuana yahuajo mano mee caꞌya poa jayojja jama jjeya esohui huohuijji nisho cuana acajeꞌyo.

Jode 1:11 Iomraidhean Croise

Mateo 11:21

—¡E'ejojonei miquianaya Corazincuiñajjicuana, Besaidacuiñajjicuana queaneenee Eyacuiñajjiya pomeecaje'yo miquianaya pea jjashahuabaquime po'yoajjatii poanajejojoya miquianaja mimishijo! Ecuea dejjaja ajjima'neineicuana Tirocuiñajjicuanaja ebajji, Sidoncuiñajjicuanaja ebajji pea-ai ea poanajejojjemo macuiñajjicuana pea jjashahuabaquime poca'yoquiae oja mimishijo. Macuiñajjicuaa daquisha'a o queayeno poani oja mimishijo jjabaquijji huoshocaquiae, cuaquipohui pea-ai oja sapajo iyacaquiae.

HEBREOS 11:4

Abelya Eyacuiñajjija esohuijo e'ejojonei jjashahuabaquipoquimajje ehuone enaa jehui'yo quiacapoa. Eyacuiñajjiya oja quia queapame bacapoa ma ecua ohuaya oja o'ija Cainja quia queapame pojjeama bacapoa jama pojjeama. Oya jama jjashahuabaquime poani oja esohuijo bamajje Eyacuiñajjiya Abel oja mimishima'yo bacapoa. Jamatii oya emano'yo eseyaya shahuabapoquiañatii oya e'ejojonei jjashahuabaquipoquiapoa Eyacuiñajjija esohuijo.

2 Peno 2:15

Coma dejjacuaaya Eyacuiñajjija esohui cajaa aca'yonaje queaquehua jjashahuabaqui'yomajje. Ecuaquisho jayojja ba'epoquiani, ajeo oya eshe nequipoquiani jjabaquiajja. Yahuajonei ma ecua esohuihuohuijji poa Balaamya, Beorja bacuaejjaa, queaquehuanee acapoa jama pea-aiya acapoquianitii cuaa. Balaamya bejjo queahuiso iñasa-acapoa ma Eyacuiñajji sapo-ajjanei poa sosejje.

1 Huani 3:12

A'a oe ma ecua yahuajonei Caín queamimishitii ba'epoquiapoa jama pea-aiya pojji. Oya eshahuaja epeejji poa. Jamajjeya ohuaya oja chahua cuiahuejjaca'yapoa. ¿Yajjajo shai oja chahua cuiahuejjaca'yapoa? Oya Caín queamimishitii nequipoquiapoajjejojoya. Oja chahua ca queapame jjashahuabaquipoquiapoa, jamajjeya oya oja o'iya botiamanei acapoa.

Apocanisi 2:14

Jamatii eya queayeno poani miquianajo beca quiana Balaamja esohuijo jjashajja-ajjaquianitii bamajje. Yahuajonei Balaamya emeshimese Balac bajjani huohuicapoa israelitacuana queamimishi pomeejjijo. Ohuaya Balac huohuicapoa jama ba'a: ‘Eyacuiñajjinishocuana quia onaja iya bobicuana israelitacuana ijjiameecue. Peanijje ojahue pojjeamanijje, oja huanase pojjeamanijje pea-ai israelitacuana huohuicue ejaajjijo.’ Jama huohuimeya acapoa Balaamya.