दरसाव 8:12 - जीवन को च्यानणो (सेकावाटी नया नियम की पोथ्या)

¹² जद चोथो ईस्बर नगरी दुत जंय्यांई तूताड़ी फूंकी जणा एक तिहाई सूरज, चाँद अर तारा प विपदा आई। अर बाको एक तिहाई भाग काळो होगो जिकी बजेऊँ एक तिहाई दिन अर रात म अँधेरो छागो।

दरसाव 8:12 Iomraidhean Croise

मत्ती 24:29

“बा दिना म, बि कळेस क पाछै सूरज उजाळानै खो देसी अर चाँद बी कोनी चमकसी। अर अकास मऊँ तारा बी तळै पड़ मरसी। अर अकास की सक्‍तिया हलाई जासी जिऊँ बे आपकी झघा छोड देसी।

मत्ती 27:45

दोपारा बारा बजेऊँ लेर तीन बजै ताँई सगळा देस म अँधेरो छायो रिह्यो।

मरकुस 13:24

बा दिना म, बि कळेस क पाछै सूरज उजाळानै खो देसी अर चाँद बी कोनी चमकसी।

मरकुस 15:33

दोपारा बारा बजताई सगळा देस क मांयनै अँधेरो छायो अर करीब तीन बजै ताँई अँधकार छायो रिह्यो।

लूका 21:25

“बि टेम सूरज चाँद अर तारा म अनोरी बाता होसी अर धरती प झघा-झघा मिनखा म दुख आसी। अर समदर क गरजबाऊँ झाल उठसी अर बा झालाऊँ धरती का सगळा मिनख डर ज्यासी।

भेजेड़ा चेला का काम 2:20

सूरज काळो अर चाँद लोय की जंय्यां लाल होज्यासी।

2 कुरन्थीयो 4:4

अर इ दुनिया को ईस्बर जखो सेतान ह बो बा मिनखा की मत मार राखी ह जखा बिस्वास कोनी करीं। जिऊँ बे चोखा समचार का मेमाभर्या उजाळानै कोनी देख सकीं अर मसी जखो परमेसर को रूप ह बिकी मेमा का समचारनै कोनी समजीं।

दरसाव 12:4

बो आपकी पूंछऊँ सपाटो मार'र आसमानऊँ एक तिहाई तारानै धरती प फेक दिओ। अर बो बी लूगाई क सामै जखी टाबर जलम्बाळी ह खड़्यो होगो जिऊँ जद बा टाबर जलमै जणा बो बि टाबरनै निगळज्या।

दरसाव 16:10

बिकै पाछै पाचवो ईस्बर नगरी दुत आपको प्यालो बी डरावना जानबर का सिंघासन प उंदका दिओ, जिऊँ बिका राजपाट म अँधकार छागो। पिड़ा क मार्या मिनख आपका दांताऊँ आपकी जीब काट ली।

दरसाव 6:12

बिकै पाछै बो उन्यो छठी म्होर की चेपी खोली, जणा बठै एक जोरको भूचाळ आयो , जिऊँ सूरज तूवा की जंय्यां काळो अर चाँद लोय की जंय्यां लाल होगो।

दरसाव 9:15

जणा बे च्यारू दुत छोड दिआ गया, जानै परमेसर बि घड़ी, बि दिन, बि म्हेना अर बि बरस ताँई त्यार करमाल्या जिऊँ बे आपका सिपायानै ताकत देवै अर बे हुकम नइ मानबाळा एक तिहाई मिनखानै मार गेरै।

दरसाव 9:18

बाकै मुंडाऊँ जखी आग, धुँआ अर तिजाब निकळरी ही बिऊँ हुकम नइ मानबाळा एक तिहाई मिनख मार्या गया।