दरसाव 8:2 - जीवन को च्यानणो (सेकावाटी नया नियम की पोथ्या)

² अर म परमेसर क सामै सात ईस्बर नगरी दुतानै खड़्या देख्यो। बानै सात तूताड़ी दि गई ही।

दरसाव 8:2 Iomraidhean Croise

मत्ती 18:10

“सुणो थे मेरो खयो मानबाळानै निचो मना जाणो क्युं क ईस्बर नगरी दुत थारो लेखो-जोखो मेरा परम-पितानै देवै ह।

मत्ती 24:31

नरसिंगो फुक्यो जासी अर बो आपका ईस्बर नगरी दुतानै धरती प च्यारूमेर भेजसी। अर बे सगळी धरती पऊँ टाळेड़ा मिनखानै भेळा करसी।

लूका 1:19

जणा बो ईस्बर नगरी दुत हो जखो बिऊँ बोल्यो, “म हूँ जिबराइल जखो परमेसर क सामै तण्यो खड़्यो रेह्ऊँ हूँ। अर मनै ईस्बर तनै इ चोखा समचार को हेलो पाड़बा ताँई भेज्यो हो।

लूका 21:36

इ ताँई सदाई चेता म रेह्ओ अर सदाई अरदास करता रेह्ओ जिऊँ थे सगळी होबाळी बाताऊँ बच सको अर मिनख का बेटा क सामै खड़्या हो सको।”

1 कुरन्थीयो 15:52

अर जद आखरी नरसिंगो फुक्यो ज्यासी जणा आँख मीचताई आपा बदल्या जास्यां। नरसिंगा की उवाज जद आपणा काना म पड़सी जणा सगळा मरेड़ा बिस्वासी ओज्यु नइ मरबा ताँई जीवाया जासी अर जखा जीवता बिस्वासी हीं बे कदैई नइ मरबा ताँई बदल्या जासी।

1 थिसलूनिकी 4:16

क्युं क परबु खुदई ईस्बर नगरीऊँ जोरका हेला क सागै आदेस, परधान दुत की ललकार अर परमेसर की तुरई की उवाज क सागै उतरसी, अर मसी म जखा मरग्या बे पेल्या जी उठसी।

दरसाव 1:4

म यहून्ना, एसिया परदेस की सात्यु बिस्वासी मंडळ्यानै मांडू हूँ , परमेसर जखो ह, हो अर आबाळो ह बिकै कानिऊँ, अर सात्यु आत्मा जखी बिकै सिंघासन क सामै ह बाकै कानिऊँ, अर बिस्वास जोगो गुवा, अर मरेड़ा मऊँ जीबाळो पेलो अर इ धरती का राजा प राज करबाळा ईसु मसी कानिऊँ थार प दया अर सुक-स्यांती होती रेह्‍वै। बो आपणाऊँ परेम करै ह अर आपका लोयऊँ आपानै आपणा पापऊँ सुद करबा ताँई मर्यो ,

दरसाव 11:15

सातुओ ईस्बर नगरी दुत जद तूताड़ी फूंकी जणा ईस्बर नगरीऊँ जोरको हेलो आयो, “इब इ धरती प परबु अर बिका मसी को राज ह, अर बो जुग-जुग ताँई राज करसी।”

दरसाव 15:1

इकै पाछै म ईस्बर नगरी म एक ओर ताजूबभरी निसाणी देखी, इबकै म देख्यो क सात ईस्बर नगरी दुत आखरी सात म्हामार्या क सागै हा। क्युं क आकै होबा क सागैई परमेसर को परकोप बी पूरो होज्यासी।

दरसाव 16:1

जणा म सुण्यो क बा सात्यु ईस्बर नगरी दुतानै मनदर मऊँ कोई जोरको हेलो देर बोल्यो, “जाओ, अर परमेसर का परकोपऊँ भरेड़ा आ सात्यु प्यालानै धरती प उंदकाद्‍यो।”

दरसाव 8:13

जणा म आसमान म एक बाजनै उडता देख्यो अर बो जोरकी उवाज म बोलर्यो हो, “इबी तो तीन ईस्बर नगरी दुता को तूताड़ी फूंकबो बाकी ह इ ताँई धरती प रेह्बाळा मिनखा प हाय! हाय! हाय!”

दरसाव 8:6

जणा बे ईस्बर नगरी दुत जाकै कनै सात तूताड़ी ही, बे बानै बजाबा ताँई त्यार होगा।

दरसाव 9:1

पाचवो ईस्बर नगरी दुत तूताड़ी फूंकी जणा म आसमानऊँ धरती प एक तारो पड़ता देख्यो। बि तारानै पताळ खोलबा ताँई ताळी दिनी गई ही।