दरसाव 8:7 - जीवन को च्यानणो (सेकावाटी नया नियम की पोथ्या)

⁷ पेलो ईस्बर नगरी दुत जंय्यांई तूताड़ी बजाई बंय्यांई ओळा, लोय अर आग एक सागै मिलेड़ी दिखी। अर बानै धरती प फेक दिओ गयो जिऊँ धरती अर दरख्ता को एक तिहाई भाग बळर राख होगो, अर सगळी हरी घास बी बळगी।

दरसाव 8:7 Iomraidhean Croise

याकूब 1:11

क्युं क सूरज का तावड़ाऊँ घास बळज्यावै अर फूल झड़ज्यावै, जिऊँ बा सोवणी कोनी लागै। अंय्यांई अमीर मिनख बी आपकी भाग-दोड़ म खाली हातई मरज्यावै।

1 पतरस 1:24

जंय्यां क सास्तर म मांडेड़ो ह, “सगळा मिनख घास की जंय्यां ह, अर बाको सगळो तेज जंगल का फूला की जंय्यां ह। क्युं क घास बळ जावै ह, अर फूल झड़ जावै ह।

दरसाव 12:4

बो आपकी पूंछऊँ सपाटो मार'र आसमानऊँ एक तिहाई तारानै धरती प फेक दिओ। अर बो बी लूगाई क सामै जखी टाबर जलम्बाळी ह खड़्यो होगो जिऊँ जद बा टाबर जलमै जणा बो बि टाबरनै निगळज्या।

दरसाव 16:2

जणा पेलो ईस्बर नगरी दुत गयो अर धरती प आपको प्यालो उंदका दिओ, जिऊँ जखा मिनख बि डरावना जानबरनै अर बिकी मूरतीनै धोक्या हा अर बिको आंक लिआ हा बाकै राद हाळा सूगला गुमड़ा निकळ्याया।

दरसाव 16:21

आसमानऊँ मण-मण का ओळा मिनखा प पड़र्या हा। अर इ म्हामारी की बजेऊँ मिनख परमेसर की बुराई करर्या हा। क्युं क आ म्हामारी बोळी भेंकर ही।

दरसाव 6:8

अर म एक हळका पिळा रंग को घोड़ो देख्यो। बिका सुवार को नाम मोत हो। बिकै गेल-गेल पताळ हो। धरती को एक चोथाई भाग बाकै बस म दिओ गयो हो क बे तलवारऊँ, काळऊँ, मरीऊँ अर धरती का जंगली जानबराऊँ मिनखानै मरवावै।

दरसाव 7:1

इकै पाछै म च्यार ईस्बर नगरी दुतानै धरती क च्यारू कूणा म खड़्यो देख्यो, बे च्यारू कूणाऊँ आबाळी भाळनै डाट राख्या हा। जिऊँ धरतीऊँ, दरख्ताऊँ अर समदरऊँ भाळ नइ आवै।

दरसाव 9:15

जणा बे च्यारू दुत छोड दिआ गया, जानै परमेसर बि घड़ी, बि दिन, बि म्हेना अर बि बरस ताँई त्यार करमाल्या जिऊँ बे आपका सिपायानै ताकत देवै अर बे हुकम नइ मानबाळा एक तिहाई मिनखानै मार गेरै।

दरसाव 9:18

बाकै मुंडाऊँ जखी आग, धुँआ अर तिजाब निकळरी ही बिऊँ हुकम नइ मानबाळा एक तिहाई मिनख मार्या गया।

दरसाव 9:4

बानै ओडायो गयो क धरती की घास अर हर्या बोजानै अर दरख्तानै नास मना करज्यो। पण बा मिनखा को नास करज्यो जाकै माथा प परमेसर की म्होर कोनी ह।