Jode 1:12 - Eyacuiñajjija Esohui

¹² Jiquio esohui huohuijji nisho cuana quea mimishi nee nee. Miquianaya ojee Jesosa Quitoja bobi ijjiañajo, quea bihui nee poanijo, oya cuana jama poani baꞌa: —Ecuana miquea epeejji poani. Chojja. Miquianaya dasia cani. Miquiana nijje ijjiaꞌijjianijo jejje ajja, quea bobi nee, bichoꞌama poani, de. Oya cuana jama poani baꞌa: Bo ba majje eseya jjashahuabaquiani jama baꞌa: —Ena poaje, de. Jamatii beniya bo cuana dojo cuajicuaji canijo ena oque ajja que yasijje. Jamaya jiquio esohui huohuijji nisho cuana aje oe; esohui quea pame huohui ajja, de. Oya cuana acui jjajja ajja jama poani peaꞌai. Acuijjajja shejo acui ba majje acuijjajja saꞌajja cani eꞌacuijjajja meseya. Ejjajja chamajo acui jajajea caꞌyani. Jamaya esohui huohuijji nishohua esohui quea pame huohui ajjajo, Eyacuiñajjiya oya cuana cajaa acajeꞌyo.

Ese Ejja New Testament

¹² Miquianaya Jesosaja epeejji ojee ejjachichaqui eijjiaijjiajji anijo ma dejjacuana siajjepojji poepea-aiani ojee miquiananijje ijjiaijjiaa. Macuana ca anica-ajja miquiananijje. Oya joya ecua aquiana queajehue shacuajjima ani jamaya poani. Miquiananijjetii ani ijjiaijjiajeyomajje queatai mimiani, esohui queaquehuajo jjamimihue'equiani pea-ai. Ma dejjacuana pea asahuajjijo jjashahuabaquiajjanei poani. Oya joya ecua bo nama' beniya dojojeacani jamaya poani. Oya joya ecua acuicuana jjajja-ajja esajja jjequichiyojea emano'yo nequi jama pea-aiya poani, peajja.

Jode 1:12 Iomraidhean Croise

Mateo 13:6

Quijje cuayanaje eshequi. Quiyoꞌyonaje, esajja jocaꞌyonaje, manoꞌyonaje.

Mateo 15:13

Jesosaa oya cuana sajaꞌa canaje jama baꞌa: —Ojjaña acui ecue Chiija eyajo anija bana pojjeama ohuaya chiyojea cajeꞌyo jiquio ecua ohuaya ojaya epeejji nisho acajeꞌyo jama.

Macoso 4:6

Quijje cuayanaje eshequi. Eshequi quea quiyo nee poajo, esoꞌ quiyomanoꞌyonaje. Esajja jocaꞌyajo manoꞌyonaje.

Noca 12:45

Pea ojo chacochacoani jjashahuabaqui jjima cuanaje. Jama jjashahuaba taiquime cuanaje baꞌa: “Ecuea emeshi mese quijje nei cuejeꞌyo, jamajjeya eya pea echacojji cuana huasijje bobi quia sa po ajja. Poquije ca iña ishiꞌishiya”. Majoya oya ojaya pea echacojji cuana nijje jjacuia majamajaqui nequinaje, huoo majamajanequi jjejojo. Oya chacochaco jjima cuanaje.

Noca 16:19

Jesosaa pea esohui jama huohuime aca cua baꞌa: —Oe dejja quea bejjo huiso nee nee cuanaje. Ojaya daqui quea bame nee; quea nahue nee nee oja jjeshe huosho caninaje. Bobi quea huiso aninaje ojaya equijo; ijjiaꞌijjia majamajanaje.

Noca 21:34

—¡Ishoaꞌajja anicue iña oe nequiaa! ¡Aꞌa jjashahuaba majamajaquianijji miquianajaya ebaꞌejjijo! ¡Miquianaya oe che jjashahuabaquicue e ecue oꞌoyajjijo!

Noca 8:6

Pea esoꞌ jeaaja canaje meshi mei biajje ani yasijje. Majoya aje jeaaja cajje pohuaꞌajjaꞌyonaje. Majoya aje pohuaꞌajjaꞌyo majje shocanaꞌyonaje.

Epesio 4:14

Jjeya nei jjapeequiani jayojja jama pojjeama eseya poaje. Eꞌe, jiquio ecua beniya enashajo dojo cani pea mijijje jayojja jama esohui huohuijji nisho cuaa joya jjeya nei Jesosa nijje jjapeequiani dasia majje poquiquehua mee cani. Oya cuana jjashahuaba majamajaquiani ese dasiajji.

Pinipese 3:19

Jamajjeya ma dejja cuana cuaqui yasijje poquijeꞌyo. Ojaya aquiana huisojo jjashahuaba tiitiiquiani. Eyacuiñajjijo jjashahuabaqui sa poꞌyo ajja. Oya cuana oja mimishijo bichoꞌama, quea bihui nee poani. Eꞌe, jjashahuaba tiitiiquiani quea tai.

1 Timoteo 5:6

Beca cuana eꞌahuemano quea mimishi poani. Yajjajjaꞌama. Poquiquehuani cuaqui yasijje, Eyacuiñajji nijje jjapeequi jjima jayojja jama poani.

HEBREOS 13:9

Jamajjeya ¡peapea ehuohuiꞌyo Jesosaja esohui eꞌe nei jayojja jama pojjeama aꞌa shajjaꞌajjajji! Pea ehuohuiꞌyo shajjaꞌajja majje o jayojja mimishi mi poꞌyo chanaꞌ. Eyacuiñajjiya eseya quea jea nee nee acanijo esohui eꞌe nei ba meesahua cani Jesosaja epeejji quea caꞌa nee epojji. Pea cuaa ca ca shajjaꞌajjacani esohui quea quehua bobijo jama baꞌa: —¡Beca bobi aꞌa ijjiajji Jesosaja epeejji nei epojji! —acani Jodio etii cuaa. Ma esohui shajjaꞌajja cani cuaa eshajjaꞌajjajeajji, de. Bobijo pojjeama Jesosaja epeejji nei poaje; ojaya esohui ba neinei majje.

Santiaco 5:5

Eꞌe, miyaya aje oe aquiana quea huiso jiquio meshijo chichanaje; miquea yajjijo quea huiso aquiana pame, quea nahue nee peaꞌai chichanaje, siinaje peaꞌai. Quea aquiana jea nee nee poanaje. Quea bobi huiso nee nee miya poanaje. Jamatii jejje ajja tii tii poanaje. Quea dejja tai poanaje; quea nishehui poanaje epona. Jamajjeya Eyacuiñajjiya miquianaya quea nee nee po mee cajeꞌyo.