दरसाव 9:4 - जीवन को च्यानणो (सेकावाटी नया नियम की पोथ्या)

⁴ बानै ओडायो गयो क धरती की घास अर हर्या बोजानै अर दरख्तानै नास मना करज्यो। पण बा मिनखा को नास करज्यो जाकै माथा प परमेसर की म्होर कोनी ह।

दरसाव 9:4 Iomraidhean Croise

मत्ती 24:24

क्युं क झूठा मसी अर झूठा परमेसर की खेबाळा आसी, बे सेलाणी-चमत्कार अर ताजूब का काम दिखासी। अर ज होयो तो बे टाळेड़ा मिनखानै बी छळबा की कोसिस करसी।

इफिसुस 4:30

परमेसर की पबितर आत्मा को निरादर मना करो क्युं क छुडाबाळा दिन ताँई आ पबितर आत्मा थारै ताँई बिकी जामनी ह, की बो थानै छुड़ासी।

दरसाव 14:1

जणा म देख्यो क मेरै सामै यरूसलेम नगरी का सिओन डूँगर प उन्यो खड़्यो ह। बिकै सागै एक लाख चोमाळिस हझार मिनख जाकै माथा प बिको अर बिका परम-पिता को नाम मांडेड़ो हो।

दरसाव 6:6

अर म बा च्यारू जीवता पराण्या क बिच मऊँ एक हेलो आतो सुण्यो, “आबाळा टेम म धरती प काळ पड़सी बिमै एक मजुरिया की ध्यानगीऊँ एक दिन खाबा जोगोई ग्युं नहिस तीन दिन खाबा जोगोई जौ मोल लिओ जासी। पण जेतून का तेल अर अँगूरी का भाव कोनी बदलै।”

दरसाव 7:1

इकै पाछै म च्यार ईस्बर नगरी दुतानै धरती क च्यारू कूणा म खड़्यो देख्यो, बे च्यारू कूणाऊँ आबाळी भाळनै डाट राख्या हा। जिऊँ धरतीऊँ, दरख्ताऊँ अर समदरऊँ भाळ नइ आवै।

दरसाव 8:7

पेलो ईस्बर नगरी दुत जंय्यांई तूताड़ी बजाई बंय्यांई ओळा, लोय अर आग एक सागै मिलेड़ी दिखी। अर बानै धरती प फेक दिओ गयो जिऊँ धरती अर दरख्ता को एक तिहाई भाग बळर राख होगो, अर सगळी हरी घास बी बळगी।