Jode 1:6 - Eyacuiñajjija Esohui

⁶ Cuanaya yahuajo Eyacuiñajjija esohuidojojji beca cuana quea mimishi poa eyajo baꞌe. Eyacuiñajjija ehuohui jayojja jama chaco tiitii sa po ajja poa. Jamajjeya Eyacuiñajjiya oya cuana iña majje jeyo caꞌya poa; quea huesha nee nee jeanobiajea caꞌya poa, cuayaqui meeꞌyo jjima acaꞌya poa. Quijje Jesosa Quitohua poe oꞌoya majje esohuidojojji tai janobajjima nei tecueajea cajeꞌyo quea nee nee epo mee tiitiiꞌyojji.

Ese Ejja New Testament

⁶ Angelcuana queahuisohua pea-ai Eyacuiñajjija quia oja echacojji cajaa acapoa yahuajoneinei. Eyahuasijje Eyacuiñajjinijje eanitiipoquijji cajaa acapoa. Jamajjeya ma angelcuana oja jeyomee anipoquiani quea-aaponeeneeyasijje o queaneenee huohui'yojji epojja apoa poajo. Majoya Eyacuiñajjiya ma angelcuana queaneenee pomeecaje'yo oja mimishijo.

Jode 1:6 Iomraidhean Croise

Mateo 10:15

Eyaya miya eꞌe jojo nei huohuiaña jama baꞌa: Quijje Emeshi Mese nei poeje oꞌoya, ojjaña quea mimishi poani quea nee nee po meejeꞌyo. Yahuajo nei nei dejja cuana Sonomajo baꞌe, Jomoshajo baꞌe peaꞌai quea mimishi nee baꞌyanijo, Eyacuiñajjiya quea nee po mee caꞌya poa, yahuajo. Ma dejja shajjamaꞌ cuana ca ca Eyacuiñajjiya quea nee nee po tiitii mee cajeꞌyo, de. Sonomajo baꞌe cuana ca ca quea nee pishana po tiitii mee cajeꞌyo.

Mateo 25:41

—Mayoja eyaya, Emeshi Mese neiya dejja tai cuana shanijje nequi tecueajeꞌyo jama baꞌa: “¡Poquicue miya! Cajaaꞌyo ca mi ca ecua. Edosiquiana etii Satanasa, eshahua cuana peaꞌai cuaqui yasijje poquijeꞌyo. Miya cuana peaꞌai anijeꞌyo cuaquijo tii.

Mateo 8:29

Niñepoqui cuana Jesosa ba majje taaanaje jama baꞌa: —Miya Eyacuiñajjija Bacua Ejja. ¿Apiojji miya ecuana que poeyanaje? ¿Aꞌa jjeyahua nei ecuana cuaqui yasijje jeajeajeꞌyo? Eyacuiñajjiya eshahua cuana cuaqui yasijje huoojea cajeꞌyo quijje, jjeya nei pojjeama, de —taaame poanaje niñepoqui.

Huani 8:44

Eꞌe, Edosiquiana huoojeajji poani mi huoojeajji poani; ojaya ejjashahuabaquijji jama atiitiiꞌyo sa poani miquianaya. Yahuajo nei nei oya ona quecua cooꞌyojji poa. Eyacuiñajjija esohui eꞌe nei jayojja jama ojaya ajjima peaꞌai poa; esohui ojaya botiꞌama nei nei poa. Oya siajje poani tii tii, siajjepojji nei nei. Oya ca ca oma siajje po coonaje; siajjepojji cuana huoojeajji poani. Ojjaña siajjepojji cuana ojaya epeejji cuana, Edosiquianaja epeejji.

Shomano 2:5

Jamajjeya miya quea mimishi nee nee jjejojo, shajjamaꞌ poani tiitiijo, Eyacuiñajjiya miya quea nee nee po mee cajeꞌyo. Eꞌe, quijje ohuaya ojjaña shajjamaꞌ poani tecuea neinei cajeꞌyo.

Epesio 6:12

Pea cuaa quea mase cuaa ecuana Jesosa nijje jjapeequi pajea meeꞌyo sa acani. Oya cuana dejja pojjeama, Edosiquiana, eshahua cuana peaꞌai. Jjeya quea camaja eshahuaja epeejji cuanaa quea tai acanijo. Eꞌe, eshahua cuaa huoojea cani ojaya epeejji cuana, ojjaña quea mimishi poani peaꞌai ecuana dasiaa nisho, ecuana jeabichajeaa nisho peaꞌai.

HEBREOS 10:27

Jamajjeya Eyacuiñajjiya ojjaña shajjamaꞌ cuana jeajea cajeꞌyo cuaqui yasijje onijje mi jjapeequiꞌyajo. Quea nee nee po tiitii mee cajeꞌyo.

2 Peno 2:4

¡Bacue oe! Yahuajo nei nei esohuidojojji cuana eyajo quea mimishi poa. Jamajjeya Eyacuiñajjiya oya cuana quea huesha nee nee jea ca poa, quea misi nee nee yasijje jeajea caꞌya poa quea nee nee epojji. Jomajo oya cuana ecuaya meequiꞌyojji pojjeama. Ejeyoꞌyo jama ani, de. Quijje Jesosa Quito poe oꞌoyajo, Eyacuiñajjiya ma esohuidojojji quea mimishi cuana tecuea neinei majje jeajea cajeꞌyo cuaqui yasijje quea nee nee epoꞌyojji tii tii.

2 Peno 2:9

Jamajoya jjeya ecuana ba mee cani jama baꞌa: Eyacuiñajjiya ojjaña quea pame nee poani jaahuana cani. Jamajjeya dejja mimishi cuanaja ojaya epeejji cuana quea mimishi epo meejji pojjeama. Ecuanaya ba mee cani jjeya nei peaꞌai Eyacuiñajjiya ojjaña quea mimishi poani quea nee nee po mee cajeꞌyo. Quijje Jesosa Quito poe oꞌoyajo, ojjaña mimishi cuana quea nee nee po tiitii mee cajeꞌyo, Eyacuiñajjiya.

Jode 1:13

Oya cuana enashajo jama poani: Bae aiꞌaijo enashajo po majje meshi jeapohui cani; ena quea jehue nee poani. Enashajo jayojja jamaya jiquio esohui huohuijji nisho quea tai poani. Miquianaya quea mimishi baꞌe mee ca chanaꞌ peaꞌai; poquiquehua mee ca chanaꞌ eshahuaja ejiojji yasijje. Jamajjeya oya cuana cuaqui quea misi nee yasijje dobi tiitii meequi cajeꞌyo. Majameta oquequi majje jijinanani, chamaꞌyo tii ponanani, quea misi nee nee yasijje oquequiani. Jamaya esohui huohuijji nisho; esohui eꞌe jojo nei huohui ajjajo cajaa acajeꞌyo Eyacuiñajjiya; quea huesha nee nee, quea tai nee nee yasijje huoojea cajeꞌyo quea nee nee epoꞌyojji tii tii.

Apocanisi 20:10

Majoya Eyacuiñajjiya Edosiquiana nei jeajea cajeꞌyo bae quea jiji nee jayojja huasijje, bae quea ihui, quea pase yasijje. Ma oja dasiaꞌyo cuana peaꞌai jeajea cajeꞌyo bae jijiani yasijje, Eyacuiñajjiya. Pea shanei ejja nijje, pea Eyacuiñajjija esohui huohuijji nisho quea mimishi peaꞌai nijje oya cuana quea nee nee po tiitiijeꞌyo bae jijiani yasijje.

Apocanisi 20:2

Ohuaya iña cañaquinaje, jeabichajea canaje Edosiquiana nei, saꞌo ai quea mase nee Satanasa bajjani, ma yahuajo nei nei peaꞌai esejaya etiiquiana pana coo ca jeahua dasiajji poa. Iña majje ma esohuidojojjiya Edosiquiana jeyo canaje cadena quea quemohua quea shequiaja huiso nee nee, 1.000 shequiajame ejeanobiajeajji.