दरसाव 6:4 - जीवन को च्यानणो (सेकावाटी नया नियम की पोथ्या)

⁴ जणा एक ओर घोड़ो आयो जखो लाल सूरख हो। अर बिका सुवारनै धरती का मिनखानै आपसर्या म एक दुसराऊँ मरवाबा अर बाकी सुक-स्यांती खोसबा की ताकत दि गई ही। बिनै एक बडी तलवार बी दि गई ही।

दरसाव 6:4 Iomraidhean Croise

मत्ती 10:34

“थे अंय्यां मना सोचो क म धरती प मिनखा को सुळजेटो कराबा आयो हूँ पण म तो बानै लड़ाबा आया हूँ।

मत्ती 24:6

थे जद राड़ अर बिकी अफवा सुणो जणा मना डरज्यो। क्युं क आ बाता को होबो ते ह। पण बा घड़ी नास की कोनी होसी।

यहून्ना 19:11

ईसु बिऊँ बोल्यो, “ज परमेसर मनै थारै बस म नइ देतो जणा थे क्युंई कोनी कर सका हा। इ ताँई जखो मिनख मनै तेरै हाता म सूप्यो ह बो तेरूँ बी बडो पापी ह।”

दरसाव 12:3

ईस्बर नगरीऊँ एक ओर सेलाणी परगट होई, मेरै सामै एक लाल रंग को बडोसारो अजगर खड़्यो हो बिकै सात सीर अर दस सींग हा अर बिकै सात सीरां प सात ताज हा।

दरसाव 13:10

“जिनै केद म जाणो ह, बो केद म ज्यासी, जिनै तलवारऊँ मार्यो ज्यासी, बो तलवारऊँ मरसी।” इमई परमेसर का मिनखानै थ्यावस अर बिस्वास राखबा की जुर्त ह।

दरसाव 17:3

जणा बो दुत पबितर आत्मा म मनै उजाड़ म लेगो। बठै म एक लूगाईनै लाल रंग का खुखार ज्यानबर प बेठी देख्यो। बि जानबर क उपर परमेसर की बुराई करबाळा नाम मंडर्या हा। बिकै सात सीर अर दस सींग हा।

दरसाव 17:6

म बि लूगाईनै परमेसर का मिनखा का लोय अर ईसु मसी की गुवाई देबाळा मिनखा का लोय पीबा की बजेऊँ मतवाळी होता देख्यो। बिनै देखर मनै बोळो ताजूब होयो।