Jode 1:8 - Eyacuiñajjija Esohui

⁸ Maya jiquio esohui huohuijji nishoja eba, ma jjeya nei miquiana que poeyanija eba. Jamatii jjeya oya cuana quea mimishi nee nee poani; yahuajo nei nei baꞌe cuana jayojjaya jama poani. Ojaya ejjashahuabaquiꞌyojji quea tai poani cuanaya. Eyacuiñajjija ehuohuiꞌyo cuana shajjaꞌajja sa poꞌyo ajja peaꞌai. Eyacuiñajjija esohuidojojji quea caꞌa cuana niñeba cani peaꞌai jama baꞌa: —Ecuanaja ejjacahuibaquijji Eyacuiñajjijo eꞌe nei.

Ese Ejja New Testament

⁸ Jjeya pea-ai joya esohuihuohuijji siajjepojjicuana ojayanei ejjashahuabaquijjijo queamimishi popoquiani. Queatainee jjacahuibaquimajje queamimishi poani peanijje ojaya eyamijo. Emeshimesenei eomese epojji cajaanei acani ma dejjacuaaya. Pea oja etii poani angelcuana niñebacani pea-ai ma dejjacuaaya, queatainee mimiani ojo.

Jode 1:8 Iomraidhean Croise

Noca 11:25

Jamajjeya oya dejja huasijjeya cue oꞌoyanaje. Ojaya yami yasijje dobiquiꞌyonaje Eyacuiñajjija epeejji pojjeama jojoya, ojaya eyami equi ecuiashaba jayojja jama, ehuana bamebame jayojja equi se ejjamaꞌ.

Noca 12:11

—Pea cuaa miquianaya dojo caje esohuinano mese ani yasijje, Jodio dejja etii ani yasijje ecuea epeejjijojo. Miquianaya pojjaꞌa quea mete nee nee cuaje. Miquianaya jama jjashahuabaquije pojjaꞌa baꞌa: “¿Achajja shai huohuime acajji? ¿Achajja shai sajaꞌame aje?” ¡Aꞌa jamaya jjashahuabaquijji! ¡Meteꞌama nei onijje mimicue!

Noca 19:14

—Majoya aje emeshi mese poquinaje pea meshi yasijje emeshi mese epojji ohua bajjani caꞌyajje. Oja meshijo nequi dejja cuanaja botiꞌama cua. Jamajjeya dejja cuaa oe dejja huohui pohua ma meshi yasijje huoojea ca cua. Jama huohuime aca cua baꞌa: “Ecuanajaya ma dejja emeshi mese cuajo botiꞌama cuaje”.

Hecho 23:5

Pabohua majoya ojjaña sajaꞌa canaje jama baꞌa: —Epeejji cuana, ecuea ba jjima oya Eyacuiñajji nijje mimiani etii. Eꞌe, Eyacuiñajjija esohui etehueꞌyo jama poani baꞌa: “¡Miquea emeshi mese nijje aꞌa mimijajijji!” —Pabohua acanaje.

Hecho 7:27

—Jamatii oe Jodiohua ma ojaya huapa pojjeama cuiajji nishohua Moisesi iñajjeanajea ca poa; shajjaꞌajja sa poꞌyo ajja poa. Jama aca poa baꞌa: “¿Aya shai miya ecuana huoojeajji po mee caꞌyonaje soꞌo?

Hecho 7:39

—Jamatii esejaya etiiquiana Moisesija esohui shajjaꞌajja sa poꞌyo ajja poa. Oya cuaa ca ca Moisesi niñeba ca poa. Ejito meshi yasijje poqui oꞌoya sa poa quea mimishi jjejojo.

1 Conitio 3:17

Eyacuiñajjija ojaya equi quea nahue nee: —Ecuea equi quea pame nee, jehueꞌama. Miquianaya ecuea equi jayojja poanaje. Jamajjeya ecuea equi, miquea eyami, nahue ajjajo, quea mimishi poanijo eyaya miquianaya tecueaje —ohuaya acanaje.

1 Tesanonisese 4:8

Jiquio esohui cuana Eyacuiñajjija esohui, de; dejjaja esohui pojjeama. Jamajjeya ojjaña joya jiquio esohui cuana jayojja jama baꞌe sa poꞌyo ajja Eyacuiñajji nijje jjapeequi sa poꞌyo ajja; Eyacuiñajji cajaa aꞌyojji poani. Eyacuiñajjiya ca ca oe ese yasijje ojaya Edojjoshahua Pame huoojea caꞌyonaje quea pame nee ebaꞌe meesahuaꞌyojji.

1 Timoteo 1:10

Eꞌe, shajjamaꞌ cuana pea cojjojji poani; pea dejja see huejja cojjojji poani; pea epona so cojjojji poani; peaja ebacua sii majje quiajji poani; pea jeameejji poani; siajjepojji poani; oya esohui pajeaꞌyojji poani; peaja esohuijo siajje poani peaꞌai; Eyacuiñajjija esohui etehueꞌyo jama po ajja peaꞌai.

HEBREOS 13:17

¡Jesosaja epeejji jaahuanajji cuanaja esohui jayojja jama acue! ¡Shajjaꞌajjacue, miquianaaya! Quijje Eyacuiñajji cojja nei nequiya emeshi meseya, mi jaahuanajjiya huohui caje achajja miquianaya jaahuana canaje. Jamajjeya miquianaya jaahuana cani quea pame nee, Jesosa nijje ejjapee pajeaquiꞌyojji pojjeama. Miquiaa shajjaꞌajjajje ohuaya miya quea bihui nee baꞌe meesahua cajeꞌyo. Shajjamaꞌ poajo ca ca quea yeno nee poaje. Miquianaya quea yeno nee nee poaje peaꞌai.

1 Peno 2:17

¡Pea cuanajo aꞌa maimaijji! ¡Ojjaña Jesosaja epeejji cuana quea boti nee acue! ¡Eyacuiñajjija esohui jama acue quea bihui nee! ¡Miquea emeshi meseya huohui canijo shajjaꞌajjacue peaꞌai!