दरसाव 7:16 - जीवन को च्यानणो (सेकावाटी नया नियम की पोथ्या)

¹⁶ बानै नइ तो ओज्यु भूख लागसी, अर नइ ओज्यु कदै तिस लागसी। बानै सूरज की तावड़ी बी कोनी बाळसी , अर नइ कोई ओर गरमी बाळसी।

दरसाव 7:16 Iomraidhean Croise

मत्ती 13:21

पण बचन हिया क मांयनै कोनी भसावै जद परमेसर प बिस्वास करबा की बजेऊँ मिनख बाऊँ बुरो बरताव अर बानै सतावै जणा बे थोड़ाई दिना म बिस्वास करबो छोड देवै ह।

मत्ती 13:6

पण सूरज उगताई तावड़ीऊँ बळगा क्युं क बे जड़ कोनी पकड़्या।

मत्ती 5:6

भागहाळा ह बे जखा धरम का काम करबा ताँई भूखा हीं; परमेसर बाकी इंछ्या पूरी करसी!

मरकुस 4:17

पण बो बचन बाकै हिया म जड़ कोनी पकड़ै जि बजेऊँ जद बापै दुख अर सताव आवै जणा बाको बिस्वास मर जावै ह।

मरकुस 4:6

पण सूरज उगताई तावड़ीऊँ बळगा क्युं क बे जड़ कोनी पकड़्या।

लूका 1:53

बो भूखानै चोखी-चोखी चिजाऊँ भर्यापूरा अर धायानै रिता फांका भेज दिओ।

लूका 6:21

थे भागहाळा हो जखा भूखा हो, थानै धपायो ज्यासी। थे भागहाळा हो जखा आज रोर्या हो, क्युं क आगै थे हसस्यो।

यहून्ना 4:14

पण ज मेरा दियड़ा पाणी मऊँ कोई पिसी जणा बो ओज्यु कदैई कोनी तिसायो होसी। बि पाणीऊँ जखो म बानै देस्युँ, बिऊँ बे अजर-अमर जीवन ताँई जीवन देबाळा पाणी को झरनो बणज्यासी।”

याकूब 1:11

क्युं क सूरज का तावड़ाऊँ घास बळज्यावै अर फूल झड़ज्यावै, जिऊँ बा सोवणी कोनी लागै। अंय्यांई अमीर मिनख बी आपकी भाग-दोड़ म खाली हातई मरज्यावै।

दरसाव 21:4

‘बो बाकी आँख्याऊँ सगळा आसु पुछ देसी। इब बठै मोत कोनी होसी’ अर नइ दुख, रोबो अर पिड़ा होसी। क्युं क सगळी पुराणी बाता जाती री।”